12 مشاهده ولا رد
شدعوه انتوا كريمين وانا ان شاء الله استاهل
ياليت تريحون بالي تجاوبوني

tarek100
والشكر موصول لك ايضا على انضمامك للمنتدى

اخي الفاضل hml
يعجز لساني عن شكرك على ردك الرائع
جزاك الله كل الخير وكثر الله من امثالك وفعلا ريحت بالي والله اني كنت متردد ويشهد ربي وبعد كلامك تطمنت وباذن الله باعقلها واتوكل
وبكرى باذن الله راح اشوف المكاتب السياحيه واسعار التذاكر ولي عوده بالمستجدات بالموضوع
فشكرا لك اخي الفاضل

ماعليك وتوكل واستراليا تستاهل اكثر واكثر
وان شاءالله راح تعجبك
بنسبة قبل كل شي حدد لنا بعظ الاشياء
مثل الميزانية المطروحه و المدة
والاماكن الي تبيها وانت شتحب بسفر
وماعليك وخل الباقي علي
وبنظبطلك احلى سفره وانا بقعد اتابع موضوعك واي شي احنا بلخدمة ماعليك
بس رد على اسالتي علشان نقدر انحدد الفنادق
او اقل شي بس نبي المدة علشان انعرف انقسمها
ومبدئيا اقولك غولد كوست 10 ايام و ملبورن يومين او ثلاث وسدني 5 ايام وترانزيت سنغفورة يومين في الروحه وتراننزيت في الرجعه بانكوك او هونغ كونغ يومين وممكن اتمر دبي يوم او يومين اذا تبي وممكن لا
وناطرك علشان انحدد الفنادق والتكت ومايصير خاطرك الا طيب

tarek100
لاشكر على واجب عزيزي
وكل اعضاء المنتدى تحت خدمتك
ولا يكون في خاطرك حاجة إلا هتلاقي لها جواب من الاعضاء
وربنا يوفقك

تسلم اخوي حلو ومدلع ما قصرت والله يبيض وجهك ويريح بالك
بالنسبه لطلباتي في السفره ابغى ريلاكس وجو حلو ما يهمني التسوق قد الراحه والتمشيات والمتنزهات
امس لقيت طيران الاتحاد سعر التذكره 4100 من البحرين بس شكل الرحله البحرين ابوظبي - ابوظبي سيدني يعني ما فيه توقف او ما وضحوه في موقع الخطوط ؟؟
طيب شرايك سيدني - غولد كوست - مالبورن بس والا فيه مدن تستاهل الزياره ؟؟
وجزيره فيجي سمعت انها قريبه شرايك؟؟؟
المده مفتوحه والميزانيه ما حسبت كم تقريبا بس ودك بالزين المعقول وما فكرت بمبلغ معين
انت تتوقع كم الميزانيه المناسبه ؟ مع التذاكر
اليوم المساء باذن الله بمر كم مكتب سياحي وبجيب عروضهم واعرضها عليك اذا ما عندك مانع وما خاب من استشار
ولك مني كل الشكر والتقدير
=====
اخوي hml
تسلم والاعضاء ما يقصرون باذن الله
جزاك الله خير
تحياتي وتقديري

