shahadxx
02-12-2022 - 02:18 am
صباح\ مساء الخير لجميع اعضاء المنتدى
بسال عدة اسئلة واتمنى تساعدوني بححكم قرب موعد السفر وماخططنا من زمان
انا بسافر لمدة 18 يوم من 28 يوليو الى 15 اغسطس
الذهاب والعودة بميلان
واحترت جدا بترتيب المدن ومدة الاقامة فيها ومايمديني ابدا اقرا كل المواضيع بحكم ان كل شوي الفنادق والشقق ترتفع اسعارها وودي احجز الحين بسرعة
اولا انا حجزت فندق ميلان لمدة 3 ليالي
وبعدها ببدا انطلق لاوروبا
اول شي بالنمسا ابغى اروح كابرن وفيينا
والمانيا الهدف الاساسي من زيارتها هو اليوروب بارك فقلت اروح مدينة فرايبورغ
وسويسرا بروح ان شاء الله انترلاكن
الحين اللي ابيكم هو انكم ترتبون لي جدول ابدا بايش وكذا وتقولون لي كم كل وحدة تستحق اقعد فيها
علما اني مابغى كثرة تنقل ولا مسافات مرا بعيدة
وبيكون عندنا سيارة للتنقل
وجزاكم الله خير واملي فيكم كبير انكم تعطوني جدول زين
بالنسبه للتنقلات
انتي لازم تطقين مشوار طويل مدة اربع الى خمس ساعات
اما انك تروحين بعد ميلان فيينا وهذه مشوار طويل وبعدها الكابرون وبعدها المانيا وبعدها انترلاكن وهذه مشوار طويل
او انك تروحين وهو الاحسن
بعد ميلان انترلاكن مدة المشوار ساعتين
وبعدها المانيا مدة المشوار اربع الى خمس ساعات
وبعدها الى الكابرون وبعد الكابرون فيينا ومدة المشوار اربع ساعات
وبعد فيينا الرجوع الى ميلان
بس ياليت انك خليتي الرجوع من مدينة ثانيه كان احسن لك في الترتيب
اذا تقدرين تغيرين يكون افضل (مع اني ادري ان التغير مكلف ووجع راس)
لكن احب اقولك شي
التنقل بالسياره ممتع ومن المناظر الطبيعيه ماراح تحسون بطول الطريق
بالتوفيق ان شاء الله