نشر في سويسرا

الحقونا سفارة سويسرا يقوبون اسبوعين

منيسوتا

11-01-2022 - 09:49 am

يا اخوان والله انه جاني (التكاك) اليوم..
اليوم رحت السفاره السويسريه عشان استفسر منهم عن مدة استخراج التأشيره...قالولي قدم الابليكيشن ومعاه كل الوثائق المطلوبه وممكن من عشره ايام الى اسبوعين نناديك للانترفيو وبعدها بيومين تطلع التأشيره!!!
يا اخوان وش الدبره واخوكم حجز سكن وطياره ؟!!

التعليقات (9)

نوبة سياحية

11-01-2022 - 12:37 pm

طيب متى سفرك ؟

منيسوتا

11-01-2022 - 01:38 pm

25 july
اول شي بروح للندن...يازين السفاره البريطانيه بنفس اليوم طلعت الفيزا

the stalion

11-01-2022 - 02:39 pm

وش هالكلآم ؟؟ غريبه !!
الاسبوع الي رآح قدمت عليها يوم الاثنين .. 24 ساعه والتأشيره عندي ..

saudturki2000

11-01-2022 - 03:40 pm

أول مرة اسمع ان السفارة السويسرية تطلب انترفيو ؟؟؟؟
العادة السفارة السويسرية تسلم الفيزا في حدود يوم او يومين..

منيسوتا

11-01-2022 - 04:41 pm

اخوي SaudTurki
والله ياخوي مدري هل هي انترفيو ولا يعطونك رقم وبعد اسبوعين ياخذون اوراقك....المهم اني انغثيت

منيسوتا

11-01-2022 - 05:42 pm

اليوم رحتلهم وعطوني موعد يوم الاثنين 23 july وسفرتي يوم السبت 28 july....قالي الموظف اللي عند الباب يومين وتخلص يعني يوم الاربعاء 25 july...
ادعولي الله يخليكم

aboaziz

11-01-2022 - 06:43 pm

احتمال كبير ان يكون جوازك لا يحتوي على فيزا سويسرية سابقة وهذا سبب الإنترفيو او المقابلة او (و) تكون في الرياض لأنهم يواجهون ضغط كبير
جدة الوضع مختلف تماما والأمور سهاله
وعلى حسب موقع جهة عملك يكون التقديم للسفارة / القنصلية
وللمعلومية اذا كان كنت تحمل فيزا طالب بريطانية سارية المفعول ومتعددة فإنه يمكن ان تخل فيها الأراضي السويسرية فقط
أعتقد الموعد مناسب وراح تنتهي التأشيرة في اليوم التالي للمقابلة بإذن الله
بالتوفيق

منيسوتا

11-01-2022 - 07:44 pm

ابو عزيز
والله انك نعم الاخ و يازين صحبتك ياشيخ...
نعم هذه اول مره اطلع تأشيرة سويسرا وانا نعم في الرياض وعندهم ضغط...لكن ان شاء الله تخلص في موعدها وقبل السفر

لمسات

11-01-2022 - 08:45 pm

أكيد أنت من سكان الرياض
للأسف ومع صعوبة استخراج الشنقن والضغط على السفارات اقتنع الأغلبيه وأنا منهم بالاكتفاء باستخراج الفيزا السويسرية ..
وهذا أدى إلى ضغط رهيب على السفارة السويسرية ..
بعدها لجأت السفارة على اعطاء مواعيد من 10 أيام إلى 15 يوم لاستقبال الطلبات ..
بعدها يتم استخراج الفيزا في يوم أو يومين ..
الله يعين بس

سويسرا المسافرون العرب

الحقونا سفارة سويسرا يقوبون اسبوعين