موقع الفندق انا أشوفه ممتاز
قريب من الاكسفورد ستريت والهايد بارك واجوردرود
بقترح عليك برنامج وان شاء الله يعجبك
1- تأخذ جولة استكشافية حول الفندق وتتعرف على الأماكن اللي حوله ، تزور الهايد بارك والاكسفورد ستريت
2- البكاديلي سيركس ، لستر سكوير ، ترافلجار سكوير ، ريجنت ستريت ، ام اند امز ، متحف صدق او لا تصدق
3-لندن اي ، اكواريوم ، بق بن ، تبديل الحرس عند قصر الملكة ، حديقة سانت جيمس ، وتقدر بعد هالاماكن تقدر تتسوق بالاكسفورد ستريت
4- النايتسبريدج ، الهارودز ، سلون ستريت ، متحف التاريخ الطبيعي
5- ريجنت بارك ، متحف الشمع ، متحف شارك هولمز , حديقة الحيوانات
هذه الأماكن اللي ببالي حاليا وممكن تأخذ لك جولة على مواضيع الاخوان بتلقى فيها أماكن اكثر
الأماكن اللي حطيتها لك قريبة من بعضها

عبدالله86
الاخ العزيز عبدالله 86
الف شكرا للرد
ارجوا توضيح كيفية الوصول الى الاماكن التى ذكرتها من الفندق بالمواصلات العامة لانى اول مره لى بلندن
شكرا مره ثانية..
تحياتى

بخصوص الوصول للأماكن المذكورة ، بذكرها لك بالترتيب
اولا المحطة اللي راح تستخدمها للانطلاق هي بادنقتون وهي الأقرب للفندق اللي تسكن فيه ، وهالمحطة فيها 3 خطوط ، الخط البني والوردي والأصفر
ثانيا الوصول للأماكن :
1- الهايد بارك وبداية الاكسفورد ستريت تقدر توصل لهم مشي لأنهم قراب واذا حبيت توصل لوسط الاكسفورد تستخدم الخط البني باتجاه محطة اكسفورد سيركس
2- البيكاديلي توصل لها باستخدام الخط البني باتجاه محطة بيكادلي سيركس والأماكن المذكورة معاهم تقدر توصل لهم مشي لأنهم قراب
3 - بق بن والأماكن اللي حولها تستخدم الخط الأصفر باتجاه محطة وستمنستر
4- الهارودز واللي معاه تاخذ الخط البني باتجاه محطة بيكادلي سيركس وتغير الخط الى اللون الأزرق باتجاه محطة نايتسبريدج
5- متحف الشمع توصل له بأنك تاخذ الخط الوردي باتجاه محطة بيكر ستريت
وبخصوص المطاعم بتلقاها منتشرة بكل مكان وفيها الايطالي والهندي والإيراني والعربي ومطاعم الوجبات السريعة

شكرا عبدالله والله يجزاك كل خير

قريب من شارع كوينزواي مليان مطاعم عربية !

الاخوه الاعزاء
الف شكر على الردود
مع تحياتى..