1. لو قلنا انت خذت على الاماراتية اوكي


2. بتطلع من البحرين الى دبي وبعدها بتطلع الى سنغافورة


3. وتقدر اتروح الى رحلة الريف الاسترالي


4. ومن غير المجمعات مثل المارينا والبسفيك فير


5. وتقعد في سدني من 5 الى 6 ايام


6. السكن انصح في ستار ستي وهو فندق وشقق


7. وممكن اتروح الى البانوراما فوق واتشوف سدني كلها


8. انصحك تاخذ البكج من الامارات للعطلات

اكيد ماعندي مانع
بس لحين مارديت علي ولا قلت لي كم مدت سفرتك علشان نقدر نقسمها
بنسبة لطيرانالامارات فسعرهم حلو بس هلتاكدت اذا مع الضرايب ولا لا
وانا مانصحك فيها اذا كنت بتروح على السياحية
اولا لان مدة السفره طويلة انت اتكلم عن 16 ساعه لو انت على الفرست كان مليت وتكسرت من القعده صح
عشان هشي انا ضد انك اتروح على الاتحاد وثاني شي لان مابي اتكون وجهتك الاوله سدني وماقدر اقولك بعد روح وخذ طيارة داخلية وانت اوردي راح ترجع على سدني
الناقل انا ارشح الاماراتية
لان الاتحاد دايركت وهشي احنا مانبيه
القطرية اتوقف في شرق اسياء واتكمل عنها الاستراليا لانها لحين مادخلت استراليا والاستراليا مافيها وسائل ترفيه لنا يا العرب
الماليزيا حلوة شيك عليها

لو قلنا انت خذت على الاماراتية اوكي

بتطلع من البحرين الى دبي وبعدها بتطلع الى سنغافورة

ارشح الحجز في سنغافورة في فندق غراند حياة او الماريوت وهم على اهم شارع فيها وهو شارع اورشيد بس اذا كان السعر مو مناسبة ممكن اتشوف فندق ارخص وفي فندق انا مجربه شخصياوهو حلو واي ومكانه حلو في بداية شارع اورشيد اهم شارع بسنغافورة وقريب من الجراند حيات والماريوت مايبعدك عنهم الا خطوات
والفندق سعره رخيص مقارنه فيهم ويوصل الى النص يعي الغراند حياة ليلته بتكون 900 ريال او الف ريال اما الفندق الي اقولك عنه مايتعدى 450 ريال وانا شخصيا مجربه
واسمه اورشيد بريد هوتيل وهو حلو وايد مصنف 4 نجوم ونظيف وايد ومايقل عن الخمس نجوم في ولا شي اللوبي حلو ومجهز بكل شي والمكان حلو والغرف حلوة وايد واذا الجراند حياة و الماريوت ماناسبوك بسعر فانصح فيه وبقوة وانا مجربه شخصيا
وفيه مكتب سياحي تحت ممكن تاخذ منه الرحلات في سنغافورة وانا انصح في رحلة الى جزيرة سنتوسه وانصح انك اتروح الى السفاري نايت وانصح اتروح الى سنغافورة فلاي وانصح تاخذ لفة في الباص البرمائي ومن غير انك اتمشى في سنغافورة وفي الشارع الي كله مجمعات وهاي احلى الرحلات وممكن اتروح بعدرحلة الى الاسواق مثل السوق الهندي والمعبد الصيني وكم سوق بعد بس للامانه اعجبتني الرحلة ومن نصها تخلينا عن القروب ونزلنا وخذينا تكسي ورجعنا الفندق لانملينا الصراحه والمعبد والسوق الصيني والهندي مافيه شي
وبعدها تطلع من سنغافورة الى غولد كوست وبطلع من مطار سنغافورة الى مطار برزبن الي يبعد عن غولد كوست ساعه ونص بسيارة وبعد ماتوصل المطار واتخلص الاجرات
اتروح على غولدكوست بنحط المدة الافتراضية هي10 ليالي وللامانه انا قعدت 14ليله ومامليت منها
السكن في شقة فندقيه اسمها السيركل حلوة وزينه وراح اتلاقي تقرير عنها في الوقع
والمطبخ مجهز كامل من كل شي والاثاث حلو والموقع استراتيجي واحلى موقع في البرادايز كله لانه يقع في نص البرادايز وتحت في سوبرماركت وكله مطاعم وكوفيات
وانصح فيه بشده واوسعلك من غرفة الفندق وفي بلكونه متى مامليت تقدر تطلع وتقعد عليها واتشم هو واتشوف الناس الي رايحه ولاي راده بس عيبهم التنظيف انه مب يومي اسبوعي بس ممكن تطلب من المكتب ان يقولهم نبي تنظيف يومي ويكتبه بلفوتشر لانه ارخص وممكن لمى اتكون اهناك وحسيتو ان تبون حد ينظف الغرفه ان تنزلون لهم واتقولون لهم بس راح تدفعون مبلغ معين او ممكن تطلبون التنظيف مرتين او 3 بلسبوع
وممكن اذا تبي اتجرب الفرساتشي ان تسكن فيه اخر يومين وتستمتع في الليلة الرومنسية
وفي بعد عني شقق حلوة اسمها الصن ستي وانا مجربها شخصيا خلوة وايد وتحت في برك سباحه داخلية وخارجية ومطعم مكسيكي بس عيبه ان هو يبعد عن البردايو 5 دقايق مشي فاذا انت اتحب المشي ممكن تستمتع في هلميزه وللامانه احنا انروح ونرجع مشي لانه مايعتبر بعيد بس في ناس مايفظلونه لان بعيد وانا اعتبر مكانه وايد حلو بحكم انه بعيد عن ازعاج البردايز وخاصه في الويكاند ويطل على البحر وتقدر اتمشى في البحر في الجزء الي يطل عليه بحكم ان مافيه ناس لان الناس اتكون موجوده في الشاطئ الي بلبردايز
بس طبعا للامانه السيركل احلى بوايد كامنظر وموقع وكل شي ولا اتخاف بعد من الازعاج لان شققه فيها عوازل يعني من اتصكباب البلكونه والدرايش ماعان تسمع شي
وبنسبة لغولد كوست تقدر اتروح للمدن الترفيهية مثل السي ورلد والموفي ورلد والدريم ورلد واتروح بعد الى رحلة السفاري حلوة وايد ويوم اتروح تحظر عرض الاوت باك حلو وايد وايد ويستحق الزيارة ويعطونك مترجم بلعربي واكل حلال
واتروح لحديقة الحيوان وحديقة النحل

