فراشة قطر
21-02-2022 - 07:39 pm
السلام عليكم
تحية لكم أيها العرب المسافرون
أنا ناوية هالسنة أروح فينيسيا و النمسا
رحلتنا بتكون 25 يوم
من قطر إلى فينيسا
ممكن تساعدوني في الرحلة
كم يوم أتم في فينيسا ؟ و شالمدن اللي ممكن ازورها
من المدن الايطالية مع فينيسا ؟
السكن يكون في فينيسيا ؟ و شنو افضل فندق ؟
المواصلات ؟
شلون الوجهة الى النمسا ؟ اي مدينة اقرب الى فينيسا للنمسا ؟
علماً بأني أريد زيارة سالزبورج و فينا و اذا في مدينة قريبة لفينيسا ؟
و ممكن اقتراح اماكن سياحية و أسواق و أماكن ترفيهية
و فنادق في كلى الدولتين
يعني بالمختصر .. تنسيق الرحلة لي
و شكراً
هلا بج اختي
فراشة قطر
اختي نبتدي اول شي بفينيسيا
توصلين لها من الدوحة الله يسلمج عن طريق مطار ميلان
يعني تحجزين - ميلان - دوحة
ومن مطار ميلان لفينسيا حدود ال 3 ساعات بالسيارة
توصلين لفينسيا
والاقامه فيها على حسب يعني لكن
الغالب عليها تقدرين تقولين 4 ليالي زوينه
اول يوم استكشاف المدينة وساحة سان ماركو اللي هي قلب المدينة اللي فيها المقاهي وخلافه
ثاني يوم تركبين الجندول اللي هو عباره عن قوارب صغيره للتجول في ممرات فينسيا الجميله
ثالث يوم تروحين بالقارب إلى جزيرة مورانو او بورانو ناسي الاسم بالضبط لكنها جزيرة محاذية لفينيسيا
وحلوة ومشهورة بال ثريات والكرستالات المشهورة جدا ً .
رابع يوم : تروحين الله يسلمج على مسافة ساعه ونص بالسياره او القطار
إلى مدينة - فيرونا - مدينة روميو وجوليت
وعشان تعرفين عنهم اكثر راجعي الاخوان في ساحة النمسا لمعرفتهم الكبيرة . .
لكن اكيد تبين الاماكن المعروفة - زيلامسي - سالزبورج - فيينا
فأقرب وحده منهم لج هي زيلامسي وتبعد حول ال 450 كيلو يعني قولي 5 ساعات بالسيارة
وتقيمين فيها نقول 5 ليالي - ما عليج اللي يقولون ما تستاهل والله تستاهل ونص-
1- اليوم الاول : استكشاف المدينة والبحيرة والتمشي
2- اليوم الثاني : زيارة المعالم السياحية فيها - راجعي قسم النمسا فيها معلومات كثيره جدا -
3- اليوم الثالث : تكملة المعالم السياحية
4- اليوم الرابع : توزرين المدن القريبة منها مثل : Innsbruck + Pertisau
راجعي هالرابط لمعرفتهم اكثر : https://artravelers.com/p/re/124741
المسافه بينهم حول : ساعتين بالسياره
او خيار اخر تزورين مدن اقرب
منها راجعي الرابط الاتي :
https://artravelers.com/p/re/121015
وبعد ما تشبعون خالص مالص من جنة الله في ارضه زيلامسي حبيبة قلبي
تنتقلون إلى سالزبورج
المسافه ساعه فقط بالسياره
الاقامه خل نقول : 4 ليالي زينة او 5 على حسب الرغبة
لعدة عوامل :
1- تخلصون من كل الاماكن في سالزبورج
اهم الاماكن السياحية في سالزبورج : https://artravelers.com/p/re/7560
2- ميونخ الالمانية قريبة منكم جدا يعني مشوار ساعه ونص انتي في ميونخ
طبعا بما انج بنت فاكيد تبون اسواق ههه
اهم منطقتين لج في ميونخ : مارين بلاتز - اشهر ساحة - و شارع الماكسميليان - شارع الماركات -
ولما تخلصين الله يسلمج من سالزبورج ما بقى عندج
الا فيينا
تروحون لها مشوار 3 ساعات وتقيمون فيها 6 ليالي زينة
واشهر شارع فيها شارع المشاة يسمى - ال كيتنر -
واهم الفنادق فيها للعوايل الخليجيه :
الماريوت - الانتركوتنتال - هيلتون الدانوب - >> بعيد شوي لكن صاد ويصلح للعوايل
عاد الاماكن السياحية في فيينا بوه
حدث ولا حرج
بتعب وانا اقولج
راجعي اختي مواضيع ساحة النمسا واقري وتمتعيملاحظات :
1- لم اذكر الفنادق في فينيسيا ولا سالزبورج ولا زيلامسي
لعدم معرفتي بطلبج هل تبين فندق 3 نجوم او 4 نجوم او 5 نجوم
واذا كانت الميزانية عندج تمام انصحج بال 5 نجوم . .
2- وسائل النقل لم اذكرها لعدم خبرتي في مجال القطارات الاخوان هنا اكثر خبرة مني
ولكن اعتمد على السياره ،، كان بيروح وياكم الوالد او اخوكم يأجرون لهم سياةرة احلى واحسن لكم وامتع
واهم مواصفات السياره تكون :
ديزل + فيها جهاز نفقيشن اللي يدليج الاماكن
اعتقد اذا عددكم فوق ال 5 تصلح لكم سيارة فان مرسيدس اسمها vino ان ماخانتني الذاكره
وبالتوفيق اختي
واي استفسار احنا حاضرين