اخوي لا بد من فيزا للدخول الى الاراضي البريطانيه
ممكن تبحث في المنتدى بوابه بريطانيا وستد الكثير عن الفيزا

هلا اخوي انا طلعت تاشيرة الاسبوع اللي راح ما فيه اسهل من التاشيره البريطانيه كنك رايح تطلع اثبات
عموما لو تبي تروح بريطانيا حتى لو ساعه لازم تاشيره واقل مده للتاشيره6 شهور
انت رح للسفاره وخذ معك اوراق القبول من المعهد وكشف حساب من البنك وتعريف بالراتب وصوره مكشوف الراس
واخر شهاده حصلت عليها طبعا تكون مترجمه ومصدقه وتعريف راتب من البنك مترجم ومختوم عليه من نفس البنك
وخذ معك 520 ريال حق التاشيره 6 شهور والابلكيشن هم يعبونه لك ب 35 ريال اذا مالك خلق تعبي شي
وفيه سعوديين يشتغلون في المكتب وهنود وكلهم يعرفون عربي وانصحك انك تروح لهم من 9 ونص الصباح
عشان تخلص بدري والاستلام هم يعلمونك متى مثلا يقولك بكره الساعه 5 العصر انت رح الساعه 4 عشان الزحمه
ملاحظه المكتب يفتح الساعه 10 الصباح بالنسبه ليوم السبت ما ادري يشتغلون ولا لا

:11ight
البيضاني..
هلا والله بولد العم كيف الحال اولا انت طالع بعثة ولا على حسابك؟؟ تدرس لغة فقط؟؟ لكن من كلامك ستة اسابيع يعني تبي تدرس لغة وعلى حسابك
على العموم انا راح اطلع للرياض الاسبوع الجاي عشان التأشيرة والله يسهل
لكن كل الشباب يقولون التأشيرة لبريطانيا سهلة جدا وبالكثير يومين وهي طالعة

هلا اخوي
تقدر تطلع الفيزا البريطانيه من الخبر اذا انت كنت موجود هنا في الشرقيه .. وموقع السفاره شارع الكورنيش الي في الخبر خلي شليز علي يدك اليسار واول اشاره بتصادفك بشوف عماره على اليسار فيها الخطوط السعوديه .. السفاره في نفس العماره " خ ذكرت السفاره في العماره " في الطابق الثاني الظاهر او الثالث .
المطلوب :
تعريفه من العمل ....كشف حساب لمدة 3 شهور .... صورتين شخصيتين ..قبول المعهد ...
0ريال للفيزا ... ومثل ماقالو اقل مده 6 شهور

MR-man
هلا با بن العم .. صحيح أنا طاع آخذ كورس على حسابي...
هلا بالغالي .. ماقصرتو جميعا كفيتوا ووفيتوا
لكن أنا طالب جامعي .. ماعندي راتب .. وش المطلوب ووين أروح هل أروح على السفارة دايركت أو على أحد المكاتب.
مشكورين يالغالين على هذه الردود الرائعة.

فيه مكتب ات شاء الله راح اطلع من عندهم بالرياض يمدحونه الشباب اذا بغيته ممكن ارسلك عنوانه على الخاص
حاضريين للطيبين

البيضاني حتى انا طالب ومادري عن كشف الحساب
ياشباب اللي طالب وقدم كشف الحساب حقه برايكم كم اقل مبلغ المفروض يكون بالحساب عشان يضمن الفيزا
وبالتوفيق للجميع