اتمنى الرد منكم وجزاكم الله خير

انترلاكن حصلت فندق في قريب من انترلاكن ب 6 كيلو قريب من بحيرة ثون
اسمه
Hotel Beatus
وشرايكم فيه

السلام عليكم ورحمة الله وبركاته :
:
هلا والله اخوي .
قبل لا اعطيك رأيي في الفنادق ..ممكن استفسر منك بعض الاشياء .
هل محطة الوصول جنيف ؟ يعني توصل على جنيف وتطلع على طول على انترلكن ؟ المسافة تقريبا 260 كم .
ثانيا ..هل راح تكون معاك سيارة للتنقلات ؟
ثالثا ..في اي شهر ان شاء الله راح يكون سفرك ؟
وفي انتظارك اخوي.

هلا ومرحبا فيك أخوي ميدو .. إجابة على الأسئلة
هل محطة الوصول جنيف ؟ يعني توصل على جنيف وتطلع على طول على انترلكن ؟ المسافة تقريبا 260 كم .نعم محطة الوصول جنيف والمغادرة ... اما من ناحية الذهاب نعم سوف يتم الوصول الساعة الثانية ظهرا ان شاء الله وسوف اتجه إلى انترلاكن ... من ناحية السيارة ناوي استشيرك عنها من وين استأجرها ولا تنسى انها اول زيارة لي إلى أورباثانيا ..هل راح تكون معاك سيارة للتنقلات ؟
بحد ما سوف استأجر بنسبة 90% واتمنى ان تبدي رأيكثالثا ..في اي شهر ان شاء الله راح يكون سفرك ؟
السفر راح يتم مابين 27 /6/ 2013 إلى 9/7/2013
لمدة 12 ليلة
والله يوفقك يارب وويوفق الجميع

اللهم امين واياك ،
المعذرة راح اعطيك رأيي على عجالة ، لاني استعمل الايباد ):
طيب ، ليه ما تخلي مونترو في البداية ثم انترلكن ثم ديفون ؟
المسافة بين جنيف ومونترو تقريبا 99 كم ،
ثانيا ، دامك بتسكن في ديفون ، هذه ما يبالها مشورة ، لازم سيارة تكون معاك ،
السيارة يا طويل العمر تاخذها من مطار جنيف القسم الفرنسي ،
وعندك شركة سيكست المفضلة لدي او هيرتز ،
ويوم تحط في مدينة الاستلام ، تأكد ان مكتوب
Geneve airport french sector
ارخص من الجانب السويسري ،
ونسيت اقولك ، الف الف مبرووك والله يتممها لك على خير ،
لاني تذكرت ليه ما تغير جو في مدينة الالعاب اليوروب بارك ؟
تخلي لها يومين ،
فيصير مخططك
مونترو يومين
انترلكن خمسة
اليوروب بارك يومين
ديفون ثلاثة ايام
كذا جمعت احلى الانشطة اللي ممكن تسويها خلال سفرك ، متنوع وجميل وانشطة لا حصر لها تسويها وخصوصا ان معك سيارة،
السيارة فيها متعة لا توصف ،، ومافي تعب مشاوير كلها قريبة من بعض ،
اطول مشوار بين اليوروب بارك وجنيف 350 كم ،
والقيادة ابدا لا تشيل همها ،، نفس اللي عندنا ، فقط التزم بالقوانين المرورية وبس ، ونظام المواقف وكيفية تعبئة البنزين اذا عرفت طريقتها ،، خلاص ما يبقى لك شي ،
بس لاتنسى ، من شروط الاستئجار رخصة قيادة دولية + بطاقة فيزا او ماستر كارد ائتمانية ،
بالنسبة للفنادق ، ودي ارجع للابتوب واشوف لك اياها.
وشوف المخطط اللي اقترحته لك وانا في انتظار ردك.

هلا بك اخوي ميدو والله يطول بعمرك بالصحة والعافية
بالنسبة للتخطيطك حلو وجميل .. في عكس مونترو بالمقدمة وجعل انترلاكن بعدها
اما بالنسبة يورب بارك هل هي بألمانيا التي تقصدها لإني ماعرفت احددها من الخريطة ..
والشيء الأهم : هل دخول النساء فيها عادي ؟ إذا كان عادي لا مانع نجعلها ضمن الخطة .
وانتظر فنادقك
وألف شكر لك وعلى مجهودك . والله يكتب أجرك .. تستاهل حبة على جبينك

هلا اخوي وجمعة مباركة عليكم،
بالنسبة لليوروب بارك ،نعم هي في جنوب المانيا ، وقريبة جدا من فرنسا وسويسرا ،
في قرية اسمها rust,germany
ودخول النساء عادي ، نعم بامكانهم الدخول،
وانصحك تشوف التقارير الخاصة باليوروب بارك عشان تتأكد اكثر ،
طيب هل نويت على السيارة خلاص ؟
ولي عودة معك،

أي نعم .. إن شاء الله سوف استأجر سيارة
وكم مدة الانتهاء من اجراءات الرخصة الدولية وهل فيزا مسبقة الدفع تنفع في الإستئجار وفي سويسرا عامة
مثل فيزا نقاطي لدى الراجحي تشحنها برصيد وتشتري بها
وسوف انظر إلى اليورب بارك وإذا عندك رابط لها اتمنى تزويد به
هل تقصد هذه Europa-Park, Europa-Park-Straße, Rust, Germany
تبعد من انترلاكن 243 كيلو

ي نعم .. إن شاء الله سوف استأجر سيارة
وكم مدة الانتهاء من اجراءات الرخصة الدولية
هلا اخوي ..واختيار ان شاء الله موفق .
بالنسبة للرخصة الدولية ..تروح لأي مكتب سياحة تقدر تطلعها منها ..وتاخذ منك تقريبا 10 دقائق ..يعني وانت واقف ..اهم شي لا يكون عليك مخالفات .
وهل فيزا مسبقة الدفع تنفع في الإستئجار وفي سويسرا عامة
مثل فيزا نقاطي لدى الراجحي تشحنها برصيد وتشتري بها
والله ياخوي انا ما عندي البطاقة ..لكن لو كانت محفورة الارقام والاحرف ..يعني ماهي مطبوعة مثل بطاقة الصراف ..ممكن تمشي .
واذا كانت رحلتك معتمدة على الله ثم على السيارة ..ترى مايبغالها ..روح طلع فيزا ائتمانية افضل ..ولا تستعملها الا للسيارة فقط ..وحجوزات الفنادق من بوكنج .
وسوف انظر إلى اليورب بارك وإذا عندك رابط لها اتمنى تزويد به
هل تقصد هذه Europa-Park, Europa-Park-Straße, Rust, Germany
تبعد من انترلاكن 243 كيلو
نعم هي ..اليوروب بارك ..بمثابة الديزني لاند .
وهذا موقعهم الرسمي :
http://www.europapark.de/lang-en/Home/c1174.html?langchange=true
وهذا تقرير من العمدة عن المدينة :
http://www.aboaziz.net/blog/?p=691
اذا اعتمدتها خلاص راح نبدأ نشوف الفنادق ان شاء الله المناسبة .
على فكرة ..هل توجد ميزانية محددة للفنادق ؟ والا مفتوحة .
وفي انتظارك .