من اليوم الى سنه مضيه متغير شي في البحرين

اناوبس
أعذرني أخوي الحبيب ..
الحين احنا في فبراير 2009 ، والسنة الماضية مثل هالوقت فبراير 2008 .. أبرز المرافق المفتوحة خلال هذي الفترة ..
أبريل 2008 : افتتاح منتزع عذاري وهي أكبر حديقة ملاهي مفتوحة ومغلقة بنفس الوقت في البحرين.
يوليو 2008 : افتتاح مجمع مودا مول التجاري بشكل جزئي وهو أسفل أبراج مركز البحرين التجاري العالمي ( الأبراج ذو المراوح ).
سبتمبر 2008 : افتتاح مجمع البحرين سيتي سنتر وهو أكبر مجمع تجاري في البحرين وواحد من ضمن أكبر المجمعات التجارية في الخليج.
وهناك كثير من المرافق الأخرى افتتحت في خلال هذي الفترة الي انت ما زرت فيها البحرين الأخوان في البوابة ما قصروا عرضوا وايد مواضيع متعقلة بهالخصوص ..
واذا كنت حاب أنك تحس بالتغيير عليك بالمرافق الي ما جربتها من قبل ويا هلا ومرحبا فيك بين أخوانك ..
..

اخوي البحريني اذا ممكن تزودنا عن امكانهم اكون شاكر لك
الف شكر

يا هلا أخواني .. والله ما ندري شنو بالضبط نفيدكم عن وين بالضبط .. ولكن بشكل عام المواضيع الي في البوابة وايد تكفي وتوفي ولاسيما المواضيع المثبتة في كل هذي الأماكن الموجودة وغيرها كثير.
عموماً منتزه عين عذاري يقع في منطقة عذاري جنوب المنامة .. للوصول إلى المنتزه من جسر الملك فهد .. واصل إلى الأمام حتى أول إشارة قم بعملية الدوران العكسي ( u turn ) بعدين ادخل أو لفه يمين وبعدها ب30 متر تقريباً راح تكون في لفه يسار وهذي تعتبر مدخل المنتزه.
أما بالنسبة لمجمع البحرين سيتي سنتر يقع مقابل لمجمع الدانة وعلى بُعد شارع واحد من مجمعات العالي والسيف. يعني في وسط المنامة.
مودا مول يقع في مركز البحرين التجاري العالمي بالقرب من المنطقة الدبلوماسية وأعتقد أبراج مركز البحرين التجاري العالمية معروفة لأنها الأولى من نوعها على مستوى العالم اللي تحتوي على مراوح لتوليد الكهرباء.
وأي استفسار ثاني حاضرين مسامحه على القصور.
..

يعطيكم الف عافيه على المعلومات
بس ياريت يكون فيه صورا لما تضفي عليها من جمال وروعة
دمتم بالف خير .

جزاك الله خير بحريني غير
الف شكر