قطر77
18-10-2022 - 05:47 am
بسم الله الرحمن الرحيم
اخواني اخواتي الكرام اتمنى اني افيدكم بموضوعي وحاب انبه الكل انه لا ياخذ على كلام الناس
انا قدمت على تأشيره بتاريخ 6-10-2009 والحمدلله استلمتها في تاريخ 7-10-2009
انا جاني كم واحد من الشباب وقالي مستحيل يوافقون على التاشير ولازم يكون عندك سبب مقنع لزيارتك للولايات المتحده
المهم انا قدمت الطلب على النت ورحت دفعت المبلغ الي هو 131$ او 479 ريال وحجزت موعد ويوم رحت المقابله
صج كان انواع التفتيش عند الباب لاكن يوم دخلت داخل الحمدلله لقيت الموظفين طيبين ومالهم حل ويخدمون بكل معني
المهم خذت رقم وجا دوري وكنت انا رقم 2 قامت الموظفه وخذت الطلب وتمت تعدل عليه وقالت لي وقع المهم رحت عند موظف المقابلات وسالني كم سؤال مثلا هل سافرت لها الدوله وكم سنه سار لك تشتغل ومن ها الاسئله الحلوه
اخر شي ابتسم في ويهي وقالي باجر تعال استلم التاشيره
القصد من ها الموضوع ان لا احد ياخذ الموضوع انه بتم رفضه او شي ولا احد ياخذ على كلام الناس الربع كانو مسوين لي حرب نفسيه لاكن يوم رحت شفت الوضع غير
تحياتي
اخوكم بو سنيده
