rashed2002
20-08-2022 - 11:29 pm
اخواني الاعزاء عندي استفسار عن البسامي لنقل السيارات , اول شيء موقعه في مدينة الخبر اذا امكن لاني بكرة انشالله بروح له حق استفسر و اتفق معاهم عن بعض الامور .. انا قريت في موقعهم انه خلف اسواق الراشد في الخبر , بس ماعرف هل اسواق الراشد يقصدون فيه مجمع الراشد المعروف نفسه , او مكان ثاني اسمه اسواق الراشد ؟!
الشيء الثاني اذا احد عنده فكرة عن نقل السيارة من الشارقة بالامارات للخبر (فقط ذهاب) كم يكلف .. يعني اذا احد جرب هذا الشيء ( طبعا بسالهم انشالله بكره اذا لاقيتهم في مكتبهم بس اذا احد عنده فكرة بعد يخبرنا و ماتقصرون)
السؤال الثالث .. هل بكرة بيكونون فاتحين و الا اجازة بحكم اجازة العيد الطويلة بالسعودية ؟!
السؤال الرابع و اسمحولي اذا طولت , السيارة اذا بنقلها مرور فقط بالسعودية لاني بحريني و بتعامل مع شركة سعودية للنقل من الامارات للسعودية للخبر تحديدا , فهل ياخذون علي جمرك بالسعودية ؟! او اي اجراءات ثانية ؟! و هل موضوع السيارات تحت 2004 ينطبق المنع حتى على الخليجيين ؟! يعني انا مجرد بنقل السيارة بالبر عن طريق السعودية و بعدين بدخلها البحرين و بسجلها في البحرين ان شاء الله .. فهل فيه مشكلة بهذي الناحية في الحدود السعودية ؟!
و مشكورين يا اخوان و تأكدوا اي احد يعرف اي معلومة راح تفيدني كثير و جزاكم الله الف خيير .
2- لا املك معلومة عن الاسعار
3- يفتحون هذا سوقهم الايام هذا على نهاية الاجازة
4- اعتقد ان في السعودية لاتواجه مشكلة ولكن الجمرك البحريني ويمكن الجانب الامارتي