سلطنة عمان المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..

نشر في سلطنة عمان

الحمدلله عدت من صلاله من يومين

ليدي بيرد

13-09-2022 - 02:39 pm

اسبوع في صلاله بس حسافه هالطبيعه الحلوه مافي خدمات ولا مطاعم ولا اي شي سكنت في فندق هيلتون خمس نجوم الليله 27 دينار كويتي وصورت صور حلوه وايد جوها حلو وايد ضباب ونسمات هوا ترد الروح بس اللي يبي يروح حدها خمس ايام بس مو اكثر واي سؤال انا حاضره وبالنسبه للصور اذا لكم رغبه راح احطها لكم في ملف مضغوط لان للاسف ما اعرف اعرضها في الموضوع مباشره

التعليقات (6)

Kuwaity2

13-09-2022 - 05:31 pm

ليدي بيرد الف حمد الله على السلامة
مشكلة صلالة ارتفاع اسعار التذاكر رحلة من الكويت الي صلاله عن طريق مسقط بسعر 177 دينار بحدود 550 دولار زيارة صلاله بالسعر هذا مستحيله السعر هذا نفس سعر تذكرة كويت بانكوك

ابوهادي

13-09-2022 - 06:32 pm

ليدي بيرد الحمد لله على السلامة
ويا ليت تحطين الصورأخوي كويتي
يمكن أن سعر تذكرة صلالة نفس تذكرة بانكوك
بس صراحة ما فيه مقارنة بين الثنتين ( صلالة أفضل )

صلالة 99

13-09-2022 - 07:33 pm

والله لو بايدي الامر لعملت لكم كل وسائل النقل ببلاش بس اش اسوي ياحصره على هذيلا الي يبو ياكلو الدنيا اكل
////////// الهوامير الكبار ///////////
تحياتي لك اخوي

ليدي بيرد

13-09-2022 - 08:34 pm

معاك حق اخوي كويتي تذكرتها غاليه بس بانكوك مكلفه عشان سوقها ههه الحلو بصلاله مافي مصاريف اسواق عشان لا نصرف وايد الله يسلمك اخوي بوهادي وان شاء الله احط الصور

ليدي بيرد

13-09-2022 - 09:35 pm

الله يسلمكم كلكم واخوي كويتي بالنسبه للتذكره فعلا غاليه لكن لا تنسى ان صلاله مافي مصاريف سوق لان مافيها سوق مجرد اسواق شعبيه لكن تايلند يبيلي الف عشان سوقها

ليدي بيرد

13-09-2022 - 10:36 pm

وهذا رابط للصورhttp://www.angelfire.com/ok5/ladybird/salalah/