نكمل رحلتنا في اليوم اللي في اليوم الثالث قررنا نسير عاصمة سويسرا ( Bern ) المهم قبل مانسير العاصمه قلنا بنتغدا في مطعم في انترلاكن .. وها المطعم فوق اليبل ..
(( بتلاحظون ان مكتوب ع كل صوره نك ( قلبي العين ) هانكي في منتدى ثاني .. بس ها موضوعي يعني مب سارقتنه ..))

المهم عقب ماتغدينا سوينا اجتماع :gathering بين الاهل عشان نقرر وين نطلع وبعد تفكير واخذ القرار .. قررنا نسير العاصمه وخذنا في الدرب تقريبا ساعه ونص اعتقد .. المهم العاصمه وايد حلوه بس زحمه فيها وايد:bounce8: .. بخليكم تشوفون العاصمه ..

وها فوق الجسر ..:

وهني وقفت وانا مستغربه من العالم كلهم واقفين ويصوروون ها الساعه ..

وهني تمشينا في شارع Bern

وهني دخلنا محطه القطار اللي عندهم وايد مرتبه بس زحمه :bounce8:..

وهاذا المشروب اللي مايستغنون عنه:36_6_7: ..

وهاي كانت رحلتنا في العاصمه Bern .. وع المغرب ردينا الشقه .. :suprise: :kashkhah:

الحين بكمل لكم في اليوم اللي بعد رحلةBern نشيت الصبح وشفت الجو مايتعوض روعه وقلتت بتمشا وبصور لكم تقريبا ع الساعه 8 الصبح ....

مثل ماتعرفون نحن ساكنين في منطقه Habkern وهاي في قمه اليبل يعني تنزلين من اليبل ب السياره 10 دقايق بالضبط وتوصلين انترلاكن المهم عدال الفندق والشقه كان نهر صغيروني بس حلو وعداله ورود تعالو شوفو********

url=http://www.up07.com/up6]

ها الورده وايد جذبتتني ..>>>
,وعقب ماتمشينا نزلنا انترلاكن وتغدينا :36_1_51: واستانسنا وع المغرب تمشيت في الشارع وبراويكم منظره ع قراب الليل كيف >>> لان مثل ماتعرفون في اوروبا تغيب الشمس الساعه 9 بالليل..
ها المكان عداله في العاب لليهال مكان حلو لليلسه والسوالف ههه

url=http://www.up07.com/up6]

وهاي صور متنوعه من تصويري

السلام عليكم
مرحبا طال عمرج ..
الحمدالله على السلامة وماشاءالله شكلكم لفيتوا لفه حلوه
بس سؤال الله يرضى عليج ..الشقه الي سكنتوا فيها كيف حجزتوها !! وهل عندهم موقع على النت !!
وكيف شفتي النظافه فيها
وليش مارحتوا أكلتوا في المطعم الهندي في انترلاكن

واليوم بكمل لكم رحلتنا في اليوم التالي قررنا نزور ( جنيف ) وتغدينا في انترلاكن وطلعنا الى جنيف حوالي 3 ساعات في الدرب .. المهم وصلنا جنيف طبعا وايد غير عن انترلاكن لان جنيف مدينه وانترلاكن ريف المهم ماصورت وايد بس طلعت بكم صوره ****************





