1. يوم السبت الساعة 4,30 مساء وصلتني رسالة على الجوال تقول :


2. please collect your passport from Visa Center between 10 am to 5 pm

السلام عليكم جميعا
من باب رد الجميل لهذا المنتدى وخاصة ملبورن والقطري اللي استفدت منهم الكثير حبيت اقدم لكم تجربتي في استخراج الفيزا
اولا , حجزت الموعد عن طريق الانترنت لمكتب الرياض ليوم الاربعاء الساعة 11,45 بالضبط , جهزت اوراقي وهي كالتالي:

• حجز الفندق ( جاني عن طريق الايميل ونقلته لملف وورد وضبطته وطبعته وقدمته
• كشف حساب لمدة ثلاث شهور بالانجليزي ( مع ان الاسم في اعلى الصفحة كان بالعربي )واخذته من البنك قبل التقديم بساعتين
• تعريف من العمل مترجم الى الانجليزية وترجمته عن طريق مكاتب خدمات الطلاب ب35 ريال قبل التقديم بيوم
• الابليكاشن معبئ عن طريق الانترنت مطبوع ولا عبيته الا قبل التقديم باربع ساعات
• صورة لآخر مؤهل دراسي مترجم للانجليزية
• صورة لأختبار الآيلتس ( طبعا هذا غير ضروري بس انه كان عندي قلت خلني اقدمه مع الاوراق عشان يدرون ان عندي لغه ) احم احم
• الجواز طبعا ولابعد سافرت لخارج المملكة الا لدار الحي دبي
• مبلغ الفيزا السياحية كاش اللي اهو 436 ريال + 5 قيمة رسالة الجوال
• صورة ملونة 3x4

وصلت المكتب البوابة 2 الدور الثالث الساعة 11,50 وصلت لاول مكتب على اليسار ابرزت الموعد للسكوريتي( اضنه سوداني حبيب الرجال ) وشيك على الادوات المعدنية والحديدية - دواعي امنية - وقالي قفل الجوال ودخلت وعطاني الهندي اللي ورا الباب رقم - طبعا فيه قسمين شباب وعوائل
الصالة كانت شبه خالية من الناس وكان العدد تقريبا 6 اشخاص بالقاعة ماامداني اجلس الا ينادى برقمي الساعة 11,55 قدمت الاوراق وقالي five to seven days وعطاني ايصال وقالي انتظر الرسالة بعد كذا نادى حق البصمات وبصم اصابع اليد كلها وصورني بدون شماغ _ لاتجون بشماغ
الساعة 12 بالضبط طلعت من المكتب

يوم السبت الساعة 4,30 مساء وصلتني رسالة على الجوال تقول :

please collect your passport from Visa Center between 10 am to 5 pm

انا ام شفت الرسالة انلخمت وخاصة كلمة كوليكت اللي اعرفه ان هذي الكلمة معناها جمع لقط ( يعني بالعربي تعال ضف اوراقك ) وقلت ماهو معقول طلعت الفيزا بالسرعه هذي , هجل هذي مالها الاتفسير واحد " رفض طلب الفيزا " الساعة 4,45 مساء وصلت المكتب وادخل واستلم ذاك الظرف وافتحه واطلع الجواز واقعد ادور وادور في صفحات الجواز الين لقيت الفيزا مختمه على صورة الاطخم محاكيكم الساعة 5 مساء
وسلامتكم
سرعة انجاز الفيزا مالها الا احد التفسيرات التالية : انهم يشتغلون خميس وجمعه, عشان مافي زحمة , عشان اوراقي مافيها مشاكل
واي سؤال او استفسار انا حاضر