حركات والله
اشيقر بلده حلوه مره دايم نروح نتمشى فيها..
يعيبها طريقها السيئ بس
..
مشكور اخوي

الله يعطيك العافية
وأشيقر بدأت تجذب الزوار وخاصة الأجانب بعدما ضمت القرية القديمة إلى هيئة السياحة والأثار

أنا اعتب على هيئة السياحة بإدارج قرى أو مدن من منطقة نجد ضمن هيئة السياحة مثل ( اشيقر - الغاط - القصيم ) لان بالعقل هل ستجد من سيسجل في في رحلة الباص الذاهبة الي اشيقر أو ستجد عائلة مثلا تشد الرجال للغاط أو القصيم ودرجة الحرارة مع آذان العصر تضرب الخمسين ,, ياليت يكون عندنا وعي ولا نلعب على انفسنا , وهيئة السياحة اذا فيها خير ياليت تهتم بالمصائف (الطائف -الباحة- النماص- ابها) المناطق الباردة وتسوي لها دعايات وتراقب الخدمات والاسعار , كذلك المناطق الساحلية (حقل - ينبع - جدة - جيزان - الشرقية ) لابأس بها لديها سواحل تشفع لها بأن تصنف مناطق سياحية ,, أما بالنسبة لمنطقة نجد فلا أحد يلعب على نفسه ويقول ان فيها سياحة مثل اللي يكذب الكذبة ويصدقها مع كامل احترامي لنجد واهل نجد وانا واحد منهم ,, نجد تنفع فقط فصل الشتاء سياحة برية مكاشيت في الاودية والرياض والكثبان الرملية غير ذلك قيظ وحر يلتهب

الطرشي
ههه يوم قريت الساعة 1 ظهرا قلت والله لو أني حمار قايلة عشان أطلع الظهر يا ناس خلونا واقعيين
الجو ما يساعد الناس تتعب من الحر كيف حر وغبار
خلو هالمناطق في وقت الربيع الخريف الشتاء وخلو الجولات السياحية قوية فيها وحطو فنادق يا أهل أشيقر و المطل صلحو شيلو الشوك تراي امتلأ ×××× من الشوك ذي الروحة حتى أني ما عاد أفكر أروح إلين يجي واحد يقول أنه أستمتع بدون شوك
للأسف يسون برامج ومافيه قوة ولا حتى مكان للسكن سؤالي هل هناك فندق في أشيقر للسكن ما نبي فندق نبي شقق في الديرة القديمة خلونا نخش جو وننام في السطوح يعني كأقل تقدير للرحلة لا تزعلون مني بس أنا أوافقك الرأي حنا ننحاش من ديارنا ومن حرها وأنتم تحطون برنامج من الساعة 1 ظهرا ههه

ههه يوم قريت الساعة 1 ظهرا قلت والله لو أني حمار قايلة عشان أطلع الظهر يا ناس خلونا واقعيين
الجو ما يساعد الناس تتعب من الحر كيف حر وغبار
ههه
حتى انا استغربت 1 الظهر
يحسبونها بالنمسا
صراحه مره حر وموت
لو مخلينها 4 العصر احسن
لان العصر طويل وبعدين اشيقر صغيره تخلصها ب ساعتين

ولدسدير 1
لو يخلون الرحلة الفجر أو الساعة 6 بالكثير ويتمشون ويسعون الصدر ويفطرونهم ثم يتجهون للوجه الثانية على الظهر يكونون خالصين أهون عليهم من العصر
الفجر وحتى الساعة عشر ممكن يستحملها الإنسان وللعلم والله درجة الحرارة في الليل توصل 34 وفوق في الرياض و وقت الصبح يكون بارد نوعا ما حدود 27 يعني بعد ما تطلع الشمس تبدأ الحرارة من جديد يعني توصل حدود 40 قبل الساعة 8:30
أنا راعي بر وكشتات والله ما أطلع وقت الصيف وبالذات الظهر الواحد تجيه ضربة شمس