وتقدر اتروح الى رحلة الريف الاسترالي

ومن غير المجمعات مثل المارينا والبسفيك فير

ومن غير التمشي في البردايز والاستمتاع في بعظ المغامرات مثل بيت الرعب والانفنتي المتاهة ومقهى الثلج وممكن اتروح الى الكيو ون واتشوف غولد كوست كلها واتقهوى بلكوفي الي فوق وانصح اتروح العصر قبل الغربو لشان اتشوفها بنهار والمغرب والليل وممكن تاخذ لفة على غولد كوست في القارب البرمائي وهو حلو وايد
وكل الي ذكرتلك انا مجربه شخصيا ماعاد الريف الاسترالي الي ماصارت فرصه وانروحله وفي ناس مامدحوه
وبعد غولد كوست تطلع من مطار غولد كوست الداخلي وهو قريب الى ملبورن
وتقعد فيها يومين وتسكن في الكراون بلازا وهوحلو واذا غالي عليك شيك على فندق اسمه استانفورد بلازا ارخص من كراون وانا مجربه بس انا انصح بلكراون بلازا
بنسبة الى ملبورن اذا ماراح اتروح رحلة الثلج فانصحك تقعد ليلتين بس
بس اذا بتروح الى رحلة الثلج ممكن تقعد 3 ليالي لان رحلة الثلج بتاخذ منك يوم كامل لان الرحلة من الساعه 6 الصباح والعودة 9 بليل
والاماكن الي في ملبورن ممكن اتروح الى المجمعات الي هناك مثل شادستون سنتر وهو وايد حلو
وممكن اتمشى على ملبورن وتقدر تاخذ لك جولة بلحنطور وتستمتع فيها
وممكن اتروح الى البانوراما واتشوف ملبورن من فوق واتجرب تجربة الغرفة الزجاجية
هاي بنسبة الى ملبورن
وبعدها تنتقل من ملبورن الى سدني

