عروس
11-09-2022 - 01:58 pm
السلام عليكم
هلا اخواني واخوااتي
انا عضوة جديدة معااكم وعجبني منتداكم كثير واستفدت منه والحمدالله
وان شاءالله مااضايقكم بكثر اسئلتي بس لاني اول مرة اسافر دوله باوروبا !!
المهم زواجي بنهايه شهر 4 وبسافر تاريخ 1-5 بدايه اول شهر 5 وكنا محتارين بين 3 دول استراليا وفيينا وماليزيا وبعدين استبعدتاها وخلينا الاختيار بين دولتين فيينا زوجي يبيها وانا ابي استراليا
بس اخت زوجي قالتلي ان استراليا واايد غاليه اكثر من فينا وان تذاكرها لشخصين توصل 13الف غير اذا احنا نبغي ترانزين بتايلاند او ماليزيا يومين
فابغي اقتراحاتكم للفينا واستراليا عطووني كل ارائكم :واسئلتي للدولتين استراليا وفيينا
هل صحيح تذاكرها غاليه؟
ومعيشه غاليه هناك؟
اول شهر 5 اخذ معاي ثياب شتاء والا حر وكيف حرارة الجو ممكن تقولون لي؟ وفيه ثلج؟ لان اغلب ملابسي من ثياب اللي شريتها لتجهيزي خفيفه يعني راح اقدر البسها او لا؟
وقررنا 3 اماكن سدني, ملبورن , جولد كوست؟
ممكن تخبروني بكل شي عن هالمناطق من سياحه افضل مطاعم عربيه وحلال طبعا
ابغي افضل اماكن تسوق وتكون رخيصه؟
وفنادق شو الفرق بين 4 نجوم و5 نجوم ابغي فرق؟ واذا تعطوني احسن فنادق وتكون رخيصه لكن خدمه ممتازة؟
وبالنسبه للمصروف اليومي كم يكلف تقريبا ؟؟ وهل صحيح انها غاليه جدا ؟؟ ولا كيف ؟؟
محل فكتوريا سيكرت موجود باستراليا وفي وين باي مناطق ال3 اللي ذكرتهم قبل؟
وعن فيزا اشلون؟
مرحبا بالأخت عروس..
مبروك يااختي وعقبال ما نفرح بعيالكم ان شاء الله ..
وان شاء الله احنا معزومين بالعرس
أمزح
طيب خليني أقولج رايي اختي وسمعيني ما راح تندمين ابدا..
نا بقولج استراليا كخيار أفضل علما باني ما زرت اوروبا لكن لي اصدقاء كثيرين راحوها وانبسطوا فيها وايد وهذا الشي متفق عليه، لكن غلاء الاسعار ما تقدرين تقولين انه ارخص من استراليا لانه البلدين اللي طرحتيهم كخيار يعتبرون غاليين مقارنة مع الخليج..ولكن نصيحتي لك كوني مقيم في استراليا، وبالتحديد في مدينة سيدني، ان أطيب شعب قابلته على الاطلاق هو الشعب الاسترالي واكثر شعب يحترم الحريات والثقافات هو الاسترالي والناس هني متعاونين كثير وطيبين والابتسامه ماتفارق وجوههم هذا غير ميزة تواجد عدد كبيرة من العرب والمساجد والاحياء العربية والمحلات العربية وسهولة التواصل مع العرب وعدم الاحساس بالغربة...
لاتقولين اني قاعد اسوي دعاية لاستراليا لكن صدقيني سألي اللي جوها وزاروها وبتتأكدين من كلامي..وبالنسبة لموضوع التذكرة ترى بقولج نا جيت استراليا أول مرة كان في شهر يوليو وكان الجو بارد بصراحه يعني يبي له جاكيت بس ما زاد البرد الا بعد شهر او شهرين تقريبا صار وايد أما بشهر مايو فالجو ممكن يكون حلو بارد، وبالنسبة لسعر التذكرة ترى اتذكر اني خذيتها على الخطوط الاماراتية وهي من أفضل الخطوط اللي سافرت عليها اذا ما كانت الأ فضل على الإطلاق، وكانت التذكرة بسعر 358 دينار بحريني وانطلقت من البحرين إلى دبي ومن ثم إلى بانكوك بقيت ساعة بالمطار وبعدين جيت سيدني، وكانت قمة في الراحه والخدمة الممتازة.....
وعلشان تطلعين على بعض الافكار والمقترحات لبرنامج لاستراليا يعني مثلا سيدني وجولد كوست وملبورن خذي لك لفة على بوابة استراليا وشوفي المواضيع المثبتة تكفي وتوفي...
وسلامي..
طير البحرين