,وها الساعه مشهوره عندهم وايد حلوه كله بالورود ********


,وحليله ها العصفور كان ميت يوع ****************

حتا البط اللي عندهم حلو ********>>

وها النافوره عندهم كأنه في ( بحيره خالد اللي في الشارجه ) ههه

طبعا مالتهم احلى لان فيها قوس قزح ههه




وكنا تمشا في ها الشارع اللي كأنج في الامارات من كثر العرب ********>>

هني كنا راكبين القارب ********




وهني خلصت رحلتنا من جنيف وردينا المغرب انترلاكن وع طول رقدنا:36_1_50: من التعب

المهم بعد ماردينا من جنيف كنا تعبانين ورقدنا ويوم نشينا الصبح قلنا ما بنطلع مكان بعيد بس بنحوط في انترلاكن .. قررنا نسير بحيره اسمها بلاوسي سموها ها الاسم لانها هي بحيره زرقاء فاسمها Blue ازرق See بحيره بما ان سويسرا لغتهم المانيه فشوي الكتابه تختلف عن الانجليز وانا ع طول سالت عنها وسرنالها نحن والاهل المهم ها اول ماوصلنا .. كانت الساعه 5 العصر ..
هني في ممرات لازم تمشينها لين توصلين البحيره ..
وها اول ما وصلناها الصراحه ماتوقعتها مثل الصور لان الحقيقه غير روعه والله اللي بس ييلس عدالها يرتاح راحه نفسيه من الخاطر ..
وهني لحقنا ع القارب قبل مايسكر فقلنا بناخذ لفه ع البحيره بالقارب ..
وهني كنا في القارب ويلست اصور السمج والبحيره شفافه وايد حلو المكان ..
بقولكم عن ها السمجه اختي عقت عليها واحد ( فرنك ) عملتهم .. والسمجه ماقصرت بلعت الفرنك ههه حليلها ..
نسيت ما اقول لكم ان فيها مطعم وشاليهات والعاب للاطفال ونهر ..
وحوض تربيه اسماك وارانب ..الحين شوفو ..
ها صوره المطعم من بعيد ..
وهني تونا نازلين من القارب ..
وهني الالعاب ..
وخلصنا لعبنا اليهال .. وعدال الالعاب كان ها النهر ..والجو كان روعه وترا كله عدال بعض ..
المهم عقب ما استانسا .. سرنا المطعم وشفناهم كلهم يطلبون سمج وسلط ونحن وراهم طلبنا بس والله العظيم ان الاكل من الخاطر روعه لو انه غالي بس يسوى والسلطه خبال .. اكيد الحين يوعانين انتو
وهاي السمجه مامدالي اصور الاكل كله من اليوع نسيت ..ههه عاد عصرت عليها لومي ورشيت شويه ملح وطعمها لذيذ ..
بس بذكركم هاي صوره المطعم من برع ..ونحن كنا يالسين برع .. شوفو الزحمه في المطعم :bounce8:..
وعقب ما كلنا وشبعنا امي وابويه سارو داخل المطعم وقالولهم يبون يشوفون كيف يسون السمج بها الطريقه بس قالو لازم يخبرون المدير اول وساروو عند المدير بس المدير قال انه ممنوع .. المهم نحن ما اعترضنا وقررنا نسير ورا المطعم ونشوف تربية الاسماك ..
اول ماتنزلين من الدري تشوفين ها النافوره الصغيره ..
وبعدين سرت عند حوض تربية الاسماك الصراحه وايد مهتمين في ها الاشياء وكله طازج ..
اذا بتلاحظون ترى السمج وايد :bounce8: بس ماينشاف عدل لانه لونه اسود .. حاولت اقرب الكيمره عشان توضح الصوره ..
وبعد ماخلصنا وشفنا السمج .. سرنا عند المعز .. وكانت معزه وحده حامل . الله يسهل عليها ولادتها ..
شوفو كيف متمعين علينا حليلهم مايشوفون عرب وايد والله لدرجه ان نازله اصورهم شفت وحده من المعز تمط شيلتي وحاطتنها فحلجها وحليلها شمت ريحة الامارات ههه
وبعدين مشينا صوب الارانب ..
حتا الارانب محصلين الدلع ..ههه
وهني طلعنا من البوابه اللي دخلنا منها ..

الله على جمال انترلاكن .. تسلمي والله يا فراشة سويسرا والإمارات كمان ... يا حلو لهجتكم ..
في انتظار بقية التقرير المصور ..
أموله

حرام عليك والله عذبتينا بالصور الحلوة

القطري
اخوي ((( القطري ))) .. بالنسبه للشقه هي عندهم موقع ع الانترنت ونحن حجزنا من الموقع واذا تبا الموقع بعطيك اياه وبعطيك اسعارهم بس الصراحه انا ما انصحك بالشقه .. انا انصحك بفندق sport hotel ها الفندق يبعد تقريبا 15 متر عن الشقه ومدير الفندق وايد طيب .. والفندق وايد نظيف والصراحه المكان وايد هادي وحلو لان انترلاكن قصدي تحت عند السوق ازعاج وسيايير وكله عرب .. لكن ها المكان Habkern منطقه وايد هاديه وتبعد 10 دقايق بالسياره لانترلاكن ..
هي نسيت اقولك سرنا المطعم الهندي وايد اكله حلو والريال يتكلم شويه عربي ..
والسموحه ع القصور .. واي استفسار انا موجوده

Amola12
تسمين ع الكلام الطيب ههه ضحكتيني .. يوم قلتيلي ((يا حلو لهجتكم)) .. ادري انكم ما فهمتو شي ههه وبنزل الباقي الحين