و عليكم السلام
نعم ايطاليا - اسبانيا و ايرلندا لها وضع خاص
فغالبية شركات التأجير لا تسمح بعبور سياراتها الى ايطاليا
و ان حبيت تستأجر في ايطاليا تكلفة التامين عالية لانهم يجبروك على التامين
على كل شئ حتى الكفرات و القزاز
على فكرة لابد من ابلاغ شركة التامين برغبتك عبور الحدود
و الا في حال وقوع أي شئ ستتحمل قيمة السيارة كاملة

تسلم خبير يا غالي ..
انا بحجز عن طريق الموقع .. هيرتز
كيف اقدر ابلغهم يا غالي ..!
جدا ضروري يا اخواني ..
لاني على وشك احجز لجاردا و تورينو ..

عادي احجز ماعندك مشكلة واذا وصلت هناك راح يسألك الموظف قله رايح ايطاليا .. احتمال يغير لك السيارة اللي انت حجزتها
اللي اذكره مرسيدس و bmw ما يعطونك اذا بتروح ايطاليا
تقدر ترسلهم ايميل وتعطيهم خبر قبل ويعطونك الخيارات المتاحة

حبيبي tab ..
الله يرزقك الجنه و يعطيك العافيه دائما سباق ..
لو تعطيني الاميل اللي اراسلهم عليه ..
خويك غشيم بالامور ..
الف شكر لكم جميعا مقدما ..
على ما تقدمونه للاعضاء من معلومات قيمه
بارك الله فيكم ..!

قبله على جبينك مشرفنا القدير ..
و الرابط لا يفتح معي يعطي صفحه خاليه ..
و اعتقد انه ليورب كار و انا سأحجز من هيرتز ..
نعتذر عن الاطاله

اتصل عليهم من هنا برقم مجاني ويرد عليك عربي ... وتفاهم معه ..
انا سويت كذا وحجزت وعطاني خصم 10% لعضوية الفرسان(الخطوط السعودية)

تسلم اخوي ع المداخله ..
لكن الاتصال عليهم بحكم ان اللي يرد عليك وكيل عربي بالسعوديه
فسعرهم نار نار و انواع الدجل ..
لقيت ب 4088 في الموقع الرسمي للشرق الاوسط الخاص بهم
بينما الاخ العربي يقول حدود السبعه او الثمانيه الاف على ما أظن !

و الله محتار يا اخوان ..
و حرام الغي جاردا و البندقيه و تورينو ..
ارسلت ايميل ما احد رد !
ابي ايميلهم الرسمي مو ايميل الوكيل في السعوديه .. أن أمكن !
لقيت في الحجز كما هو أتي و طبعا لم يذكر الموقع اي شي بخصوص ايطاليا ..
1- اعفاء من اضرار التصادم
2- الحمايه من السرقه
3- رسوم خدمات الموقع
4- رسوم تسجيل السياره و ضريبه الطريق
5- ضريبه ..
طبعا كيلوات مفتوحه ..
خبرائنا الاعزاء .. سوال
هل بكذا تاميني شامل و لا ادفع و لا ريال لاقدر الله بشر !
كم ياخذون تأمين و علما ان مبلغ الاجار عند الحجز من الموقع هو 4088 !
الف الف شكرا و الله تعبتكم !