أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
التفتيش في مطار نيويورك للهجرة والجوازات ...هل لا زالوا يحشرون الناس البالغين تلذكور في غرفة والانتظار 4 ساعات... هل تغيرت الامور بعد اوباما؟؟ اخر علمي صيف 2008 كان متعب وانتظار ؟؟
التنفتيش كان عادي مافي اي شئ تمر على الأجهزه واذا عندك لاب توب تحطه بالجهاز الكاشف وعزك الله الحذاء والاغراض اللي وياك كلها تدخل بالجهاز علشان يجيكون عليهم وانت تمر بالبوابة الالكترونيه علشان يتأكدون انه مافي شئ بس الامور كانت عاديه جدا وهالشئ روتيني بكل الماطارات اللي بالعالم
lagloog
هلا اخوي
انا يوم دخلت رصوني بس مو اربع ساعات يمكن 3 تقريبا ... بس اللي فهمته انه اللي اول مرة ينرص لين يفتحوله حساب بالامقريشن ... وبعدين خلااص المرات الجاية مافي ترصيص
والتفتيش كان مررة عاادي ...
احنا خذوا ريلي ساعه و نص تقريبا ... بس الفايده انهم ودوا عفشنا لي مكتب الطيران
و ما فتشونا نهائيا مع اني جايبه اكل ... و لا شافوا الابتوبات و لا السيديات و لا عمات عين لول
يعني رب ضارة نافعه
أنا وعائلتي وصلنا يوم 15 هالشهر و لله الحمد كان التفتيش جدا بسيط و الي بالجوازات كان مبتسم و مرح معانا كلنا أنا و زوجي و ابني و بنتي الصغيرة 5 سنوات حتي تغشمر معانا علشان اصابع ولدي .... بس المتعب أن الأنتظار بالطابور للوصول الي موظف الجوازات يأخذ وقت طويل , حتي زوجي راح دورة المياه ورجع و احنا واقفين طاحت ريولنا خاصة بعد سفرة13 ساعة , و بعد ما أخذنا الشنط كنت أحاتي تفتيش الي قبل الخروج ... تصدق ولا أحد سألنا عن شي , بس شافوا الورقة الزرقا و هز رأسه وقال تفضلوا ... مع إني كنت أحاتي الشوية والشويات من هالأكل الي حاطته ... لا و بعد علاج ولدي عبارة عن ابر و رايحه مسوية تقرير مفصل من خوفي لا يأخذونها مني على أساس الأمن.... لاتحاتي و خلك مبتسم و وكل أمرك الي الله ... و عند نزول الطيارة لا تنسي الدعاء و الله بيسهل الأمور... يقولون مطار نيويرك أعسر مطارات أمريكا بس الله يسهله و تري توني اليوم كنت في مطار شيكاغو بعد اسهل و اسهل بس سالفة اللاب توب و التلفونات و حذاءك كرمك الله تحطهم بالسلة و تدخل حافي... حتي بنتي الصغيرة استانست تقول هذيله هيلق عيب نمشي حفاي و تضحك ... سوت جو لموظفات التفتيش و مرينا بسلام... أولا و أخيرا لاتنس الدعاء ... أنا ما فارق لساني و لله الحمد ...
و الله ياخواني انا دخلت من مطار نيويورك قبل اسبوع تقريبا
ولا اي شي
سؤال واحد بس
ليش جاي
جاوبت و قالي مع السلامة
اخذت شنطي و على تيرمنال 9 بالاير ترين
يعني من لحظة نزولي من الطيارة للحظة ما ركبت شنطي على العربية يمكن عشر دقايق بس و هي حقة الوقفة في السرا الين ما جاء دوري.
