امريكا US المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
flying horse
24-08-2022 - 03:56 am
السلام عليكم
مساء الخير على كل أعضاء المنتدى الرائع
مين مشترك بالتايم شير واذا كنت مشترك فيه قول لنا قصتك وهل استفدت منه ولا لأ
ابدا انا بقصتي:
قبل 5سنوات كنا نتمشى:bounce8: بمول بدبي وفجأه طلع لنا واحد وقام ينكلم زي العادة عن التايم شير الين ما قال لنا تعالوا الشارقة لان هناك الموقع الاصلي لهم
اليوم الثاني رحنا بسرعة:36_7_13:واحنا مبسوطين (شي غريب 10 ايام سكن في اي مكان بالعالم ببلاش كل سنة)
في المكان صارت الاجرلت اللازمة و بعدين اخذوا 50 الف ريال:112:عشان احنا اخذنا (شقة صغيرة فيها غرفة وحدة)في تونس مع انو احنا ما قد مره رحنا تونس ولا ناوين
فكل سنة نقول لهم يقولون قيد الترميم او البناء
لكنا سالناهم عن اي شي نقدر ناخذه في اي مكان قالوا(كل شيء قيد الترميم ال البناء)
سؤالي نقدر ناخذ شيء في اورلندو ترا انا مره محتاره اخذوا فلوسنا و تركونا


التعليقات (9)
Impact
Impact
طيب مافي ضمانات !!
مافي عقوود !!
ما عطوكم مواقع السكن الي تختاروه في العالم او كتيبات !!
ارقام للاتصال ولخدمة العملاء !!

nezar1hr
nezar1hr
:8888::8888::8888:
اولا بعد التحيه
انا نفس الشي بس من القاهره كنت دوبني عريس جديد ومكشخ قدام المدام برضو قبل 6 سنوات تقريبا وكان المنتجع في شرم الشيخ بس انا كنت انصح منكم طلعت عيون اخواننا المصرين اللين اشتركت
طبعا اول شي قلتلهم اني انا جاي شهر العسل وما عندي فلوس كافيه عشان ادفع المبلغ قالولي نقسطه على انا ادفعلهم دفعه اولا 5000 جنيه مصري قلتله ممكن اعطيكم 1000 ولما انزل السعوديه اكملكم المبلغ بشرط اني اول شي اشوف المنتجع الي راح اشتري فيه الاسبوع ونزلوني على المنتجع بمبلغ رمزي لمدة يومين 400 جنيه مع وجبة فطور وغداء وهادي البدايه ونزلت السعوديه وقعدة استفسر عن الموضوع فلقيت انه كتير مشتركين فيه من الزمله في العمل بس اغلبهم من امريكا ومن دول اجنبيه المهم كملتلهم باقي الدفعه
وبعدها كانت اول مره احجز عندهم كانت هديه لواحد من الشباب اتزوج ونازل على استراليا في قولد كوست وصراحه مدحلي المنتجع الي نزل فيه وقالي انه 5 نجوم
ودحين انا حاجز في اورلاندو في الشريتون فيلاج لمدة 3 اسابيع بس اخدو من 189 دولار على الاسبوع انا شايفه كتير بس مو خساره بس باختصار التايم شير مره
اسف على الاطاله

flying horse
flying horse
Impact
الا كان في عقود
ومواقع السكن في كتاب موجودة بس هي في كل مكان في العالم
احنا ندق عاللي سوا العقد معانا بس ما يرد ولا مقفل جواله و مطنش

flying horse
flying horse
nezar1hr
شكلكم نفس سالتنا:8888:
المنتجع اللي بتونس كان لسا قاعدين يبنونه بس كانت الصور حلوه ما اعتقد الحقيقه بتصير زي الصور
اقدر احجز عندهم الحين يعني قبل شهر بس؟؟

uaecat
uaecat
نحنا نفسك بس كنا فالبحرين وسالونا وقالو ربحتو سفره وتقتدرون تشترون شقه ومن هالكلام الي تقوله
ورحنا مقرهم الرئيسي فالبحرين وقعدو يتكلمون عشان نقتنع واقنعونا:112:
وبعدين رحنا عن طريقهم ماليزيا لانه قالو السكن بحسابنا ببلاش لكن للأسف قبل ما نسافر قالو لنا انه النص بالنص السكن وين الجايزه الي ربحناها عيل والمشكله حجزو لنا منتجع في ماليزيا في بييانج في منطقه بعيده يعني تبعد عن المطار 3-4 ساعات ومكان ما فيه حد وكل شي بعيد ومافيه ولا عربي ومنتجع مب لي هاك الزود وحتى راع التكسي مستغرب يقول كيف حاجزين هالمكان انا اول مره ايي هالمكان بس قال انا بنتظركم انتو ريحو وعقب بوديكم منطقه فيها العرب المهم وكنسلنا الحجز ووريحنا وبعدين رحنا مكان ثاني يعني المنتجع انغشينا فيه :112:
ثاني شي هالسنه بنروج تونس ع اساس الشقه الي دفعنا فيها في منتجع النرجس وبنروح وبنشوف الوضع بس انصدمت انته كاتب انه الشقه فيها غرفة وحده وصغيره الله يستر الصراحه

flying horse
flying horse
uaecat
اهلين
احس انهم يسحرون و يقنعون الواحد انه يشتري
يعني قصدك انو الفندق مو مره حلو؟؟
تراني بس شفت بالصور

uaecat
uaecat
flying horse
ممثل التنويم المغناطيسي :112:
هم كانو حاجزين منتجع ونحنا عايله ما ينفع لنا منتجع اصلا لو شهر عسل بقول بس منتجع والغرف خشب وحشرات ومكان بعيد ها في ماليزيا
وفي تونس ما عرف والله ان شاء الله انا بروح تاريخ 21-6 وبشوف الاوضاع

abadi001
abadi001
سلامي للجميع
أنا أخوي عنده تايم شير في شيراتون فيستانا ريسورت أسبوع في السنة وما يبغاه
المبلغ مسدد بالكامل وهو طلب مني أعرضه للبيع
إذا في أحد يبغاه يقولي وأنا اجيب له سعر ممتاز
هو تقريبا أكثر من 5 سنوات ما أستعمل الأسبوع حقه بس ما أدري النظام كام أسبوع ممكن تحمل معاك للسنوات القادمة
حاليا هو بيدفع سنويا مبلغ الصيانة حول 500 دولار
شكرأ
أخوكم : المهندس عبدالله

TGI FRIDAY
TGI FRIDAY
abadi001
حسب علمي انك ما تقدر تجمع الاسابيع ... تضيع عليك ... ممكن يخلونك تستخدم اسبوع السنة الماضية لكن في منتجعهم فقط ... يعني ما تقدر تسوي اكستشينج ...
انصح الاخوان جميعا اللي يبي يشتري تايم شير ... لا يشتري من الدول العربية ... يشتري بس من امريكا ... لأنهم يلتزمون بعقودهم ... وهذي حسب تجربتي مع المنتجعات المصرية ... اشردوا منها ... نصيحة محب ...
احتراماتي


خصم يصل إلى 25%