وتقعد في سدني من 5 الى 6 ايام

السكن انصح في ستار ستي وهو فندق وشقق

وانصحك تاخذ الشقق لان اوسعلك واكبر وفيها بلكونه وتستمتع بلجو والمنظر والشقة نفس خدمات الفندق فيها تنظيف يومي وحتى الصحون لايكنا ناكل فيها غسلوها لنا وفيها روم سيرفس ونفس الفندق بظبط والشقة فيها مطبخ كامل مجهز وفيها غسالة وطاولت كوي وهاي ا لاشياء تنفعك ومن غير ان في سوبر ماركت تحت يشتغلون فيها عرب ومن غير ان فيها مطاعم فاست فود مثل صب واي ومحل ايس كريم وانا مجربها بنفسي وهي راقية راقية وايد وحلوة وايد وايد
بنسبة للاماكن في سدني ممكن اتروح الى الاوبرا هاوس واتمتع بلمنظر وتاخذ تور داخل الاوبرا وممكن تحظر عرض مسرحي لو تبي وممكن اتقهوا بلكوفي شوب الي برا
وممكن اتمشى بلهاربر والهاربر سايتوهو مجمع وفيه مطاعم وحلات وايد والمنظر روعه
وممكن اتروح الى المتحف والى سوق فكتوريا وممكن تاخذلك يوم رحلة الى الجبل الازرق

وممكن اتروح الى البانوراما فوق واتشوف سدني كلها

هاي معظم الاشياء الي اتسويها وللامانه اكفاية انك اتمشى في الهاربر وعند الوبرا هاوس الصراحه المنظر والجو يرد الروح ويغنيك عن كل شي
وبعدها تطلع من سدني الى هونغ كونغ وتقعد فيها يومين وممكن تستغلهم بتمشيا والسوق للامانه انا مارحت هونغ كونغ ورحنا بانكوك بدالها والصراحه في الوهله الاولى انصدمنا منها بس بعدها تاقلمنا اشوي ممكن لان احنا راجعين من استراليا بس احنا طولنا يعني قعدنا 4 ليالي اما انت اذا بتقعد سوان في بانكوك او هونغ كونغ انصحك تقعد ليلتين بس والفنادق في بانكوك انصح في الاند مارك وهو حلو وايد واذا غالي ممكن اتشوف غيره وارخص اما هونغ كونغ للامانه نا مارحت لها عشان هشي ماعرف فيها
وبنسبة للمجمعات في بانكوك فهي حلوة في مجمعات راقيةوحلوة وفي مجمعات اقل مستوا باضعتهم التقليد متوفر بكثرة اما الماركات العالمية انا اشوفها اغلى من عندنا بس بعد في اشياء رخيصه بسيعتبر سوق هونغ كونغ افضل من بانكوك لانه ارخص وحتى ماركاتهم ارخص من عندنا وراح تقضي المدة في المولات التجارية وتستمتع
وبعدها اتسافر الى دبي ممكن تاخذلك ليلة او ليلتين في دبي منها اتسوق واتمشى لو تبي وانصحك تحجز في فندق ذا ادرس العنوان وهو راقي وجديد وحلو وانا مجربه وتوهم فاتحينه في اكتوبر الي فات وهو جنب دبي مول وحلو وايد واذا طلع عليك غالي ممكن تحجز في فنادق شارع الشيخ زايد مثل المروج روتانا او شنغريلا او الفيرمنت او دوست دبي وكلهم انا مجربهم او شقق شيلسي الفندقية حلو بعد وايد وعلى شارع الشيخ زايد وممكن اتجرب فندق الكنبنسكي وهو الفندق الي في امارات مول وعند المجمع حلو وايد بعد وممكن اتروح الى المجمعات التجارية اهناك مثل دبي مول وامارات مول ووافي ستي وفيستفال ستي وبرجمان ومركاتو ومجمعات وايد بعد انا كتبتلك افضلهم واتروح سوق جميره اتمشى فيه ودبي والك واتروح المارينا دبي
وممكن تلغي دبي واتروح بعدها الى البحرين على طول
طبعا هاي جدولي لك سوان للفنادق او لتنظيم او للمدة واذا تبي اكثر ممكن انزيدلك اشوي في غولد كوست
والمدة هي
سنغافورة ليلتين
غولد كوست 10 ليالي قابله للتمدين اذا تبي
ملبورن 3 ليالي
سدني 5 ليالي قابله لتمديد اذا تبي
هونغ كونغ او بانكوك ليلتين او 3ليالي
دبي ليلتين اوليلة او ممكن نلغيها
يعين المدة بتكون لك قريب ال 22 ليلة او23 ليلة واتمنى تستمتع فيها
وهاي رايي في توزيع الايام
بنسبة للسعار فهي اتراوح
يعني في غولد كوست وسدني اسعارهم نفس الشي تقريبا السكن ممكن بين ال 700 الى ال 900 ريال لليلة في الشقة اليقلتها وهيعباره عن فرقة صالة مطبخ حمام بلكونه
في ملبورن بيكون اغلى اذا خذيت شقة ولا سويت عشان هشي خذلك غرفة والسعر بكون نفسهم تقريبا
بنسبه لسنغافورة اذا جراند حياة او الماريوت نفس الشي بين ال 800 الى الف ريال لليلة اما لو اورشيد بريد فبكون سعره اقل من 450 ريال لليلة
بنسبة لهونغ كونغ ماعندي خبر بفنادقهم وماعرف اسعارهم بنسبة لبانكوك فنفس سعر سنغافروة ممكن اتحصل فنادق غالية وممكن ارخيصه بس مابتحصل غالية وايد حدهم افخم شي ب 600 ريال وعلى فكره في بانكوك كان معانا سواق عنده فان مكيف وكان يقضي اليوم كله ويانا ويودينا الى المجمعات وينطرنا واذا احتجنا نتصل عليه علشان يشيل الاغراض وهشي كله بس بالفين بات يعني 200 ريال بس ويكون عندك من الصباح الى الليل وانا اشوف سعره وايد زين واذا تبيه ممكن اعطيك رقمه
بنسبة لدبي اتراوح اسعارفنادقها يعين المروج ودوست ممكن اتحصلهم ب 600 ريال وممكن اعلى اشوي وشنغريلا والفيرمنت اعلى بشوي وذا ادرس بيكون قريب الالف هو والكنبنسكي

