بعد وجع الراس والتفكير والكثير من الاستخاره خلاص استثنينا تايلاند من الرحله للسنه الجايه او الي بعدها
وقررنا تكون رحلتنا 16 يوم تبدأ في اقرب تاريخ ل 7-7 وتنتهي بعد 16 يوم
انا خطتي الي حطيتها وطبعا قابله للتغير والمناقشه والنقض واعادة ترتيب ..... يعني الي تشوفون انا معكم
فينا 3 ليالي
زيلامسي 5 ليالي ( ومنها للكابرون )
سالزبرغ 3 ليالي ( الحقيقه انه ماودي في سالزبرغ ماحس فيها شيء مميز ودي احول هالثلاث ليالي لجنيف مثل ماقترح علي الاخ خالد )
زيوريخ ليلتين
انترلاكن 3 ليالي
زيوريخ ومنها للوطن
في موضوعي السابق الي بسميه الجزء الاول اقترح علي المزيد اني اضيف المانيا للرحله لانه احد اهتماماتي الملاهي واحذف احد الدولتين .. هل الاقتراح جيد ؟؟
ملخص ماسبق ذكره في الجزء الأول :
عدد المسافرين : 2 زوج وزوجه
سبب السفر : شهر عسل
ميزانية الرحله : 30 - 35 الف
الي احب في السفر : الملاهي - الطبيعه - الأسواق
مدة الرحله 16 يوم ممكن تزيد او تنقص يومين على حسب ماتشوفونه افضل
الخطوط : دام الفرق في حدود الألف مافيه مشكله اي خطوط ماتفرق