حياك اختي .. والمعذرة لم انتبه لموضوعك السابق ..
بالنسبة لقمة شميتن هويه ( اللي مدري وينها فيه ) اعتقد ممكن تتنكسل .. لانكم بتروحون للكابرون ولقمة سيتي اكسبريس .. وبرضوا شلالات سيجموند تون ممكن تستغنون عنها لانكم بتروحون للكريمل .. وعلى كذا :
يوم تجلسون في زيلامسي .. وتروحون لقمة اكسبريس .. والقوارب الكهربائية .. والتمشية فيها ..
ويوم تروحون للزحليقة الصباح .. وبعد الظهر او الساعة 2 تروحون لقمة الكابرون ..
ويوم لشلالات الكريمل لانها بعيدة ساعة وشوي بالباص ..
اعتقد هذا افضل شي .. ولو انا مكانكم بسوي كذا ..
بالنسبة لكبار السن الله يخليهم لكم .. انا اشوف كثير كبار سن يروحون .. لكن المشكلة انو كبارهم غير كبارنا ؟؟ .. ولكن اعتقد ما في مشكلة اذا كانو سليمين من امراض القلب والربو لاسمح الله ..
بالتوفيق ،،

ماشاالله عليك من جد كفيت ووفيت
هذا الترتيب ولا بلاش :x1:
بس ليش كنسلت قمة شميتن هويه ما تستاهل مو حلوه ؟؟
بس سوال اخير لو سمحت لو فكرنا نستاجر سياره ل 7 اشخاص هل بسهوله نلاقى بزيلامسي ؟؟

قمة شميتن هويه اول شي مدري وينهي واول مرة اسمع عنها في هذا المنتدى .. وثانيا خلاص قمتين وتكفي لانو وقتكم ضيق ؟؟ ولا ..
بالنسبة للسيارة قصدك تستاجرون او تطلبونها بسائق يعني تاكسي ؟؟

على قولتك كفايه قمتين
اقصد سياره يسوقها اخوى .. عادى عمره 21 يسوق مافيه مشكله ؟؟
واذا فيه مشكله خلاص ناخذ سياره بسائق .. بسهوله راح نحصل ؟

حسب علمي وبرضوا من خبرة الاعضاء انو العمر المسموح به لايقل عن 25 سنه .. ولكن مو متأكد .. واذا تبين شوري السيارة بتحسوكم ولازم تعرفون المناطق وكل شوي واقفين ومضييعين الطريق وانتم كلها 3 ايام .. خذوا سيارة بسائق اريح لكم .. لكن الله العالم بالسعر .. ولاتنسون انكم خليجين يعني وجبة دسمه .. لكن يمدحون المكاسر وقوة العين .. وتقدرون تطلبونها من الفندق يوفر لكم باصات سياحة خاصة .. او يعطيكم ارقام سائقين .. والافضل انكم تروحون مكتب الانفرميشن وهو يعطيكم الخبر اليقين ..
بالتوفيق اختي ..

ربي لا يحرم هالمنتدى من بيمو
شكرا اخووى الله يسعدك ويوفقك ماقصرت رديت على استفساراتى كلها

الله يسعد ايامك اختي .. وهذا واجبي .. وكلنا اخوان