انصحك تاخذ البكج من الامارات للعطلات

نصيح نصيح نصيح اذا بتروح عل ىالسياحية لاتنسى تطلب التوصيل من والى المطار وراح اتكون محسوبه عليك بس على الاقل تظمن من يوصلك بسياره حلوة ويستقبلك اما لو على البزنس فتكون مجانية وهم دقيقين في مواعيدهم يعني لا اتخاف محد يستقبلك ولا اتخاف حد يتاخر عليك بلعكس وحتى لو ما اكدت عليهم هم بكونون عارفين وقت تنقلاتك الا اذا صار اي تغير وانت بسفر تتصل على الامارات للعطلات الي في استراليا واتقولهم علشان ينبهونهم ويعدلون لك الوقت وكلها وبجونك في كل تنقلاتك ويستقبلونك في كل المناطق سوان في سنغافوره او غولد كوست او ملبورن او سدني او بانكوك او دبي وبياخونك من والى المطار وانا اكدت عليهم لان في بعظ المناطق مطاراتهم اتكون بعيده مثل برزبنت وغولد كوست ومثل مطار بانكوك واما الباقي اتكون اشوي بس يعتبرون مب قراب نوعا ما مثل سنغافورة وملبورن وسدني عشان هشي ان اانصح بهشي
تقريبا انا خلصت وكل الي عندي قلته الصرف انصح يكون من يرتك والشرايحهم ترا ارخيصه مو غالية بس لازم تتصل عليهم وتعطيهم المعلومات علشان يفعلونها لك
وتقريبا هايكل الي عندي واي استفسار انا بلخدمة

