أتقبل أي آراء او اقتراحات منكم ولكم جزيل الشكر والامتنان

مدري انت في اي مرحلة من مراحل التخطيط.. جدولك قابل للتنفيذ بس متعب جدا يحتاج تغيير جذري
المدد جدا قصيرة ماتسوى عليك هالتنقلات
ممكن تكنسل فينا لبعدها وتستفيد من ايامها أو تلغي ايطاليا وتخلي وصولك على فينا
اذا ماحجزت طيران انصحك بالخطوط التركية ممتازه وتوصل لفينيس علطول بالتالي تكنسل ميلانو
لازم تحذف على الاقل مدينتين علشان تصير رحله منطقية
لو عندي تذاكرك ( ميلانو ذهاب .. عوده باريس) 22 ليلة
باقتصر على سويسرا وفرنسا ووممكن ايطاليا بذا الشكل
لو بفترض انك ماحجزت ولاشي ولاطيران ولاخطوط فانا ابختزل التخطيط كله بذا الشكل.
وصول فينيسيا وعوده باريس
فينيسيا ليلتين
سيرموني او ميلانو (ثلاث ليالي)
لوقانو ليلتين
لويزران ثلاث ليالي
انترلاكن خمس ليالي
ستراسبورغ ثلاث ليالي
باريس اربع ليالي
رحله مرتبه وممتازة وبيمديك تشوف كثير اماكن وتعتبر نفسك زاير المدن اللي بتروح لها
إذا التذاكر انقصت والنمسا ضرورية .. كنسل فيننا
ميلانو ليله (اذا الطيارة توصل متاخر وضروري)
فينيسيا ليلتين
سالزبورغ ثلاث ليالي
زلامسي ثلاث ليالي
سالفدين ليلة
انترلاكن 5 ليالي
ستراسبورغ 3 ليالي
باريس 4 ليالي

اول شئ انت وين محطة وصولك ؟ ومن وين مغادرتك ؟ لان فريلاسنق بجنب سالزبورغ وانت حاط ميلان بالاول وهي بعيدة عنهم ماني فاهم كيف بتسوي اذا وصولك لميلان ؟
ثاني شئ هل ضروري تبي هالمدن كلها لان الاذواق تختلف وانا ميلان ماعجبتني ابدا وفينيسيا تحتاج مشوار طويل وتعب
ورايي تلغى ايطاليا من الرحلة تماما و هايدي لاند ماتستاهل مبيت يوم لان مافيها شئ غير جبل وكوخ لهايدي تقدر تمرها بالطريق وانت رايح لانترلاكن وتقعد ساعة وتواصل طريقك
ثالث شئ الفترات قصيرة جدا لكل مدينة وانت بكذا ماراح تستمتع لانك يدوب توصل للمدينة بعد مشوار طويل وثاني يوم تتمشى فيها وتستعد للمغادرة فورا مع صباح اليوم التالي يعني انت كذا خصصت لكل مدينة يوم فقط ويوم بيكون ضايع في الطريق

مدن مالها داعي..
ميلان - فيينا - هايدي لاند - اخن
المدينه اللي ما تجلس فيها ليالي على الاقل ما تستمتع فيها ..
موفق ان شاءالله

يا اخوان أنا محصور بين أمرين
الاول:-نقطة الوصول الأولى تكون ميلان ونقطة النهاية تكون باريس ولازم في طريقي امر زيملاسي لاني بأستاجر سيارة من freilassing لانها تبعد عن زيملاسي 7 كيلو وهذي صورة مقتبسه من موضوع رجل شرقي

الامر الثاني:-نقطة الوصول الأولى مدريد ونقطة النهاية روما
مدة الرحلة يمكن زيادتها إلى 26 يوم إذا لزم الامر أما التفاصيل فلم يتم حجز أي شي وليس هناك أشياء لازم امرها ولا فيه مدن أعرفها وابغى أزورها
إذا فيه أحد يبغى يضع لي جدول رحلة مناسب فما يقصر وما نستغني عن خبراتكم

رأيي الشخصي
المخطط الثاني مدريد وباريس شطب عليه تماما
خلنا على الاول :-
استئجار سيارة من المدينة الالمانية فكرة جيده للي بيروح على كل حال للنمسا وبدال مايستأجرها من سالزبورغ نفسها يستأجرها من هالمدينة القريبة جدا منها.
لكن ان سالزبورغ تدخل غصب في التخطيط لمجرد السيارة فصدقني انك بتتخسر علشان توصل سالزبورغ اكثر من اللي بتوفره بالاضافة انها مهيب ارخص بالاطلاق ممكن تلقى عروض ارخص من المانيا يعني مهوب قانون.
اعتقد النمسا وجودها ماله داعي لانها بعيده عن باريس مكان العوده ولم ولن تكون في الطريق اليها
رأيي الشخصي واللي انصحك فيك انك تقتصر رحلتك على ايطاليا وسويسرا وفرنسا مسافات متقاربة ورحله متنوعة وبصراحة النمسا ماتصف شي جنبهم
لو طلعنا النمسا من الحسبة بامكانك عمل التالي ..
ميلانو
سيرموني
لوقانو
زرمات
جنيف ومونترو ولوزان
قشتاد
انترلاكن
لويزران
يورو بارك (الغابات السوداء- فرايبورغ+بادن بادن )
ستراسبورغ
باريس
هذي اكثر المدن اللي تنزار على طريقك من ميلانو الى باريس
وكلها حلوه وتستحق الزيارة اختار منها اللي يناسبك او كلهم ..

طيب يا أخ درعمنا ولا يهونون الباقين
لو كنسلت النمسا
من وين بأستاجر سيارة مع العلم اني ابي اتمشى في سويسرا بالسيارة
يعني لو استأجرت من دوله وسلمتها في دوله ثانية بيكون الايجار الضعف
مثلان لو استأجرت من freilassing الألمانية برجع السيارة في Aachen الالمانية وبيكون الايجار مره رخيص
ولو فيه طريقة ثاني استأجر من المانيا بدون ما امر النمسا ياليت تذكرها

من قال الضعف !!
مهوب لهدرجه ابدا وترا الفرق مهوب شرط انه يسوى هالمرمطه كلها وممكن مايكون فيه فرق
ممكن تستاجرها من لوقانو وتسلمها في اخر مدينة سويسرية قبل باريس لانك ماحتحتاجها في باريس
وبتلقى عروض جيدة في موقع اكسبيديا
انت مشكلتك جاي من ايطاليا وتبي تستاجر من المانيا (مشوار) يعني الغي فكرة الاستئجار من المانيا
لان المانيا بعيدة جدا عن ايطاليا..وعن خط سيرك

طيب ابيك تساعدني باختيار خط سير وتقول لي طرية التنفل بين كل مدينة ومدينة وأحسن مكان على طريقي استأجر منه السيارة ونوع الرحله انا والمدام فقط وليست شهر عسل بس لا تقول حسب ذوقك واختلاف الاذواق
انا ما اعرف اي شي عن اوروبا اول مرة اسافر انت اختر لي المدن اللي اروح لها
وبكذا تكون انت 100% كفيت ووفيت وما قصرت انت وجميع اللي شاركو في تخطيط رحلتي
علما بأن الذهاب في 18 سبتمبر والعودة في 10 اكتوبر وفيه مجال اني ازيدها 3 ايام إذا لزم الامر يعني من 23 يوم إلى 25 يوم
ولكم كل الشكر والتقدير