سلطان المجمعة
12-10-2022 - 02:16 pm
السلام عليكم ورحمة الله وبركاتة
نظرا لكثرة الاستفسارات وتكرارها عن الفنادق والشقق المفروشة والشاليهات والاستراحات ورغبة الكثير من أعضاء هذه البوابة في وضع موضوع مستقل يتجدد كل شهر توضع فيه جميع الاستفسارات الخاصة بالفنادق والشقق المفروشة والشاليهات والاستراحات حتى يسهل على الاعضاء متابعته وتلقي الجواب من جميع أعضاء بوابة الشرقية الذين هم عمادها, وحفاظا على بروز التقارير وعدم انتقالها للصفحات التالية لكثرة الاستفسارات لكي تأخذ حقها من التفاعل والاستفادة من تجارب الاخرين .
نتمنى منكم وضع استفساركم هنا من أجل خدمتكم وتنظيم بوابة الشرقية .
وتقبلوا وافر تحياتي
بإذن الله ناوين نعيد بالمنطقه الشرقيه بما إن الإجازه حلوه 10 ايام بإذن الله فودنا نغير المكان والجو؟!
فيا إخواني وأخواتي وين تنصحوني؟
أول شي خل أقولكم عن طلباتي وعقب أفيدوني وزيدوني بخبراتكم ومعلوماتكم ونصائحكم!!
أولا لأن العيد زحمه فلا أنا ولا سي السيد نحب نزاحم الناس وإزعاج واللي يصير بالعيد !! المهم إحنا بنطلع من زحمة العيد بدولتنا الحبيبه الكويت لأن بالعيد ما نطلع مكان بس زيارات وبس فالأطفال هم اللي يدفعون الثمن
فالحين فهمناهم إن بنعيد بره طبعا بعد ما اتخذوا قرار بالعيد بره الكويت ونحترم قرارهم، قلت لهم بدور لكم مكان هاادي و
ومساكين وافقوا عالشروط!!!
المهم طولت عليكم
فكرت بالجبيل قالوا إنها منطقه هاديه وجديده فيها بحر وحدايق ومجمع جديد صغير وما عندنا مشكله أكيد بالعيد بناخذ اليهال للملاهي اللي بالخبر والدمام لقرب المسافه طبعا،فوين تنصحوني ؟إذا بأجر شقه أبيها بسعر مناسب جدا،،،قلنا للعيال موشرط كل يوم ألعاب!! ممكن نطلع نتمشى بالسياره كل يوم نشوف مكان حلو ننزل نقعد فيه!! ولا شرايكم؟؟؟ إحنا بإذن الله بنحرك يوم الأحد بعد يومين إن الله أراد وتيسرت أمورنا.
أتمنى إنكم فهمتوني وتفيدوني افادكم الله وجزاكم الله خيرا