أخوي الأسعار ألحين أرحم من أسعار شهر 7 و8 وحسب معلوماتي لا يمكن أن تأخذ شقة من مكتب عقاري بالسعر اللي أنت طلبت بالذات في الوقت الحالي بس ألفين وخمس مية { يعني فرقت الخمسمائة}ممكن بالدوره الكايده تلاقي بس مو بالأمان السياحية ؟؟؟؟ اللي بالي بالك, لأكن أذا كنت تعرف احد من برا المكاتب ممكن يعطيك سعر أزين بس لازم تسجلة عقد بمكتب والأخوان ممكن يفدونك أكثر بالناس اللي بره , وأحرص قدر الأمكان انك تروح لمكتب من دون سواق تكسي عشان الكومسيون حقة يحسب عليك وأنت متدري يعني رح لحالك له , أما الفنادق المرجة مليانة فنادق رخيصة بس من القهر ولا نجمة يعني جزمة , أتمنا إني افتك وأنا مستعجل ممكن أرجع لك الليلة وأوضح لك آخر طرق النصب

هلا اخوي ايوب شاكر لك ردك يالغالي
وبالنسبه للأسعار انا اللي سمعت انها الى منتصف شهر 7 وبعدها تقل الاسعار لان الموسم ينتهي بنهاية شهر 7
او معلوماتي غلط
ممكن توضح لي اكثر عن الاحياء اللي فيها الاسعار مناسبه لي
لاني بكون لحالي بالشام وابي اقتصد بالاسعار لان الميزانيه على قدي
واذا فيه امكانيه تعطيني اسماء فنادق تكون اسعاره من الف الى الفين بس تكون بعيده عن فنادق المرجه لاني سمعت ان مافيها امان
وعندي استفسار عن سعر الصرف الوقت هذا كم يساوي الريال بالليره
مشكو يالغالي
وانتظرك وانتظر الاخوان
تحياتي

اخي العزيز افضل مكان تسكن فية ونضيف جدا وسعرة معقول من000 2الى2500 ليرة فندق الماجد بدمشق شارع 29 ايار مع تمنياتي لك بسفر سعيد وبالسلامة ان شاء الله

هلا ابو الفارس ...استفسار وطلب اذا ممكن...
كم نجمة فندق الماجد؟؟
واذا ممكن تعطينا تليفونهم...
ولك تحياتي

أخوي عزوز نجد مساء الخير والله بالنسبة لمعلوماتي المتواضعة أشوف أن شهر 8 آب يعني لأهب بحره وبأسعار وأنا رحت العام بذاك الشهر وإلى يومك أنا نادم على ذيك الروحة والله مالقينا أي شي نسكن فيه كله فل ,
وبالنسبة لأكثر الأحياء مناسبة أنا أقولك أبتعد قد الأمكان عن الأحياء السياحية وبالذات مساكن برزة عشان هناك كلها شباب سعودي وكويتي من حقين الكيف وهي أماكن مشبوهة نوعاًَ ما وأسعارها عالية وإذا كنت تبي مكان حلو وأسعاره قريبة من المساكن بس بعيد عليك بالمزة وأنا دايم أسكن هناك بس هج عن مزة جبل ,وأبتعد عن وسط المدينة والأماكن المزدحمة , ولو تدور لك على صديق يروح معك راح تستفيد كثير جداًَ من ناحية الميزانية راح يطيح عليك نص الفلوس عشان الشقق هناك تسكن لحالك أو معك خمس أشخاص نفس السعر والأكل حق واحد يكفي أثنين والتاكسي برضة وكل شي حتى السهر!!يعني القطة بركة ووفره , وبالنسبة للفنادق أنا نادراًَ ما أسكن بفندق وكد سكنت بفندق خمس نجوم معروف أسمه فندق الشام بباب صالحية منطقة كلها سينما ومسارح ومطاعم حلوة مثل مطعم أبو كمال ومطعم الكمال ومطاعم ثانية وسكنت فيه ب100 دولار يعني 5200 ليرة باليوم بس ممتاز بالنسبة لسوريا ذاك الفندق والفندق بمنطقة مزدحمة وفيها حركة والفنادق الثانية ما كد تعاملت معهم وأن شاء الله الشباب يفيدونك, وبالنسبة للصرف وما أدرك ما الصرف خلك ذيب وعد فلوسك مع الجهتين يعني عدهن من فوق وتحت عنده وقدامة وإذا لقيتهن ناقصات قلة تراك مغلط بأدب مايجون بالعين الحمراء وإذا أخذهن وعدهن وزودهن الناقصات عدهن من جديد أنت وما عليك منة تراهم حرمية من جد وماعليش أن طولت عليك بس خايف عليك منهم ودائماًَ خلك حريص أكثر من اللازم ,وسعر الصرف يختلف ولأتصرف من الصرافين الرسميين عشان سعرهم مو ذاك السعر وأصرف من سوق حميدية أزين شي بس هالسوق مليان نصابين يقولون لك نصرف لك ب15 معليك منهم هاذ وللي يبونك تشتري من محلهم ويصقعونك بذاك السعر بالأغراض ثم يصرفون لك على قولتهم ب15 وهم الكسبانين قلهم وأنت بالشارع أنا ما راح أشتري شي , وما راح أعطيك عمولة قلة أبي سعر صرف صافي ,وفيه محل تعاملت معه أكثر من مره وهو أقلهم نصب ومع ذالك لا تعطيه كل الآمان وهو محل مطرزات الهلال وعنوانه دمشق _حميدية_أروام_مقابل خزان الكهرباء_طابق أول_
تلفون 2245874 بالطبع كانك بتتصل عليهم من هنا تدق 00963112245874 أسمه هلال عبدالوهاب الرفاعي , وسعر الصرف الأيام ذي مابين 13.90 إلى 13.80 بهاالسوق وغيره أقل بشوي ,إذا كنت رايح عن طريق البر فيه صراف بالأردن{ تكرم }قبل الحدود السورية قبل نصيب بشوي أسمة الزغبي سعر حلو يفرق شوي عن الحميدية , وبالنسبة للبضائع بالأسواق وخاصة بسوق حميدية أذا قالك مثلاًَ ب5000 ليره كاسرة لين تأخذه ب 1000 ويمكن بأقل ,, وماعليش على كثر الكلام بس أنا ودي أقولك كل شي بس أنت تأمر أمر والسلام وودي لو الأخوان لهم ملاحضات يقولون لنا والسلام

