1. المهم جلست ابحث في الطيران


2. ياعني ماودي خويي يتضايق وهو وكلني في التنسيق

اخواني الكرام ماشالله عليكم باعتقادي مافيه انشط من بوابة المغرب في المنتدى مااعرف ليش وهذا الشي الي حببني اكثر في المغرب
المهم اتفقت انا وصديق لي اننا نطلع للمغرب لمدة 10 ايام يوم الثلاثاء 15مايو او مساء الاثنين 14 مايو وذلك لانتهاء دورة لدي صديقي في العمل يوم الاثنين

المهم جلست ابحث في الطيران

ولقيت افضل خط او متوافق مع الوقت الخطوط المغربية لان لديها رحلة فجر يوم الثلاثاء الساعة الخامسة
او اننا نطلع على الخطوط السعودية من جدة الساعة 10 ولكن هنا فيه مشكله ان الرحلة الظهر ووخوي راح يطلع من حايل ومافيه رحلات من حائل الى جدة الى بعد الظهر او صباح اليوم الذي قبله وصعبة انه راح يروح قبل الرحلة باكثر من 24 ساعة ملل
او اننا نطلع على الاماراتية من الرياض الساعة ثمان ومن دبي الساعة 7.30خويي راح يجي من حائل المغرب وعلى طول نطلع لدبي ولكن المشكلة في العودة خويي راح ينام ليلة في دبي وليلة اخرى في الرياض قبل وصوله لحايل وهذا فيه ملل بالنسبة له يومين طريق وانا اهم شي عندي راحة الركاب

ياعني ماودي خويي يتضايق وهو وكلني في التنسيق

طبعا الاتحاد والقطرية مافيه رحلات الا قبل الموعد بيوم وهنا دورة خويي او بعده بيوم وهنا راح نتاخر يومين ياعني نوصل الخميس يكون ضاع علينا يومين من الاجازة
طبعا على المغربية راح يوصل الساعة 9 وراح اخذه ونروح للبيت نتعشى ونلعب بلاي سيتشن والمباراة على ارضي وراح افوز لاني كل مالعبت معاه في حايل على ارضه يفوز وبعدين اخر الليل نطلع للمطارالاقلاع الساعة 5 الفجر والعودة على الخطوط السعودية لانه اصلا المقاعد في الذهاب محجوزة لصالح الخطوط السعودية
هنا ياخوان وش رايكم بالخطوط المغربية لاني اول مره اركبها لانه اصلا اول مره اروح المغرب فيه ناس تمدحها وناس تذمها :112: وتروني خواف من الطيارات ياعني اركبها والا نأجل الرحلة يومين او يوم اذا امكن عشان نغير الخطوط او خربها واخليه يتمرمط لعيون المغرب ونروح على السعودية او الاماراتية
رايكم يهمني ياخوان في اتخاذ القرار لانه ماودي يكون الرحلة فيها تنغيص ودي تكون ادارتي للرحلة صح
تروني تعبت في الكتابة ولاتخلوني
اخوكم
ابو صالح