1. العائلة السعودية :


2. 1- مقاهي الروشه.


3. 2- مقاهي الجبل مثل بحمدون وعاليه وغيرها.

اعرض لكم البرنامج اليومي للسعودي بلبنان لكن ليس شرط بأن يكون مطبق على كل السعوديين بلبنان لكن أكيد 90 بالميه منهم والفائدة منه لكي تعم الفائدة على القراء من ناحية انسب وقت لارتياد الأماكن السياحية :

العائلة السعودية :

معهم سواق لبناني وكل سواليفه يا عن السياسه والمذاهب او عن مشاكل البلد وإذا حده احد راح يقول (؟؟؟):tongue: كلهمتهم المشهورة طبعا وراح تستحي العائلة السعودية وتسوي إنها ما سمعت شي وأنا أقول أحسن شي يسدون أذان عيالهم وقت المشاوير.
العائلة السعودية مخططة تقوم الساعه 9 الصباح لكن للأسف ما يصحون إلا الساعة 12 الظهر ثم يروحون يتغدون في احد المطاعم :
1- مطعم منير ببرمانا.
2- أو يقولون ما جعنا خل نروح لمطعم بعيد لين نجوع وفرصه إننا نتفرج على المناظر الطبيعية والجبال على الطريق ثم يروحون لزحلة فوق الجبل.
3- أو يروحون لنبع الصفا فوق الجبل يبعد تقريبا ساعة أو ساعة ونصف وفيه مجموعه من المطاعم.
4- أو يروحون لنبع مرشد وأيضا يبعد ساعة ونصف.
5- أو يقولون راح نطبخ الغدا في البيت والعشا نأكل برا( يحليل هذي العائلة اللي توفر).
بعد الغدا تكثر الخيارات والأماكن وعلى حسب المزاج :
1- يتقهوون في بحمود.
2- يتقهوون في برمانا.
3- يتقهوون في السوليدير.
4- يتقهوون في قهاوي الروشه.
5- يتقهوون في عاليه.
6- يتقهوون في مطعم العرزال في منطقه اسمها حراجل ( يسمونها أهلها حراجل ام المراجل) منطقه جبلية على طريق حريصا تبعد تقريبا ساعة بس طريقها سالك وجوها بارد .
بعدها يروحون للسينما ومنها يطلعون الساعة 9 أو 10 ثم يروحون يتعشون في احد الأماكن التالية :
1- السوليدير.
2- برمانا أو بحمدون أو عاليه.
3- مطاعم ومقاهي شارع الروشه.
4- يطبخون في البيت إذا كانوا متغدين برا (هذي العائلة الاقتصادية).
وأخيرا يرجعون للبيت على 12 بالليل وكلهم دايخين يبون النوم ماعدا ولدهم اللي عمره 21 سنه وده يروح يكمل مع أخوياه اللي برنامجهم التالي:
برنامج الشباب :
يصحون الساعة 5 بعد العصر ويروحون يتغدون في أحد الأماكن التاليه:
1- ديونز هوليدي ان.
2- أي بي سي الاشرفيه او وفيه مجمع نسيت وشسمه على الاوتو ستراد مقابل طريق ضبيا.
بعدها يروحون يتقهوون في احد مقاهي مثل التالي:

1- مقاهي الروشه.

2- مقاهي الجبل مثل بحمدون وعاليه وغيرها.

3- يروحون للسوليدير ثم يدفعون بخشيش عشان يحصلون طاوله تطل على دوار الساعة أو على أطراف المقاهي عشان الهواء البارد وكل ما مرت نصف ساعة لازم اثنين منهم يقومون ياخذون دوره حول دوار الساعة ( في الوقت هذا يجيهم خويهم بالسوليدير اللي طلع بعد ما ناموا اهله اللي هذا وجهه )
بيكونون مقررين وين يسهرون في احد الأماكن اللي اسمحوا لي بعدم ذكرها بس بيروت فيها كل شي بعدها ينتهي يومهم ويقومون من بكره ما يذكرون إلا نصفه .
واللي عنده برنامج معين يذكره عشان تعم الفائدة.
تحياتي ,,
تم تحرير المشاركة بمعرفة إدارة المنتدى