لا مستحيل الصراحه انا ارفض رفض قاطع المقارنه بين الاثنين
لان مستحيل اتقارن طيران 5 نجوم بطيران 3 نجوم وطبعا حتصنيف مومن عندي هاي تصنيف وكالة الطيران العالمية
القطرية حاصله على افضل طيران بشرق الاوسط 6 مرات متتالية وبجداره
طيارنهم رائع وتجديداتهم اول باول لدرجه اذا سافرت هسنه وسافرت السنه الي بعدها راح اتصل في فرق وفي تطور
صح الاسعار اغلى وانا معاك بس علشان خدمتهم ورقيهم اكيد ندفع ونص
وانا اذا مو غلطان انت ساكن بقطر اذا كنت كذالك فلاتنسى ان القطرية افضلك لانها بتكون بدون ترانزيت
بس ماقلت لنا لوين الوجهه الي راح اتسافر لها
وانا توني مسافر على القطرية سوان برحلات الخليجية الطيارات حتى لو كانت صغيره بس جديده ومجهزه بكل وسائل الترفيه
وبنسبة للرحلات الالدولية تعد افضل وافضل توني رايح عليها من الدوحه الى لندن والصراحه شي خيال ماودك تنزل من طياراتهم
سافرت على الاماراتية ولاماكن بعيده ونفس الشي الاتحاد اشوف القطرية افضلهم وبعدها الاتحاد وبعدهم الاماراتية احس الاماراتية اقل اشوي من القطرية والاتحاد بس ميزتها انها بدبي بعكس الاتحاد الي في ابوظبي
خذها مني نصيحه وانت مغمض القطرية وبس
واي استفسار انا بلنخدمه

حلو ومدلع أوافقك الرأي

حتى لو السعودية اغلى اطلع عليها.. لو مايجيك الا ان الرحلة دايركت.. وافتك من اللطعة في المطار والترانزيت والقلق

ميزة الخطوط السعودية انها دايركت فقط...
لكن اذا ماعندك مشكلة تتمشى في المطارات اطلع على الأمارتية لأن مطارها مدينة كاملة و بأمكانك النزول في دبي.
القطرية راقية لكن بالمقارنة في مطار دبي ولا شي ..
اتمنى لك رحلة سعيدة

بالنسبة للخطوط السعودية ،
فغآلبآ مآتكون طيآرآتهم الرديئة موجهه إلى شرق آسيآ ،
بينمآ الجيدة منهآ إلى أوروبآ والغرب ،
والميزة والوحيدة فيهآ مثل مآقآلوآ الإخوآن "الدآيركت" ومآفيهآ ترآنزيت .
أمآ القطرية فأحس غنهآ أرقى منهآ وبكل شي .
تحيآتي

اذا السعر مايهمك فخذ القطريه
لان السعودية وخصوصا لاوروبا وامريكا دائما سعرها يبدأ باقل من نصف سعر القطرية
وفرق الخدمة لرحلات اوروبا وامريكا ليس كبير لدرجة انك تضطر تدفع اكثر من الدبل!
تحياتي

اذاماعندك مشكله في الترانزيت ابعد عن الشر وغني له

انا بالنسبه لي ابد ابعد عن الخطوط السعوديه ..
رح للقطريه وتوكل على الله .. ودعاء السفر ان شاء الله ماراح تتهاون فيه ..
وربي يسهل عليكم ياارب ويوفقكم ..
تحيااتي ..

طبعا القطرية.
مشكلة السعودية ماكو نظام نهائيا خربوطة ومايهتمون فيك كمسافر دافع فلوس تبي خدمة.
لا انت دافع توصيلة وبس للاسف هذا وضع السعودية وللأمانة يقولون ان وجهاتها الي اوروبا وامريكا الطيارات والموظفين غير. والله تعالى اعلم.
سفرة موفقة.