- 3. انترلاكن ---------------------) 3 ليال
السلام عليكم ورحمة الله وبركاته...
الاخ ابو عزيز والاخوان اللي يقدرون يساعدوني .....
انا قررت انا وزوجي نقضي شهر العسل في النمسا وسويسرا واللي رح يكون بشهر 7 هالسنه يمكن بيوم 10.
عندي بعض الاسئله بليز ساعدوني فيها .. انا وعدت خطيبي اني ادبر كل الرحله فبليز لاتفشلويني منه.. هو عمره ما سافر بس انا الحمد لله سبق ورحت مع الاهل وقلت له ان هالوجه رح تكون افضل مكان لشهر العسل..
س1/ هل هذا الشهر اللي هو جولاي(7) مناسب للسفر ام لا؟؟ انا سافرت السنه الماضيه مع الاهل في شهر 8 وكان قمة في الروعه ..
طبعا احنا مخططين للسفر على خطوط اتحاد الامارات ورح تكون الوجهه من الدمام -ابوظبي - ميونخ والعوده من جنيف - ابو ظبي - الدمام يعني احنا خلاص حددنا الخطوط وريحناكم منها .. وطبعا قلت لخطيبي انه لو نستاجر سياره افضل من القطارات لاني ابغى اخذ راحتي معاه تعرفون القطارات مره زحمه وقلق .. وانا اخاف من نظرات الغربيين لما يشوفوني بالعباة.. وش رايكم لو نستاجر سياره من ميونخ ونسلمها في جنيف. .
س2/ هل تنصحون بقيادة السياره في اوربا لاول مره واحنا في شهر العسل؟؟ وماذا عن اجمالي تكاليف السياره ذات النافيقيشن سيتسم؟؟ ابي اسعار معقوله .. بليز ابو عبدالعزيز ساعدني .. وهل تنصحون باستاجر السياره من المطار ولا من برا .. مع العلم انه عندي بطاقة عضوية اتحاد الامارات يعني بيعطون زوجي خصم ان شاء الله ..
طبعا انا مخططه مع خطيبي على مايلي : الوصول اللي ميونخ ثم التوجه في نفس الوقت الى زيل ام سي (3ليال) بعدها الي بريجنز (ليلة واحده) بعدها الى انترلاكن (3ليال) بعدها الى جنيف (ليلتين).
اذا ملخص الرحله
1. زيل ام سي ------------------) 3 ليال
2.بريجنز -----------------------) ليله واحده
3. انترلاكن ---------------------) 3 ليال
4. جنيف -----------------------) ليلتين----------المجموع -------------) 10 ليال
س3/ وش افضل الفنادق في كل مدينه ابي شيء بحدود الخمسميه ريال لحد الستمية ريال شامله الفطور بلليله الواحده ويكون قريب من وسط المدينه خصوصا بزل ام سي وانترلاكن ابيهم جنب البحيرات.؟ وهل السكن بمدينه ديفون الفرنسيه اوفر من جنيف؟؟ اذا كان اوفر بليز ساعدوني وش افضل الفندق؟؟
س4/ كم تتوقعون حجم الميزانية المطلوبه للفنادق والسياره والتماشي - التسوق خلوه على جنب اهم شيء نبي الاساسيات ؟
اخيرا والله مارح انسى لكم الفضل ورح ادعيلكم ما حييت اذا قدرتم تسعدوني
تحياتي لكم
بليز ساعدوني الله يخليكم الوقت تراه يمر