الله يشفي ابنك يا اخي وكل مريض
نفس السؤال يدور ببالي
لاني انا بعد آخذن صيدلية كاملة
وابحط لوحته فوق تندة الطيارة
اخوك سفرون الطريق السريع على مشارف محافظة الرياض

اخوى عين الذيب , انا اذا بغيت اسافر اضع الادوية فى شنطه صغيره مبطنة ولها سحاب و (ادعسها )بين الملابس بالشنطه الكبيره ومع العفش , ولا يضرها اى شى , وعن تجربة العام الماضى قبل سفرى لسريلانكا كان معى صداع وبنتى الصغيره تكح فاخذت معى علاجات كثيرة ,ولكن ما ان وصلنا لكولمبو وشمينا هواها الرطب حتى خف الصداع واختفى وكذلك بنتى ارتاح صدرها ولم افتح شنطة الادويةابد الابعد الرجوع للرياض ولله الحمد. وان شاء الله فالكم الصحة والعافية وما تشوفون شر بس لا تشربون الا موية صحة من الفندق او السوبر ماركت حتى تتجنبو الاسهال وخاصة الاطفال ,وانا سابقتكه يسهل علم بكره الى كيرلا والله يسهل علينا وعليكم .

اخوى العزيز سفرون , اشوف الرياض اليوم مسفره !!؟ والشمس طالعه !!! أثرى موكب سفرو ن آل شيبه واصل الى مشارف الرياض !!!!!!!! أسفرت وانورت انت وعائلتك الكريمة . حنا سفرتنا بكره ان شاء الله ولحد الان ما زهبت شنطة الاولاد الله يصلحهم ,يبون يتكشخون كانهم بيروحون لندن ولا باريس !! عينى عليكم بارده , ربى يسهل عليكم.

أخيتي تراميسو6
الله ينور دربتس ويسلمتس ويعافيتس ..منور بأهله
بس ولو عندكم شوب كتير

تراميسو6
على رايك تراميسو6 ابحطهن بشنطه وادعس ابوهن اللي جابهن بوسط العفش والله مايلقونهن ولا بكلاب بوليسيه
الله يسهل دربكم

يعني وش لون يالربع ..هن ممنوعات ؟
أنا أبحطهن بشنطة خاصة لحاله ..علمون تكفون

تحياتي .. انا وحده قديمه رحلتي العام في عطلة الحج .. اذا كان تغير شي بعدي ولا كان في شنطة اليد مسكن وعلاج اخر وشنطة الملابس فيها ايضا ولا احد قال شي ولا طلعوها ..

مونار
أنا قدرت أدخل على موقع الخطوط الهندية
وفيه معلومات عن الأمتعة baggage
بس ماقدرت أفهمه كله
إذا الإنجلش عندتس تمام ياليت تدخلين موقعهم
اعتقد ان هالأشياء هي الممنوعات
http://home.airindia.in/SBCMS/Webpages/International---Banned-Items.aspx?MID=27

صبحكم الله بالخير, ياجماعه لاتفهمونى غلط ,انا ما قصدت انى اخبى الادويه عن التفتيش !!ولكن وضعتها بين الملابس حتى ما تتكسر , بعدين الادويةما هى ممنوعة على الخطوط السعودية.