1. وحساب البنك بيتعمل ابتداء من سن 21 ولا اكتر؟؟

اهلين ياحبايبي.
بداية وقبل ماافصح عن استفساري. او استفساراتي الكثيره بمعنى اصح.
عايزه اقول اني باعشق اسبانيا..لدرجه متتوصفش.
ومن اهم اولوياتي دلوقتي ف حياتي ازاي اروحها. لاني هاروحها ان شاء الله مش هارجع.
لذلك. عايزه اعرف اقدر اسافرها ازاي.
مبدئيا: انا طالبه ف السن ولغتي التانيه اسباني.
عايزه اعرف اقل مرحله ف اللغه بيقبلوها ايه للسفر لاسبانيا. وهل اللغه اساس. زي ماف المانيا مثلا ولا مش لازم.
ثانيا: انا هسافر على حسابي مش من خلال جهه حكوميه. وطبعا ده اكيد هيتطلب ضمان ف البنك. الضمان المطلوب قد ايه.؟؟

وحساب البنك بيتعمل ابتداء من سن 21 ولا اكتر؟؟

ثالثا: اكيد اسبانيا من الدول اللي لازم يكون في سبب لاجل ماتقدر تدخلها. والاسباب المعروفه ف اغلب البلدان: العلاج..-السياحه..-العمل..-التعليم.
انا بقى عايزه ادرس هناك اخراج. (وهيكون هو ده السبب اللي ان شاء الله بناء عليه هخلل هناك..وابقى خلي حد يكلمني) ،,. معايا شهادة ثانويه سعوديه. هل ممكن يقبلوا شهادة الثانويه السعوديه. لان بعض الدول الاوروربيه مبتقبلهاش. ان مكنش فانا ان شاء الله هسافر بعد ليسانس الالسن. وده اكيد بيقبلوه.. السؤال بقى. هل في تقدير معين مطلوب للكليات هناك. ولا هما عاوزين مجرد الشهاده. ؟؟
رابعا: بما اني عاوزه ادرس اخراج. فعايزه اعرف افضل الكليات والمعاهد الحكوميه والخاصه لتعليم الاخراج في اسبانيا. وايه متطلبات الانتساب(بالنسبه للاجانب ) ف الكليات الحكوميه وايه نظريتها ف الخاصه. وكام المصاريف ف الترم هنا وهناك. وايه الفرق بين الحكومي والخاص. فيما يخص مجال الاخراج؟.؟ ولازم اراسل الجامعه اللي هاروحها من قبل مااسافر،، ولا ممكن لما اروح هناك اشوف؟؟
خامسا: صحيح ايه اخبار موافقة الاهل ف اسبانيا هل مطلوبه ولا مش لازم... (وعشان الناس اللي دماغها (نضيفه ماشاء الله). فعايزه اقللهم من دلوقتي. انا مش طالعه تسلل. ولكن احدى والدي ف بلد تانيه. لذلك مش هيبقى متواجد لاجل مايوقع عالموافقه.. فهل اسبانيا من الدول التي لاتطلب هذا الشئ زي ماسمعت بالفعل.؟؟. وبالمناسبه ياريت تشتروا منظف للدماغ. عشان انتوا سبب رجوع البلاد العربيه..
سادسا: اظن كفايه كده.
انا عارفه الاسئله دسمه وصعبه. بس ان شاء الله القالها اجابات شافيه. وكل اللي يقدر يجاوبني على قد مايقدر. بادعيله انشا الله ربي يسلمه. واشوفكوا على خير ياحبايبي.......منار