امم بالنسبة لسؤالك الاول ماعندي اي خلفية لان انا كان بالمطار
وسؤالك الثاني روحي لحالك احسن
كل شي سهل البيستر فيلج احجزي من النت او روحي لمحطة marylebone
وهناك تقدرين تشترين تذكرة وشاملة للباص اللي يودي للاوت لت
انا يوم اروح اخذو مني 30 باوند للشخص والطفلة مجانا
ويوم وصلنا للقرية اخذنا الباص للاوت لت
ونصيحة مني روحي الصباح علشان تقدرين تاخذين راحتك لانها يبيلها وقت
ويصير ترجعين لندن بدري مساء وتقدرين تستغلين الوقت في لندن بزيارة اي مكان لان النهار طويل عندهم
رحلة موفقه

dana abdu
وعليكم السلام ورحمة الله وبركاته
احسن بروحك .
من لندن الى بيستر فيلج :
من mylebone station وتقطعو تذكرة -(ذهاب وعوده)-الى bicster north خمسه وخمسين دقيقه , ومن بيستر نورث تاخذو باص الى القرية ( 5 دقائق )..
همسات // التذكرة من مارليبون خلوها مفتوحه ,, يعني الروحه والرجعه في اي وقت ولكن في نفس اليوم ,, يعني ما تكون العوده في وقت محدد ..
وانتو تقطعو تذاكر من محطة مارليبون ,, قولو للي يبيع انكم تبو تذاكر الباص من بيستر نورث الى القرية ..
والوصول على ساعه 10:30 يكون حلو ولا تروحو في الويك اند -(السبت والاحد)-
OPENING HOURS
Mon to Fri: 10am – 8pm
Saturday: 9am - 8pm
Sunday: 10am - 7pm*

• Burberry, Clarks, Gucci, Hugo Boss, Polo Ralph Lauren Classic, Prada and Versace open 12pm - 6pm Sundays

من لندن الى التون تورز :
London Euston (EUS) to Stoke-On-Trent (SOT)
lلمدة تقريبا ساعتين وبعدها راح تلاقي باصات توديك للملاهي على طول

بالنسبه لبيستر فيلج اذا انتو مجموعه اخذو تذكره عائليه .. تطلع اقل من 17 باوندز الشخص..
تذاكر القطارات العائليه ارخص من لو كل واحد يحجز بروحه بوايد

1. قبل الجواب كم يوم بلندن فترة جلوسك ونفس الحال بباريس ؟؟؟


2. سوف افترض ان المده اسبوع لكل منهم وعليه يكون الجواب

مساء الخير
لو سمحو لي خبراءنا

قبل الجواب كم يوم بلندن فترة جلوسك ونفس الحال بباريس ؟؟؟

سوف افترض ان المده اسبوع لكل منهم وعليه يكون الجواب

اولا مدينة ملاهي التون تاورز كبيره جدا فضلا عن انها بعيده كثير عن لندن وسعر القطار غالي .. خصوصا ان بباريس ممكن تعوضينها بدزني لاند .. وايضا بلندن ممكن تعوضينها بثورب بارك مع المكاتب السياحيه الموجوده بشارع اجورروود والمدينه قريبه وجميله ... لان ملاهي التون تاورز تحتاج مبيت بصراحه يومين حتى تقدراتغطيها .. وخصوصا لو كانت فترة جلوسكم بلندن قليله فما لها داعي
السؤال الثاني بالنسبه للاوت ليت بيستر فيلج رأيي الشخص متواضع جدا مقارنة باوت ليت الي موجود بباريس لا فيلا فيلج .. بل ان الموجود بباريس يتفوق عليه بكل شيئ من حيث عدد الماركات والمحلات وحتى المجمعات .. ما ابالغ ان قلت انه اكبر ب3 مرات عن الموجود ببيستر فليج .. ويحتاج يوم كامل
اما بخصوص التاكس فري
1- عند الشراء مثال من السلفرج سوف تذهبين لمكتب التاكس فري وتخبرينهم انج سوف تستلمين التاكس من باريس فيقمون بالختم على هذا
2- انتي راح تتطلعين من لندن الى باريس عبر هذي المحطه london st-pancras
وهذي المحطه هي الخاصه بالقطار الاوربي طبعا راح يكون الامر في تخريج جوازت حاله كحال المطار عندها تبرز لهم اوراق التاكس فري سوف يقومون بالختم على الاوراق حتى تستلمونها من مطار شارل ديكول بباريس
ورحله موفقه

^^^
مشكور اخوي
في لندن بنكون بس خمس ايام برايك ما اروح التون تاورز واكيد بروح ديزني في باريس شي اساسي ان شاء الله
انا حاطه التون تاورز احتياطلو لقينا وقت او كنسلتها انا اللي مخليني اتردد البعد
الاوت ليت غريبه اكثر من سالت يقولو فرق هذا احلى من حق باريس
وبالنسبه للتاكس رجعتي اخوي من مطار جنيف
انا ممشكلني هالتاكس مدري من وين اخذه
رحلتي لندن باريس جنيف الرياض
والشكر موصول للجميع ماقصرتو ونردها لكم بالافراح ان شاء الله

هذا كلام غير صحيح برأيي
لا يوجد اي مقارنه بين الاثنين ابدا . الكلام من تجربه طبعا .. .. وحتى تتأكدي اتمنى اتزورين الاثنين وتخبريني برأيك عند العوده
اما بالنسب للتاكس فري نفس الكلام الي سبق بس اتقولين العوده من جنيف ... وحتى لو اشتريتي من باريس نفس الشي
لا تروحين التون تاورز يكفي لندن والاماكن الاهم .. ممكن اتروحين ثورب بارك او برايتون ومدينة الملاهي الموجوده فيها.. وخلي ديزني لاند هي الاساس لانها اكثر متعه للاطفال خصوصا
دمتي بخير