1. لا ابو الفارس


2. فندق الماجد حلو بالنسبه للفنادق الثانيه

لا ابو الفارس

فندق الماجد حلو بالنسبه للفنادق الثانيه

وانا سكنت فيه قبل عامين كان بوقت عيدالفطر بالشتاء يعني بشهر 10 هجري وكان سعرهم الفين ليره للغرفه الواحد بس الغرفه مره ضيقه يعني متر ونص في مترين ونص ماتقدر تاخذ راحتك حتى الشنطه وملابسك ماتحصل لها مكان من ضيق الغرفه والحمام داخل الغرفه واذا تروشت يخش المويه داخل الغرفه من صغر الحمام الله يكرمك ويكرم الجميع
صحيح فيه عندهم غرف واسعه بس ماتصلح للشخص الواحد لانها كبيره وسعرها مايقل عن ثلاث الاف ليره ولأكثر من شخص
طبعا معلوماتي عن الفندق قبل سنتين وهي المره الوحيده اللي سافرت بها للشام
=======
هلا المحيط
الماجد فندق مناسب ونظيف مره من جميع النواحي حسب تجربتي الشخصيه فيه ويصلح للعوايل يعني امان وتحس انك بأحد فنادق الرياض وحتى المطعم فيه اكلات سعوديه مثل الكبسه وغيرها
وصاحب الفندق عندما سألت عنه اتضح انه سوري ويشتغل بجده ولها مشاريع بالسعودي والشام
ونظام فندقه نظام سعودي واحسن
=======
هلا ايوب
الف شكر على رجعتك للموضوع
وانا عندي خبره بسيطه عن الشام لاني سافرت لها قبل عامين بوقت الشتاء
وش رايك تخاويني بعد 15 يوم يعني بداية شهر 6 هجري
ترن اصلح لك
قل تم
وبالنسبه للسكن انا افضل العباسيين وركن الدين او فنادق الموجوده بالصالحين بس مدري كم اسعارها بهالوقت وخبرتي قليله بهالامور وانا رأس مالي كله 3000 ريال وودي اقتصد حتى يكفي المصروف على الاقل الى 10 ايام
يعني كم تتوقع يكون السعر بالاحياء اللي قلتها لك وماتعرف مكاتب او شقق ثقه يعني يكون نصبهم على خفيف لان النصب شر لابد منه مهما كنت حريص لابد ماينصبون عليك وانت تضحك ومستانس وماجبت لهم خبر
وبالنسبه للصرف لاتوصي حريص بس ودي اعرف كم يكون الصرف بهالايام هذي لاني قبل سنتين كنت اصرف من سوق الصالحيه ب 13,70 وانا مالي خبره كثيره وابي اتأكد عن كل شي قبل لأسافر والتوهق,,
والف شكر للرقم اللي اعطيتني اياه حق الصراف وانا راح اتصل عليه واشوف الاوضاع
ايوب وانت والاخوان اذا ماعليكم امر ابي ارقام شقق او فنادق يكون سعرها مناسب واحجز عندهم من السعوديه قبل اصل للشام لاني اعرف اذا ماحجزت راح اتوهق اذا وصلت الشام لاني ماراح احصل مكان من الزحمه
واللي فيه شده يخاوي للشام ماعندي مانع انا لحالي وعمري 24 سنه بس بشرط القطه بالنص ههه

ياخوان اعرف فندق الماجد سويت اذا هو المقصود فى السيده زينب نجمتين هاتفه من اليسار.6418250 لكن فنادق المرجه واللى حواليها مثل برج الاء وفندق بلال.ماظن فيها مشكله حتى الامان فيها جيد اما فندق الشام واميه فهى غاليه كثير .

