نفس مشكلتنا بالضبط ,,
بس الواحد ما يقدر يستغني عن شي منهم لان الاحتياط واجب ولا ندري عن تقلبات الجو هناك

تسلمين اختي .................. فعلا الاغراض والشنط المتعدده مشكله يعاني منها الجميع .. كنت اظن العيب فيني لاني اخذ كل شي احس (مجرد احساس ) اني راح استخدمه او استفيد منه .. .......... المهم .. يلزمنا ناخذ معانا كمامات ..؟؟؟؟؟؟ لان زوجي مو داخله راسه الفكره ابدا....... وانا احسها ضروريه مره على الاقل في المطار.. وانا افكر اخذ معاي ملاعق وشوك بلاستيكيه .. لزوم المطاعم ... وبعد فيه اشياء كثيره ............................................... وسلامتكم

انا افضل اخذ معاي كل شي زي ما قلتي الملاعق البلاستيكيه مهمه جدا موب بره بس حتى في بلدنا واحب اخذ مناديل ديتول والبخاخ بعد والمطهر واهم شي الادويه (ان شاء الله ما تحتاجينها ) دواء الكحه مثلا والعابهم المهمه , وكل واحد يشيل شنطه صغيره معاه فيها اغراضهم اللي يحتاجونها في الطياره(قصه , لعبه )ولا تنسين فلم كرتون تشغلينه لا بغيتيهم ينشغلون والمره هذي راح اخذ معاي مونوبولي ودفتر تلوين , عندي ولدي الصغير كل ماصاح حطيتله لزقه جروح عشان يسكت :36_1_40: وترجعون بالسلامه

ههه .. حلوه لزقه جروح .. تصدقين فكره..!!!!!!!!! بالنسبه لي ولدي الله يحفظه عمره ست سنوات ومفكره هذي المره مااخذ معاي اي شي من العابه الاليكترونيه وخاصه ال psp لاني ابغاه يريح نفسه وعيونه .. (بنفس الوقت خايفه يمللنا .. !! ) والبنت عندي ثلاث سنوات تحب الالوان والقصص والالعاب الخفيفه وان شاء الله حاسه اننا بنرتاح معاها.. بس ماحد جاوبني ايش رايكم بالكمامات ..؟؟؟

الموضوع وايد مهم لجميع العائلات .... أنا ما شاء الله عندي 4 أطفال دايما في سفري الى أوروبا في فترة الصيف أخذ جاكيت واحد فقط و يكون خفيف يعني مثال جاكيت جينز مثلا .... أخذ الأدوية المهمة مثل أدوية الحرارة و الكحة و الزكام كريمات الباعوض و الترجيع و الاسهال و ان شاء الله ما نحتاجهم .... أخذ ألوان و ألعابهم البسيطة اليدوية ... و سائل تعقيم اليد و مناديل الديتول و الصراحة مهم اني أأمن حليب طفلتي لأن عمرها سنة عشان جذي أخذ الحليب معاي .... طبعا أخذ رز معاي لأني أستأجر شقة و أطبخ لعيالي شي بسيط .... يعني أغراض عيالي قبل أغراضي .... بس على فكرة كل اهل الخليج يعانون نفس المشكلة ( كثرة الشنط ) يعني انا أحاول أقلصهم لكن ما أقدر .... عموما يعطيكم العافية و رحلة سعيدة ان شاء الله... واذا تذكرت شي بضيفه

اخوي استخدم أكياس البلاستيك المضغوطه ( اشفطه بالمكنسه الكهربيائه )
يوفر لك مساحه بالجنطه

شو هذه الأكياس ؟ وين أحصلها ؟ وكيف طريقة استخدامها؟

أعجبتني فكرة الأكياس المضغوطة ... ماتتكفس الثياب؟؟
بكتب بعض الأشياء اللي لازم تكون معي في كل سنة :
الأدوية : دواء الكحة - البندول - فيتامين سي - ستربسيل
سجادة و بوصله وورقه فيها اوقات الصلاه و بشار الصلاه
لزقة
مقراض أظافر و مقص صغير
ملاعق و صحون صغيرة بلاستيك و اكواب ورق
نعال للحمام
جيك ماء الله يعزكم للإستخدام في الحمام
سبري ديتول و اوراق ديتول و معقم لليد
علبة كلينكس

hessa2006
اخوي احنا بالكويت نشتريها من محل دايسو