برقاوي
14-03-2022 - 07:06 pm
السلام عليكم ورحمة الله وبركاته ,,
الى كل مسافر خبير ومسافر فعال ومسافر متميز ,,,
بشرح لكم خطة رحلتنا لأول مرة على لندن اذا إن شاء الله وتمت الرحلة بتكون كالآتي :
ترانزيت >>رياض >قطر>لندن
لندن >قطر>الرياض
ورح نجلس في مطار الدوحة في الذهاب 6 ساعات وفي القدوم يوم كامل ,,
سؤالي الى المسافرين /
1 كيف مستوى الخطوط القطرية مقارنة بالخطوط السعودية ؟
2 كيف مستوى مطار الدوحة وخدماته ؟
3 هل فيه اماكن قريبة من مطار الدوحة ؟
4 شقق وفنادق تنصحونا فيها في الدوحة وتكون قريبة من المطار وأسعارها حلوة ؟
بالنسبة للندن / """
1- وش الأفضل السكن جنب الهارودز... ولأ في شارع إكسفورد؟ خصوصا انو مانحب الاماكن الهادية بزيادة .. لأننا بالعادة ننام متأخر ونصحى متأخر بالسفر ..... وشارع اكسفورد قالوا انه يكون نايم وممل بالليل ؟
2 ابي شقق حلوة ,,,, ابي شقق حلوة ,,, ابي شقق حلوة ومافيها فيران .. عقدونا .. كل ماحجزنا قالوا وصخة ,, الوصاخة تهون بس الفيران ماتهون ابد ... وخصوصا الأسعار مرة غالية ؟
3 وش نصايحكم ؟
اذا تمت الرحلة وسافرنا ان شاء الله .. مارح انسى اي شخص عطاني من وقته ورد عالموضوع بكلام يفيدني ويفيد الجميع .... والله يجزاكم خير ويوفقنا واياكم يارب....
اهلا وسهلا برقاوي
راح احاول اساعدك بالي اقدر عليه
اول شي الطيران القطري من احسن الطيرانات واحسن من السعودي .. واتوقع ما يختلفو اثنين على هذا الرأي
وانا اشوف ان الترانزيت وقت طويل .. هل هذا انتو اخترتوه ؟؟ او الرحله كذا ؟
اذا هذا ما اختياركم وانما هذا نظام السفره .. بأمكانكم تاخذو طيران الاتحاد او طيران الاماراتي واتوقع الترانزيت مالهم من ساعتين الى 3 وما شاء الله مطار الطيران الاماراتي كبير يعني لين تنزلو من الطياره وتقضو حاجاتكم الا هي صارت 3 ساعات وما راح تحسو بالوقت خصوصا لو كنتو مجوعة .. او الطيران البريطاني
وعن احسن مكان للشق يفضل انكم تاخذو شقه في شارع العرب ( الايجور رود ) لان الناس تسهر فيه ومقاهي عربيه ومطاعم وغيره من الاشياء العربيه وتواجد العرب فيه كأنك في دولة عربيه
للاسف اذا تاخذ شقق للايجار دايما يكون فيها وصاخه
( اتكلم عن تجربتي )
انا خذيت شقه في منطقه راقيه وكانت وصخه واضطريت اروح محل ( سينزبري ) واشتريلي ادوات منظفة خصوصا للحمامات ( اعزكم الله ).. وفوق كل هذا وللاسف تفاجئنا اخر يوم ان فيه فار في الشقه ولكن من حسن حضنا انه كان اخر يوم وطالعين .ف افضل انك تاخذ شقق فندقيه او غرف فنادق .. لانها اضمن وخصوصا غرف فنادق وذلك بسبب تنظيفها كل يوم من قبل عمال الفنادق
واذا تبي غرف فنادق ممكن اساعدك وادور معاك فنادق في cromwell و edgware road وفي oxford street و غيرهم من الاماكن الي قريبه من بعض وقريبه من الhyde park
بس انت عطني تاريخ الوصول والخروج وكم حاط مبلغ السكن وانا احاول ادور لك على شي يسرك
وبأمكانك الاطلاع على هالموقع
http://www.hotels.com/
وانا شخصيا حجزت منه اليوم لفندق في cromwell وهذه منطقه شبه هاديه وراقيه
بس قريبه من الهايد بارك ومن ومن اسكفورد ستريت ومن شارع العرب
وهذا موقع ثاني ولكن لم اقم بتجربته ولكن له سمعه طيبه
https://www.booking.com/
واذا ما حصلت مبتغاك روح للمكاتب السياحيه وهم يسون كل شي وانت عليك تختار وتدفع
واتمنى في النهايه انك ما تحجز من اي موقع .. في مواقع تكون غير امنه وتاخذ جميع اموال البطاقة
وكل هذا مقابل دعاء لي ولاخواني بالدخول الي الجنه والتوفيق في دنيتنا واخرتنا