الريم الهاجري
هلا بأختى الفاضله حياج الله بين أخوانج وخواتج تفيدون وتستفيدون بالنسبه البرنامج
هذا برانامج مشرفنا الغالي أبومحمد أن شاءالله تستفيدين
https://artravelers.com/p/re/257584
وأي خدمه أحنا حاضرين

بصراحة فيه اماكن كثيرة جدا جدا واعتقد لو اخذتي لفة على المنتدى راح تلاقين اجوبة لسؤالك
بس اكثر شي انصحك فيه
هو الجوله بالقارب في النهر سعرها تقريبا 10 باوند لمدة ساعة
روعه روعه روعه

بخصوص الحدائق الهايد بارك والرجنت بارك والجرين بارك
بخصوص التسوق الاكسفورد استريت وفيه السلفرج مول وشارع الرجنت للماركات و الهاردز
بخصوص الكوفيات موجودة في كل مكان في الاكسفورد والاجول رود وبجانب نهر التايمز
وبخصوص السياحة متحف الطبيعة - المتحف الوطني - متحف العلوم - قصر الملكة عند تبديل الحرس
الناس اتسافر عشان الجو يعني من الصبح لين المساء اتمشو وريحو في اي كوفي
رحلة سعيدة

الريم الهاجري
اليوم الاول:
الوصول كان ليلا اكتشاف المنطقه المحيطه
العشاء في ماكدونالدز
شراء خطوط موبايل من بقاله مقابل الكمبرلاند + ماء
اليوم الثاني:
شراء تذاكر البيغ باص
وركوب الباص وجوله بدأت من الماربل ارتش الى بيكر ستريت
النزول عند متحف الشمع (شراء التذاكر مسبق مع تذكره الباص لتفادي الزحمه عند شباك التذاكر)
الجوله خذت منا ساعتين الا ربع
ركوب الباص مره ثانيه والذهاب الى الريجنت ثم البيكادلي ثم ترافلجار ثم بيغ بن ثم لندن اي
طبعا مانزلنا من الباص الا عند لندن اي صورنا ومشينا علشان نرجع لها بكرا من الصبح
ركبنا الباص و رجعنا لنقطه الركوب
تعشينا في الونك
تمشينا في الاوكسفورد
اليوم الثالث:
لندن اي
ترافلجار
(تقهوينا في نيرو)
بيكاديلي
ااغدا كان في ستيك هاوس
العشا في كافيه زينه (الاوكسفورد)
اليوم الرابع:
تسوق في ريجنت ستريت
تسوق في الاوكسفورد
اليوم الخامس:
الفطور في كافيه بريت
تسوق في الاوكسفورد
تسوق في كينجز رود
العشا في مطعم ask في الوايتليز
اليوم السادس:
بيكستر فيليج اوتليت
خذا منه 6 ساعات
العشا في مومو المغربي
اليوم السابع:
مخصص للهارودز والمحلات القريبه عليه
تقهوينا في تشكوليت بار بالهارودز
اليوم الثامن:
هارودز + ريجنت + الاوكسفورد
العشا في نورا
اليوم التاسع:
شبيردبوش و ويست فيلد
الفطور كان من راعي فلافل بالشبردبوش
رجعنا لاوكسفورد (سيليفرجيز) + الريجنت
اليوم العاشر:
خليناه لتاكس فري

على العموم اخت الريم .. لندن بحد ذاتها ما يبيلها برنامحج ..
راح تشوفين العالم والخليجيين مالهم عدد من كثرهم .. وراح يقولون لج روحي مني وتعالي مناك ..
بس عندج شبربوش فلي فيه خوش سوق ورخيص

travel-aholic
خطأ مطبعي تسوق في الكوينز واي
والوايتليز في الكوينز واي