اخوي حلو ومدلع الله يعطيك العافيه والله تعبتك معاي وردك اكثر من رائع
بطبعه وبحفظه عندي بعد اذنك
بالنسبه للمده تقريبا بتكون من 21 الى 24 يوم وبتكون في شهر اغسطس... وودي العوده قبل رمضان
والحجز بيكون على الدرجه السياحيه ولو الاقي ارخص منها ما قلت لا
اليوم رحت لمكتب الصرح للسفريات و اول شي قال لي لازم تطلب الفيزا وقبل كل شي وبكرى باذن الله انا رايح اطلبها
وبالنسبه للخطوط شجعتي على الاماراتيه وبشوف بكرى باذن الله مكتبهم واذا عندهم عروض
اخوي حبيت اسالك ما تتوقع ان الفنادق افضل من الشقق ؟؟ تعرف الواحد وده براحه وما نبي لا طبخ ولا نفخ علشان كذا ما نحتاج المطبخ وما فيه الا انا وزوجتي وما معنا اطفال انت شرايك ؟؟
يعني لو فرضنا توزيع الميزانيه
2الف تذاكر
3الف فنادق لمده 21 يوم فنادق 5-4 نجوم تتوقع يكفي؟
5الف مصروف يومي شامل الرحلات تقريبا 220 دولار يوميا (العشرين طالعه من دقه الحساب
يعني بتكلف الرحله حدود الاربعين الله يعوض بس شكلنا هوونا
تتوقع توزيعي يكفي ولو فيه امكانيه ادخار ما قلت لا

1. طبعا يا طارق انا كنت قبل اتكلم على اساسن ان الميزانية محدوده


2. اهمشي يا طارق الميزانية واتشوف ميزانيتك اذا تسمح ولا لا

tarek100
مرخبا اخوي
اكيد ماعندي مانع واطبع الرد ماكتبته الا عشان يفيدك وسوري لو في اخطاء املائية
بنسبة للمدة فهي حلوة وممكن اتسافر من نهاية جولاي علشان ترجع قبل رمضان بكم يوم
يعني اتسافر في 25 جولاي وترجع 18 اوغست وانا شيكتلك على سعر التذكره مع الضريبة من البحرين الى ابوظبي وبعدها الى برزبنت وسعر التذكره ب 500 دينار بحريني

طبعا يا طارق انا كنت قبل اتكلم على اساسن ان الميزانية محدوده

بنسبة لميزانيتك فلمصروف اوكي وحلوو وراح يكفي ويزيد بعد لان الرحلات يمكن اتكلفكم بين ال 500 دولار الين الف ولار والباقي اتوزعه على الايام وانت قلت ان اليوم ب 220 دولار يعني ضرب 20 يوم يساوي 4400 دولار واذا خصمنا الف دولار للرحلات يبقى 3400 دولار واتقوع اتكفي واتزيد خصوصن ان انتو بس شخصين وانا اشوف ان الديرة مو غالية وايد يعني ممكن تصرفون بليوم 100 دولار الى 150 دولار واتكفيكم واتزيد بعد
بنسبة لتكت فهو يتراوح بين ال 10 الاف الى 15 الف ريال لان الاتحاد تذكرتين بتكون عليك ب 10 الاف اما الاماراتية فخذينها ب7500 ريال يعني تذكرتين بتكون ب 15000 الف ريال وفيها فرق
بنسبة للفنادق انا كنت اقولك بنسبة لشقق مو علشان المطبخ وبس المطبخ حلو وميزته حلوة وممكن اتحظر فيه شاي او حليب او ريوق وهو مطبخ كامل لدرجة مره طبخنا فيه عيش مجبوس كنوع من التغير
بس انا كنت اقولك الشقة اولان اوسع لك ثانية علشان البلكونه ثالث لانها مجهزه وفيها غساله وطاولت كوي رابع المطبخ كامل
واحنا خذنا شقة غرفتين والصراحه كانت وسيعه وحلوة وايد انت تقر تاخذ شقة غرفه وحده وانا فضلتها عن الفندق علشان فيها صالة وبلكوننه تقدر تستمتع بلبراد واتشوف الناس احسن منخنقت الغرفه خصوصن لمى اتجي من رحلة ترجع تعبان تبي ترتاح سوان اتنام اشوي او اطالع تلفزيون او تستمتع بلجو في البلكون انا بلغرفه احسكبتكون مخنوق وخاصه لو انت مثلا بتنام ولي وياك يبي يطالع التلفزيون او يسمع اغاني فانت مب قادر اتنام من الصوت بس بشقة يقدر الي يبي ينام يروح الغرفة وينام من دون مايضايق غيره ومن غير احنا يوم كنا مسافرين كانو الاهل مايحبون ينزلون وايد السيرفس بردايز بليل علشان الزحمه وكانو يفضلون يشوفون التلفزيون او قعت البلكونه الهادية ويسمعون اغاني اهدا لهم من نزلت البردايز مع ان الجو حلو واتشوف الناس اما بلغرفه فاحس اني راح اختنق طبعا كل واحد وطبيعته يعين انا من النوع ماحب الاماكن الضيقة وعلشان هشي في ملبورن يوم خذنا اسويت في ستان فورد بلازا وكان صغير تضايقنا اشوي لان متعودين على وكبر شقق غولدكوست وعلى البلكونه ويوم رحنا سدني ارتحنا لان الستار ستي كان احلاهم الصراحه سوان بلخدمة والفخامه والسيرفس اليومي وكل شي والكبر وكان حلو وايد
بس ماننكر ان الهوليدي ان حلو وتوهم مجددينه ووايد راقي

