قرطابة
23-01-2022 - 12:18 am
ياهلا وغلا بالشباب والصبايا
ان شاء الله دوم مبسوطين ومسافرين لباريس , ديار المشاهير.الحين اخوكم توهق ومسكت معاه الا اسافر باريس واشوف وش اللي يجذب العالم فيها.
وبصراحة حددت هالتاريخ 19/1/2010 الى 28/1/2010 جدة باريس. وابشركم زبطت الحجز سعر التذكرة 1260 طبعا تسعة ايام مدة الاقامة.
الحين متورط بالسكن وبصراحة ودي اسكن قريب من الشانزليزية ولاحظت كثير من الاعضاء ينصحوا بكاليفورنيا, فياليت احد يعطيني سعر الفندق غرفة وحدة لشخصين واقامة تسعة ايام,وياليت في صور للفندق,اتمنى ان الميزانية تساعدنا على هالفندق .
وجت مهمتكم ومالي غنى عنها , فديتكم واحد واحد والله.
وللمعلومية انا ومعي خويي راسي براسه حطينا ميزانية 2000 ريال للشخصين اقامة بالسكن والاكل والشرب فقط غير التذاكر , يعني بصريح العبارة نبي نشيل معنا 20000ريال لتسعة ايام .
مدري وش تشورون علي وتنصحوني باللي يخليني ارجع للي سحركم واكيد بيسحرني , لان هالسفرية اكيد راح تكون استكشافية اكثر من الفلة.
وعلى فكرة مدري كيف اسعار المواصلات من مكان الى مكان هناك , وكيف المطاعم العربية المضمونة هناك.
بصراحة اول مرة اسافر باريس واخوكم من جد ميح فيها , فلازم توقفو معاي وتشورون علي بالشي الطيب.
انتظر ردكم اللي ان شاء الله يبيض بالوجه ومايبدد اللي خططت عليه ورسمت فيه احلا سفرية.
مع تمنياتي للجميع دوام الصحة والعافية والبال المرتاح والسفر دوما لباريس....اللهم امين
محبكم ابو نواف...
بالنسبة للمطاعم العربية حلوة كثير عندك الديوان وعندك العجمي ومطعم نورة ومطعم الشرق وهذي كلها في الشانز
بالنسبة للتماشي انا حاليا في باريس وانا بكتب الرد هذا
وبرجع يوم 11 من شهر يناير ان شاء الله
وذا رجعت لجدة ان شاء الله اعطيك التفاصيل كلها الي تحتاجها
وين السهرات الحلوة للشباب وين الاماكن الفلة المحترمة
كل التفاصيل الي تحتاجها انا اوفرها لك ان شاء الله
باخي بالنسبة للفندق جرب فنادق ثانية غير كاليفورنيا احسه غالي عليكم وعلى ميزانيتكم
جرب فندق اسمه شاتو حلوو وموقعه ممتاز جدا قريب من الشانز وسعره ارخص من كاليفورنيا ...
بالنسبة للمبلغ الي فهمته منك انك 2000 ريال في اليوم شامل كل شي لك ول خويك صح ...
لو كلامي صح لازم تغير الفندق لأن تكلفته غالية اما بالنسبة انت وخوييك يكفيكم للشخصين في اليوم 200 يورو تكفيكم ان شاء الله شاملة الاكل والشرب والتماشي طبعا من غير الشيشة والتذاكر ..
اما المواصلات ماعندك مشكلة المتروو بسيط تتعلم عليه فيه مواضيع للاعضاء تفيدك عن كيفية استخدام المتروو