روحي معك
أختي الكريمة أنا كنت الأسبوعين الماضية في لندن ومانشستر ،،، بس بصراحة الأجواء روعة ولكنها متقلبة ،،،
يعني الصراحة آخر ثلاث أيام كانت برد يعني في النهار درجة الحرارة تقريباً من 13 إلى 15 درجة مئوية ، وفي الليل من 7 إلى 9 درجة مئوية ...
يعنى أشوف إنك تاخذين احتياطاتك في اللبس أحسن ...

روحي معك
الجو بارد واجد الله يعينك عليه خلى معك البالطو
والجونتيات واللفحه والكاب الصوف لانزلتي من الطايره البسي
وتمتعي بجو الشتوي اللندني

في اكتوبر يميل الى البروده وفي الليل بارد والجو متقلب

روحي معك
هلا قلبو انا فيها الحين الجو عندهم متقلب بين مطر وشمس وبرودة بس في كل الاحوال البرودة هالشهر عادية تتحملين واذا تبين تعرفين بالضبط دشي موقع الطقس في لندن يعطيج حق عشرة ايام وانا كل يوم جذي الصبح قبل اطلع اشوف بالنت الجو بعدين تعالي سكني عندنا دودلي كورت روعة >>>>>>>>>>> يعني العكس
بس ينتهي شغلي سيدة للطيارة

الجو بارد واجد الله يعينك عليه خلى معك البالطو
والجونتيات واللفحه والكاب الصوف لانزلتي من الطايره البسي
وتمتعي بجو الشتوي اللندني
امس واليوم اطلع الجو جداً رواق نسمة باردة بس ابد مو ذاك البرد الي يحتاج لبس.. يعني بلوزتين كم حلوين .. او بلوزة خفيفة وجكيت خفيف .. لكن لابد من الجكيت الثقيل يكون بالشنطة لأن الجو متقلب وفجأة يجيكم برد.. فخذوا احتياطم
اما الصوف لم يحن وقته بعد ابداً ابداً.. ماتوقع ان الصوف بينلبس قبل اواخر نوفمبر الى اوائل ديسمبر.. ولم يحن وقت القفازات ايضا
الجو متقلب.. كان برد الأسبوع الماضي لكن اخر ثلاثة ايام الجو جداً لطيف يعني حتى مالبس جكيت بس يمكن الي جاي من برى مو متعود يحتاج جكيت خفيف
يعني بالعربي خذي شي خريفي (خريف اوروبا مو خريف الخليج) وشي شتوي..

الجو في لندن حلو في برودته
انا الان في لندن لبسي عادي بس اللهم اني ازيد والبس الجاكيت واهم شيء قبل خروجك تتابعين نشرة احوال الطقس في قناة البي بي بسي تحسبا ليوم ممطر عشان تاخذين معك مظله المطر
رحله سعيده

انا لما رحت جولاي لبست لبس عادي وعاه جاكيت
ولما رحت العام جانوري لبست 5 بلايز وهلهوب وبنطلون وجاكيتين وقفازات وبوت حقهم هذا الي داخله فرو والقبعه
يعني الحين البس كم قطعه بالعربي