اهمشي يا طارق الميزانية واتشوف ميزانيتك اذا تسمح ولا لا

يعين اذا كان سعر الشقق اعلى من سعر الغرف الي بلفندق ب 20 او 30 بلمية فانا اقول بعد استحمل وادفعهم بس اذا كان اكثر واتحس انك بتضايق بلميزانية فقول خلك عيل على الفندق لانه بعد حلو وايد
انا اقولك ابوي انت مر على الاماراتية وشوف شنو يقولون لك وكم بحسبون لك السفره من تكت وسكن ومواصلات وبعدها انشوف وطبعا قولهم خل يحسبون لك الرحلة اذا بتاخذ شقق كم بتكلف واذا بتاخذ غرف بلفندق كم بتكلف واذا مع المواصلات كم بتكلف وبدونها كم بتكلف
وللامانه المواصلات صح انا حريص عليها وهي احسن وافخم بس ترا غالية يعني ممكن المواصلات بس تاخذ عليك الف دولار وهي من والى المطار وتقدر تلغيهم وتاخذ مواصلات من المطار بنص القيمه
طبعا بحسبة تقريبهيه اذا خذيت البكج من الاماراتية فندق وسكن ومواصلات ممكن يكلفك بين ال 35 الف الى 40 الف بدون الصرف طيعا ممكن اقل انا والله مادري اسعار هسنه اشلون صايره وخصوصن بعد الازمه الاقتصادية
بس لا تخاف من السعر ولا يهمك كم طارق عندي ماعليك الا انظبط لك السفره
يعني ممكن نلغي بعظ الاشياء وانغير بعظ الاشياء واخليها اتناسب مع الميزانية المطروحه وهي 40 الف ريال
وانت بعد روح على الاتحاد للعطلات وشوف كم اسعارهم لو تبي تاخذ البكج منهم
وبعد ابيك تسال عن اسعار الاماراتية لو لو راح تاخذ اترانزيت طويل يعني يومين كم سعرهم ولو ماراح تاخذ اترانزيت يعني بس تبديل طياره كم سعرهم لان ممكن نلغي ترانزيت الرجعه
وفي الاتحاد الروحه الى برزبنت والرجعه من سدني انتبه على هشي وشيك بعد اذا الاتحاد عنهم اترانزيت في شرق اسياء ولا لا وبعد شيك على اسعار الماليزية وعلى اسعار السنغافورية لانهم حلوين وايد وممكن اذا على الماليزية انخلي الترانزيت الى وكوالالمبور يعني ممكن في الروحه يكون بسكم ساعه الترانزيت وترتاح في المطار وبرجعه تنزل يومين اوثلاثه في ماليزية اتسوق واتغيرون جو وبعدها اتكملون
في اشويت خطوات راح انسويها علشان هشي كنت اقولك حدد الميزانية
والحين عرفنا الميزانية نبتدي نبحث
بنسبة للخطوط فلمقترحه هي الاماراتية او الاتحاد او الماليزية او السنغافورية او القطرية مشتركه مع الاستراليا
وانت حاول تاخذ اسعارهم كلهم سوان اذا خذت اترانزيت طويل ولا ترانزيت تبديل طياره او خط مباشر
بنسبة لشقق في غولد كوست فافضل شي هو السيركل من كل النواحي واهمها الموقع
واذا كنت اتحب الهدوء وماعندك مانع تمشي اشوي فانا انصحك بصن ستي وعلى فكره ترا المشي اتكلم عن 5 دقايق ماراح اتحس فيها وهو حلو وهادي وشققه كبار وحلوة
