- يا مرحبا بك م !!
- بالنسبه للاسواق في اندونيسيا وبالتحديد جاكرتا !! وبالتحديد الرخيصه
- سوق منقا دوا القديم :
يا مرحبا بك م !!
في الحقيقه .. حبيت انزل موضوع عن الاسواق في اندونيسيا ويا ليت الاخوان الكويسين يدلون بدلوهم في الموضوع ... اولاً واخراً منكم نستفيد !!
الاخت العضوه الكويسه / شيرين رايس !! عضوه جديده وبتسافر الى بلاد الاندومي بعد اسبوع تقريباً وتحتاج المساعده في موضوع الاسواق في اندونيسيا !! ومثلكم عارفين الحريم يسافرون لغرض التسوق والتسوق و التسوق !! يعني اذا ما احذت معلومات عن الاسواق اكيد بتهون عن السفره ........
بالنسبه للاسواق في اندونيسيا وبالتحديد جاكرتا !! وبالتحديد الرخيصه
سوق منقا دوا القديم :
وهو عباره عن مجموعة مباني مربوطة مع بعض بجسر مبنيين على اليمين ومبنيين على اليسار يفصل بينهم الشارع العام وبينهم جسر يوصل بين المجمع بالكامل !! السوق رخيص بس لازم يكون عندك نفس المكاسره واعيد واقول المكاسره !! يعني الشنطه النسائية يمكن تلقينها من 95.000 الى 160.000 ربيه يعني (40 - 65 ريال ) لكن ممكن تاخذينها من 25.000 الى 40.000 على حسب شطارتك يعني (15 - 25 ريال) وانا شخصياً اخذت مجموعة شناط قبل المكاسره ب 500.000 ربيه (6 شنط نسائية) وبعد المكاسره اخذتها ب 150.000 ربيه يعني كانت ب 200 ريال وانا اخذتها ب 60 ريال ..
- سوق منقادوا الجديد اسمه (wtc) بالاندونيسي ينطق وي تي سيه منقا دوا !!
هذا سوق جديد وحلو جداً واسعاره جيده جداً ولا بد ايضاً من المكاسره !! وموقعه قريب من منقا دوا القديم !! لكن هذا في راس الشارع .....
- سوق كارفور شمباكا ماس !! لانه موجود في مجمع شمباكا ماس السكني !!
هذا السوق عباره عن 5 ادوار وهو سوق رخيص واسعاره قريبة من سعر ( سوق المنقا دوا ) وعموماً هذي الاسواق الرخيصه تعتمد اعتماد كلي على المكاسره ولا شي غيرها ......
- سوق اتريوم بلازا ( سنين) يقع في منطقة سنين .. مجاور لفندق اتريوم وشقق الالسون
هذا السوق لاهو رخيص ولاهو غالي !! يعني اسعاره نص ونص مناسبه وبرضه تنفع فيه المكاسره ..
الاسواق الغالية واسواق الماركات العالمية :- سوق اندونيسيا بلازا !! او مجمع اندونيسيا بلازا ويقع فيه سوق سوقو !!
- سوق تمان انقريك ( سوق صيني ضخم) !!
- سوق سنايان بلازا !!
- سوق بوندوك انداه !!
طبعاً هناك الكثير من الاسواق وياليت الاخوان يتحفونا بمشاركاتهم ومعلوماتهم المفيده عن هذي الاسواق ..... مع انها غالية مره لكن لا مانع من ان الواحد يزورها ويقضي فيها نصف نهار ..
بالنسبه لي امر هذي الاسواق اتمشى واضيع وقت !! واذا استحيت من كثر ما ادور في السوق طلعت فوق للكوفي شوب وطلبت لي انا والشباب كوفي وتجيك الفاتوره نار 235.000 ربيه 3 اشخاص ؟؟؟؟؟؟؟؟ سلملي على الكابتشينو اللي في اتريوم !! كلها 50.000 ويخب !!
في انتظار المشاركات والمعلومات المفيده !! من الاعضاء الكويسين
اصبر شوي وبتلقى واحد منزل موضوع وش احسن الأسواق لو سمحتم؟؟؟
بانتظار باقي الأسواق من الشباب الخبره