أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
السلام عليكم..
اخواني انا ابا اروح البحرين ان شاء الله في نهايه الاسبوع..
ما اعرف عنها اي شي.. و لا حتى وين اسير او شو عندهم..
ممكن تساعدوني
يعطيكم العافيه..
و السمووحه
ياأم سعيد أول ماتوصلين المراكز الحدوديه لو كنتي جايه عن طريق البر بعد ماتختمين جوازك من المركز راح تحصلين على اليمين مواقف إنزلي واحجزي عن طريق مكتب والله ناسي إسمه بس أعتقد إسمه المنيع الحجز عن طريقه راح يكون أرخص إذا كنتوا عايله أنصحكم بفندق إليت أول ماتدخلين البحرين وصاد عن البلاوي والمشاكل وبالقرب من مجمع الدانه ومقابل لمجمع السيف الفندق طلع علي 34 دينار يعني 340 ريال مع الضرائب الفندق 4 نجوم بس رايق وبالصدفه قابلت فيه الفنان علي السبع ولمياء طارق والفنان المصري محمد رياض والفنانه المصريه نورهان كلهم باللوبي وكانوا مقيمين يصورون مسلسل. عندي جدول حق يوم واحد أو يومين وصلت ونزلت الشنطه في الفندق حدود العصر وطلعنا أنا وزوجتي وتمشينا وبعده رحنا لمجمع السيف وتمشينا فينا وتقهوينا وبعده حجزت على فيلم عادل إمام التجربه الدنماركيه وطلعنا بعدها وأخذنا عشى ورجعنا للفندق نمنا للساعه 11 الصبح وبعدها طلعت أصلي الجمعه ورجعت أخذت الشنطه وسلمت الغرفه وطلعت لمجمع الدانه تمشيت فيه وتغدينا من كودو وطلعت تقريبا الساعه 3 وأخذت لي دوره على الكورنيش وأنا راجع للسعوديه بعدها دخلت للشارع الكئيب شارع المعارض أشتري حلوى بحرينيه حلوى شويطر ومشيت لديرتي وأنا طالع مريت الخبر وتمشيت في مجمع الراشد وصليت العشاء ورجعت لبيتي الساعه 11 علشان السبت كان عندي دوام بس بصراحه كان أحسن ويك إند عندي :smile125:
السلام عليكم
يا هلا فيج اختي أم سعيد
شوفي أختي انا بعطيج بعض الاماكن السياحية والمجمعات اللي تخطر في بالي الحين
مجمع السيف ( وفيه مطاعم ومقاهي وسينمات ومحلات وألعاب للأطفال )
مجمع الدانة ( نفس الشي )
مجمع البحرين وهو نفسه اللي فيه جيان وكلهم تقريبا يصيرون بنفس المنطقة وفيه بعد العاب للاطفال
عندنا كورنيش فيصل وكورنيش البحري
هالايام عندنا معرض الخريف وتوه امس بادي
ممكن انج تروحين له وبيكون في مركز البحرين الدولي للمعارض ويقع بنفس المنطقة اللي فيها المجمعات
يعني أفضل فندق تسكنين فيه هو اليت سويتس اللي مقابل مجمع الدانة هاديء ويصلح للعائلات
بعد شو
ممكن تتمشين في شوارع البحرين
عندنا شارع العدلية
شارع المعارض
سوق محرق ( شرح ويوسع الصدر )
ياربي ناسية بعد شنو عندنا
وياهلا فيج في البحرين مقدماً
هلا بك أختي ام سعيد ماشاء الله الأخ خالد واختنا بنت البحرين ماقصرو
عزيزتي بنت البحرين معرض الخريف هل هو مختص بدوله معينه مثل سوريا أو ايران ؟؟؟
وايش البضاعات اللي فيه
تحياتي للجميع
هلا اختي سحابة
معرض الخريف هذا شامل
( منتوجات البحرين - سوريا - مصر - الصين - هونج كونج - باكستان - ايران )
كل شي فيه وشامل جميع الدول حتى اليمن وعمان والكويت
ان شاء الله اليوم بروح له
بنت البحرين
هلا بهل البحرين كلهم.... و الله منوره موضوعي..
حبيبتني انا سرت البحرين و انا 13 سنه... و بما اني احب البلاد اللتراثيه .. البحرين دخلت في خاطريه..
مواقع حلوه خبرتيني عنها و بحطها في بالي...
و بخصوص المعرض ... شوهو هالمعرض .. عن شو.. و ثاني شي .. شو الاماكن التراثيه و اسوق.. هل هو سوق محرق..
و سمعت عندكم مهرجان؟؟ ممكن تخبرينا عنه؟؟
و تسلمين مقدما..
وحيالله هل البحرين..
فيصل666
ما شاء الله عندك خبره.. بس الله يعينا على الزحمه..
سؤال .. شو التكاسي عندهم.. سمعت انها غاليه...
و هل مكاتب التأجير .. رخيصه و لا غاليه ... و شو الاجراءات اللزمه..
و اقرب واحد لفندق اليت سويتس..؟
و السمووحه
عندي جدول حق يوم واحد أو يومين وصلت ونزلت الشنطه في الفندق حدود العصر وطلعنا أنا وزوجتي وتمشينا وبعده رحنا لمجمع السيف وتمشينا فينا وتقهوينا وبعده حجزت على فيلم عادل إمام التجربه الدنماركيه وطلعنا بعدها وأخذنا عشى ورجعنا للفندق نمنا للساعه 11 الصبح وبعدها طلعت أصلي الجمعه ورجعت أخذت الشنطه وسلمت الغرفه وطلعت لمجمع الدانه تمشيت فيه وتغدينا من كودو وطلعت تقريبا الساعه 3 وأخذت لي دوره على الكورنيش وأنا راجع للسعوديه بعدها دخلت للشارع الكئيب شارع المعارض أشتري حلوى بحرينيه حلوى شويطر ومشيت لديرتي وأنا طالع مريت الخبر وتمشيت في مجمع الراشد وصليت العشاء ورجعت لبيتي الساعه 11 علشان السبت كان عندي دوام بس بصراحه كان أحسن ويك إند عندي
:smile125: