ابوشعيل
28-01-2022 - 08:52 am
اخواني بحثت في الموضوع هذا كثير وكل من راح للسفاره سويت معه مقابله لا تقل عن نصف ساعه ولا تزيد عن ساعتين يذكر لي فيها جميع الكلمات اللي قالها امام المقابل
اولا يجب ان تكون اوراقك كامله تماما
ثانيا ان تكون واثق من نفسك امامه
ثالثا عينك في عينه وقت المقابله
رابعا لا تضحك قدامه وتسوي نفسك وسيع صدر قدامه
خامسا بيسئلك اسئله عن السفر لسوريا واليمن وافغانستان ... الخ اذا ماكنت رايح لهن رد بسرعه بكلمه لا ولا تلعثم في هذي النقطه
المضهر لازم يكون جنتل يعني لازم تكون محلق ومتزكرت
بيسئلك عن جامعتك ليش اخترتها عطه عذر مقنع وبسرعه ولا تلعثم مثلا قله جامعه اعرف انها جامعه معترف بشهادتها في السعوديه ولها قبول في المجال الوظيفي عن تخرجي او اي عذر بس جهز له من قبل
بيقولك ليش اخترت امريكا بالذات للدراسه .... لاتقول عشان الدوله فاتحه بعثاتها في امريكا قل امريكا بلد متقدم في مجال التعليم وعطه من الكلام ولا تمدح قوه ولا تذم ابد وبدون تلعثم للمره الثالثه اقولها
لاتبين ارتباكك انك تعض شفايفك او تطقق اصابعك او تبلع ريقك خلك واثق وجاوب بسرعه السالفه 5 دقايق او اقل جمد اعصابك .....
وان شالله بيقولك استلم الجواز بعد اسبوع من البوابه وياخذ جوازك في نفس الوقت
واتمنى منكم الدعوه الصادقه ان الله يوفقني في مقابلتي في 1 اوقست
لكم تحياتي
ابوشعيل
اختلف في مسألة عدم الضحك !! لنقل لتكن بشوشا مبتسما.
كن أنيقا و لكن ليست بصورة مبالغ فيها !! مثل واحد حاط جل و لابس بدلة و ربطة عنق !!
عادي روح بشماغك مكوي و ثوب نظيف، هذي كل المسألة.
أنا استلمت جوازي و الفيزا بعد يومين بس من المقابلة .. كنت ضحوك و راعي سوالف مع اللي يعمل مقابلة . . لدرجة إني قمت أسأله كم سؤال عن بعض الأشياء اللي يعرفها في الفضايئات العربية !