1. Al Badr 2212120


2. Bilat Al Rashid 2216453

حبيبي قلبي عزوز نجد أنت طحتلك بواحد{ مشفوح} بماأنك نجدي راح تفهمها ؟؟ وانا قبلت الروحه وراح أروح معك لاوالله عمري مثل عمرك مواليد 1401<<<<<<<<<<<أبلش ههه باللزقة . وبنسبة لأرقام الشقق ماراح تفيدك كثير عشان هم مايعرفون شي غير وجهاًَ لوجة .وأرقام الفنادق أبشربها>>>أولاًَ فنادق خمس نجوم 5 Stars Hotels
Hotel Name Tel Fax Address
Cham Palace 2232300 - 2232320 2212398 Maysaloun Str.
Sheraton 2229300 - 2224200 2224200 Umayyad Sq.
Le Meridien 3738730 - 2229200 3738661 Kouatli Str.
Ebla Cham 2241900 - 2241901 5427275 Airport Road
واللي بعدة اربع نجوم
Hotel Name Tel
Carlton 2122000
Umayyad 2235500 - 2217700
Fardoss Tower 2232100 - 2232101
Plaza 2219227 - 2219226
Faradis 2219893 - 2246546
Tishreen 2123077 - 2125392
Al Jalaa' 6622147
Damascus Intl. 2311601 - 2312400
Semiramis 2213813 - 2233555
Omar Khayam 2312666 - 2312667
Al Nakhil 2316452
ثم فنادق ثلاث نجوم >>>>>>>>>>>>>>>>>>>>>>>>>>>>>>>>>>>>>>>>>>>>Hote l Name Tel
Assia 2314100
Al Ewan 2321476
Al Bustan 2243470 - 2243471
Al Tell 2315583 - 2315582
Al Salam 222695 - 2225996
Samarkand 2213869 - 2210956
Samir 2219502 - 2219503
Al Shark 2231351 - 2220502
Venicia 2311441 - 2316856
Carthage 2220045 - 2220325
Kattan 2215785 - 2239421
Al Kairawan 2313335 - 2313337
Calda 2314802 - 2314801
Kinda 2317942 - 2318852
Alaa' 2238191 -
واللي بعده النجمتين >>>>>>>>>>>>>>>>>>>>>>>>>>>>>>>>>>>>>>>>>>>>Hote l Name Tel
Apamea 2229152 - 2228963
Atlas 2249649
Silver Tower 2318134 - 2319518
Basman 2218003 - 2218004
New Damascus 2226844 - 2244678
Rami 2219971 - 2219972
Ramses I 2216702 - 2216703
Al Rawda 2233064 - 2217032
Sultan 2216910 - 2225768
Tourism 2224890 - 2214772
Granada 2219586 - 2219587
Emad 2225704 - 2225731
Kassioun 2217797 - 2218117
City Hotel 2210024 - 2219375
Ummayad 2214216
Barada 2212546 - 2241445
Al Hamra 2217742 - 2210717
Al Khansa' 2219180 - 2222009
Al Shmooa 2211318 - 2227551
Al Fursan 5421949 - 5421950
Suez Canal Hotel 2218445 - 2222101
Al Karnak 2216490 - 2216491
Al Numan 2218809 - 2235873
وبعده النجمة آه يانجمة راح درجة الثانية علية العوض ومنه العوض <<<<< عنيزاوي ههه>>>>>>>>>>>>>>>>>>>>>>>>>>>>>>>>>>>>>>1 Star Hotels
Hotel Name Tel
Al Akhdar 2215033 - 2211920
Ishbilia 2228896 - 2224021
Al Atlal 4429504

Al Badr 2212120

Bilat Al Rashid 2216453

ومعليش لو كانت بالأنجليزي وأذا كنت تبي كل الفنادق الثانية من أربع نجوم وتحت أحطهم مثل ماحطيت الفنادق أمهات خمس نجوم يعني أسم الفندق وموقعة بالضبط والتلفون والفاكس ماعندي مانع بس يبلهن شغل أكثر وانا مستعد بكل شي لك ولأي سعودي بلاش مو مثلهم لو قلت السلام عليكم قال هات مصاري هاالنصراني ههه ومع السلامة

عزوز نسيت أٌول أن رقم كود المنطقة 00963 ورقم مفتاح دمشق 11 يعني 0096311 بعدين أحد الأرقام أعلاه ودمتم