الحقو علي اليوم الشباب عندي

صوت بني تميم

08-09-2022 - 08:37 am

هلا وغلا ومرحبا بأخي الفاضل ..
افا سب افا عندك عزيمة ولا تعزمنا ...
اجل بنركب عليك حق قعود كامل ههه..
اخي الحبيب اذا كنت تريد مطعم فخم ومميز
فعندك المطعم الذي في فندق هولدي ان الازدهار ..
بين مخرج 8 و مخرج 9
يمدحونه بعض الجماعة ..
انا ما جربته لابراء الذمة بس يقولون انه ممتاز
طبعا الشركة عالمية والفندق جديد ...
هذا افضل شيء في شمال الرياض ...
وايضا عندك مطعم الصيف الهندي
في حي المروج طريق الملك عبدالعزيز
رائع واكله جميل
بس جرب الهولدي ان اعتقد انه افضل منه ...
وتدري الله يخلي عمو حمزة بس ههه
الله يوفقنا وإياك لما يحبه ويرضاه ..
والسلام ختام الكلام ...

نقطتين وتعجب !!

08-09-2022 - 09:38 am

تبون تتعشون ولا بس قهوة ؟
اذا عشاء وقهوة روح لمطعم ماريز على طريق الملك عبدالله عندهم قهوة عربية وتمر وبعدها تتعشون

مهند

08-09-2022 - 10:39 am

غرفة خاصة بمطعم القرية النجدية ستكون تجربة ممتعة تتذكرونها دائماً بإذن الله
لكن رح قبل واحجز الغرفة
عندك فرع شارع التخصصي وفرع الواحة مقابل الممشى

khaled kmk

08-09-2022 - 11:40 am

اخوي صوت بني تميم
يعطيك الف الف الف الف عافيه
والعذر والسموحة وانا اخوك على القصور وابشر تراك معزوم انت وكل من يعز عليك
وكل من يقراء ها الموضوع
والله كنك في بالي بخصوص الهوليدي ان فكرت فيه وعمو حمزه ملينا منه مع اني احب اكله
ومشكور يا الغلا .................................................. ........................................
اخوي نقتطين وتعجب

khaled kmk

08-09-2022 - 12:41 pm

مشرفنا الغالي مهند شرفت الصفحة يا الغالي
والله يعطيك العافيه
وبأذن الله راح اجرب
وش افضل وانا خوك فرع التخصصي ولا فرع الواحة مايهمني البعد ابي الافضل من ناحية الهدوء والمكان يكون رسمي

mr abdulrahman

08-09-2022 - 01:42 pm

دام ودك بقهوه جلسه باسكوتشي حلوه بطريق عبدالله ابن حمدان ( السليمانيه )
و اذا بغيت عشاء بوفيه سرلز هاوس ( بالتحليه ) اكله معقول و سعره كمان معقول

مهندس ملي بملي

08-09-2022 - 02:43 pm

يمدحون الرمال... مضغوط وشيشة

معالي الوزيـر

08-09-2022 - 03:44 pm

هلا اخوي
فرع القرية النجدية اللي بالواحة اكبرر وجديد واكيد انه راح يكون الافضل ولا يوجد ازعاج في هذيك المنظقة
واذا تبي تتقهوى فيه كوفيات كثيرة راح تعجبك وتنبسط فيها منها :
الشارع الصغير اللي بين فندق الفيصلية و فندق الخزامى - شارع السليمانية كوفي - لوبي فندق الفيصلية - واغلب الكوفيات بشارع التحلية حولة وفيها اكل حلو اذا ماتبي اكلات شعبيه مثل بيتزا اموري مره تجنن وجلسات رايقة
اتمنى لك التوفيق وبياض الوجه قدامهم

نهر

08-09-2022 - 04:45 pm

مهند
فعلاً ما ذكره مشرفنا القدير
و الله العالم إنه مناسب لك جداً شعبي و يبيض الوجه و جلسه حلوه بعيد عن الكراسي و الشوك

السعودية المسافرون العرب

الحقو علي اليوم الشباب عندي