/
هلا والله
وعليكم السلام
حلو سعر الغرفه
حمستينا نزلي الباقي
آهم شي اللي ب الصوره يآحبي له
حلوه الصور بدايه موفقه
ننتظرك :$

الغريب فيه واحد يبحث عن اسرار الفندق بالادراج
^_^
يعطيك العافيه وونتظر الباقي

مشكورة على التقرير البداية الروعة
ومتابعة
والشئ الغريب هالولد أسم الله عليه محقق كونان يفتش بلدروج ههه الله يخليه لكم

الشجرة اللي جنب السرير ،، بلاستك أو حقيقية ؟؟
شكرا للطرح الرائع.

يعطيك العافيه وونتظر الباقي

شكراً للجميع على الردود الجميلة
الاخ وحداني ومسافر : هذا اكثر شي شدك بالتقرير ههه الشجرة صناعية طبعاً
راح انزل باقي التقرير قريباً

يعطيج العافيه اختي وجود
تقرير من بدايته حلو ويبشر بالخير ..
بالانتظار يالغلا

مساء الخير عليكم جميعاً مره أخرى ..
شكراً لكم على الردود الجميلة .. حبيت اني اكمل التقرير واتكلم عن الاماكن اللي رحنا لها ..
انا وزوجي من عشاق الاكل الهندي .. واي مكان نروح له لازم ندور فيه مطعم هندي ، واحد الاعضاء مدح مطعم اشاز اللي بالسيتي سنتر .. فاقترحت عليه اننا نروح له ..ووافق
اول مادخلنا وشفت المنيو .. تذكرت اني سبق واكلت منه لكن في فرعهم اللي بالكويت وتحديداً بالمارينا
طلبنا كباب .. وشوربة دجاج للاطفال ( اكثر من شرب منها انا) لذيذه بصراحه وفيها شي ابيض مبشور معطيها طعم ..
وزوجي يقول فيها طعم غريب ، لما قعدت امضغ هالشي الابيض
حسيت اني قاعده اكل دابر املا ..
طلع هالشي جوز هند مبشور وهو اللي معطيها هذي النكهه الحلوه والغريبه بنفس الوقت بس انتبهوا تاكلون الجوزهند..

هذا الكباب .. طعمه حلو
وطلبنا برياني ونوعين مسالا .. وبعد الاكله الحلوه قلنا لازم نهضم .. راح ابو نورة يلعب نورة
ورحت انا اتمشى واتسوق
العابهم تشبه كثير العاب مول الامارات اللي في دبي عندهم لعبه اعجبتنا مره ولا شفنا مثلها بالرياض على انها بسيطه جداً
وهي عباره عن مساحه كبيره نوعاً ما وحولينها سور و الدخول لها ب 25 رياال لمدة ساعة وممكن يدخل مع الطفل المرافق اللي معه
ومليانه كور من فلين وفيه مثل المدافع والمسدسات اللي تعبها من هالكور ويبدون الاطفال يرمون على بعض ولا يتعورون لان الكوره من فلين وفيها بعد زحليقا كبيرة ..
ولما كنت ادور لقيت مكان خاص بلعب البولينق .. وبما اني بالسعودية استحي العب قدام العالم خاصةً اذا فيه شباب
قلت ابقول لزوجي نجي نلعب .. وفعلاً رحنا وكانت اللعبه ب25 يعني يمكن درهمين ونص وعطوني وانتم بكرامه جزمه وهذي من اساسيات اللعب ( اتوقع عشان مايزلق اللاعب )
ومايحتاج اقولكم اني فزت باللعبه طبعاً
ماكنت متوقعتها بهالصعوبه كل مارميت كوره تروح على الجوانب ولا تلمس ولا وحده .. وعجز زوجي وهو يفهمني اللعبه ومافيه فايده ..اخر شي قام هو يلعب

وهذي صور من السيتي سنتر

صوره اخرى

مشكورة أختي على التقرير
بالنسبة لأليت سويت أنا نفسكم ما أتعداه بالبحرين أوتيل رائع ومحترم وعائلي
حتى بالأكل الهندي أنا من عشاقه ( خربني مطعم مكاني ) عطيني رايك بالمطعم تنصحين فيه خصوصا المسلا
تحياتي لك