أم سلطان 606
17-06-2022 - 07:26 am
شحاالكم الغواالي وشخباركم...؟؟
بغيت منكم تساعدوني بحكم خبرتكم وسفراتكم لإيطاليا...
هذا مخططنا للأسبوع الثاني إن شاء الله.. الأسبوع الأول بيكون فباريس..
8/5
مطار روما والذهاب إلى فينيسيا
الإقامة في فينيسيا لمدة أسبوع..
أول 3 أيام نقضيها في فينيسيا.
اليوم 4 : رحلة إلى بحيرة غاردا
اليوم 5: : زيارة مدينة فلورانس
اليوم 6: زيارة مدينة فيرونا
( نروح الصبح ونرد آخر النهار,,,,)
اليوم 7: الذهاب لمطار ماركو بولو وثم ترانزيت فباريس وبعدها طيران إلى دبي...
أسئلتي..
شو أحسن وسيلة أروحلها من روما إلى فينيسيا وكم الوقت والتكلفة لو سمحتوا (طيران إقتصادي أو قطار)
وهل لازم حجز مسبق أو عادي أحجز فنفس اللحظة سواء قطار أو طيران وشو الأحسن (والأوفر)
وبالنسبة للمناطق الثانية إلي ذكرتها كيف أروح وأرد فنفس اليوم وكم بتكلف والوقت..
وجزاكم الله ألف خير,,,,,
اختي....تبين راي.....
اسكني بميلان احسن لك واوفر من السكن في فينيسا......
وغير كذا يومين حدها فينيسا......وبعدين تملين منها
وكل الاماكن اللي ذكرتها الافضل ميلان لانها بالمنتصف......
انا اشوف الطيران الاقتصادي حلو......بس المسافة بين روما وفينيسا يخليك تفضلين الطيارة اكثر من القطار
بالعكس من روما الى ميلان......القطار حلو كلها ثلاث ساعات بالكثير
بالنسبة للقطار تقدرين تحجزين بنفس الوقت والسعر واحد بالنت او دايركت من محطة القطارات
عكس الطيارة .....الافضل عن طريق النت عشان يكون الحجز اكيد