واذا بتاخذ فندق فافضلهم هو الكيو ون وبعدها الهوليدي ان والهوليدي ان افضل من ناحية الموقع والسعر وفخم بعد
بنسبة الى سدني فانا ارشح الستار ستي سوان اخذت فيه غرفه او اخذت فيه شقة
بنسبة لملبورن فافضل الكراون بلازا واذا غالي عليك ممكن تاخذ استانفورد بلازا
وفي ملبورن لانها يومين اخذ غرفه
بنسبة الى سغافورة فاحسنهم الجراند حياة والماريوت بس اذا كان سعرهم عالي عليك اختار اورشيدبريد هوتيل هو 4 نجوم ووايد حلو ونظيف
بنسبة لبانكوك انا انصح في الاند مارك واذا كان غالي عليك راح انصحك بفندق ثاني ارخص منه وحلو وايد وانا كجربه بس للامانه مومتذكر اسمه خلني راح اتذكر اسمه او اسال عنه واردلك خبر
وبنسبة للمدة مثل ماقلت لك بتكون 10 ايام غولد كوست وبتكون 3 ايام ملبورن و 5 ايام سدني
واذا الرحلة فيها ترانزيت راح يكون الترانزيت يومين
واذا خذيتو على الماليزية فبكون الترانزيت على ماليزيا وانا انصحفي فندق الملنيوم وانا مجربه شخصيا وحلو وايد وعلى اهم شارع في كوالالمبور وهو شارع العرب
وبنسبة للمواصلات من والى المطار راح نلغيهم لان بياخذون منكم وايد وانتو الا اثنين وخفيفين وماعندكم اشناط وايد عكسنا احنا كنا اكثر منكم وشنطنا وايد
بنسبة لطيران الداخلي ممكن تاخذ الاستراليهوهي الكوانتس واذا غالية شوف الجت استار وهو طيران اقتصادي
الحين عليك هو تسال عن كل من الشقق والفنادق الي ذكرتهم لك واتقولي كم اسعارهم وعليك تسال عن الطيران واتشوفي كم اسعارهم
علشان نقدر انسق بين الطيران والفنادق وبين الميزانية المطروحه ونختارلك احسن الفنادق والطيران مع افضل الاسعار
وشيك لو خذت البكج من الاماراتية كم بيطلع ولو خذته من الاتحاد كم بيطلع
وعلشان اطمنك اكثر ان بحسبة بسيطه لو فرضنا ان الشقة ب 800 ريال لليلة وهاي اعلى من المعدل المتوسط لان اسعارهم اتراوحبين 700 الى 900 لان انا خذت شقة غرفتين ب 1050 ريال بس
يعني بحسبة بسيطه لو قنا 800 ضرب 18 ليلة اتساوي 1440 ريال والتكت من الاتحاد ب 10 الاف ريال اترانزينت ابوظبي بس يساوي 2440 يعني ضمن المبلغ المحدود ويبقالك 15 الف ريال لصرف
هذي بس حسبة تقريبيه ممكن اتكون ارخص
بس حبيت اذكرها علشان اكمنك ان ان شاءالله بميزانيتك راح انسويلك احلى جدول
وسؤالي الاخير هو لو فرضنا وراحاتزيد على الميزانية كم حدك بلزياده يعني هل تقدر اتوصل الميزانية لين ال 50 الف او 55 الف
على العموم ناطر منك جميعالاسعار علشان انسقهم حسب الميزانية المطروحه
واي سؤال انا بلخدمة
واسف على الاطالة عليك