1. وأعتذر لأن ردي طال كثير .. ولكن أرجو المعذرة ..


2. المهم جهزت نفسي للسفر نفسياً وبدنياً والحمدلله ..


3. استمرينا في المشي ووصلنا الحديقة ..


4. اليوم الثالث


5. وبكذا ودعنا روما الساحرة ..


6. اليوم الرابع


7. ولقينا ناس متجمعين ومتعاطفين وتضامناً مع الشعب اللبناني الشقيق ..


8. اتعشينا من هالمعلبات ونمنا ..عدنا لكم من جديد وعذراً على التأخير ...


9. اليوم الخامس


10. أعتذر أخواني كثيراً لتأخري بالرد .. ولكن عذر البليد .. مسح السبورة


11. اليوم السادس


12. صحيح انها رحله طويله لكنها روعه وما حسينا فيها ..


13. 2- كثرة العائلات الخليجية فيها ( ؟ ) .


14. 3- موقع فندق لاتيني الهاديء والخدمات المميزة فيه .


15. المهم وصلنا إلى الفندق ونمنا والحمد لله -

أخواني وأخواتي ..
السلام عليكم ورحمة الله وبركاته ..

وأعتذر لأن ردي طال كثير .. ولكن أرجو المعذرة ..

المهم .. راح أبدأ كلامي بالبداية المرة .. والتي بدأت بمرحلة اختيار البلد المناسب والمكان المناسب والوقت المناسب والرفقه المناسبه ..
بدأت أختار بعض المدن في ايطاليا والنمسا وكانت ( روما - وميلانو - وفينيسيا - وسي لامسي - وفيينا ) .. المهم رحت لشركة ( .... ) السياحية واستقبلني موظف كان له دور كبير في تسهيل مهمتي وبذل معاي جهد كبير بسبب عدم وجود غرف فاضية بالفنادق اللي بالمواقع اللي ابغاها ولكن الحمد لله تمت بفضل الله وكان فيه مشكله بفندق قراند حياة اللي بسيلامسي لعدم وجود أماكن شاغرة ولكن اضطريت أحجز بفندق اسمه لاتيني بسيلامسي ولكن اكتشفت انه افضل فنادق سيلامسي لأسباب راح اقولها بالتفصيل لما اوصل سيلامسي ..
عملت بالمكتب التأمين الصحي والفوتشرات والتذاكر وما بقي إلا اعمل التأشيرة من السفارة الإيطالية بجدة .. ورحت أول يوم ولقيتهم مقفلين وقالو لازم تيجي من الساعه 10 حتى 12 صباحا وتسلم الجواز .. جيتهم اليوم اللي بعده ولقيت طابور طويل عريض وقلت ياسلام راح تيجي الساعه 12 ولسه ماجاء دوري المهم وصل دوري وقابلني موظف الاستقبال وكانت جنسيته ايطالي واستقبلني بطريقه سيئة :112: .. استغربت اسلوبه وقلت اله يستر لا يكون الايطاليين كلهم كذا فوت وعديت الموضوع غصب عني وطلب مني الحضور لاستلام الجواز بعد 10 أيام ..
جيته بعد 11 يوم عشان لا يعمل علي أفلام .. المهم استلمت الجواز وبعدها نظمت أموري ورتبت أغراض سفري ..
استفدت من بعض ملاحظات ونصائح أخواني في هذا الموقع من ملاحظات كثيرة .. منها : عدم حمل شنط كثيرة وكمان انتبهو من بعض انواع الشنط المتعبة مثل الشنط الكبيرة العريضة المستطيلة وذلك لصعوبة حملها والتنقل بها والأفضل استخدام الشنط الطولية اللي سهلة السير بها .. المهم رتبت كل شي وغيرت 5000 ريال باليورو ..
إذاً .. أهم الأمور خلاص عملتها 1- التذاكر 2- الفوتشرات (حجوزات الفنادق) 3- التأشيرة الاوربية (التشنقن) 4- أغراضي وملابسي 5- كاميرات الفيديو والتصوير 6- والبطاقات البنكية ومن ظمنها الفيزا 7- الفلوس كاش وأخذت معاي 1000 يورو تقريباً .
الأيام الأخيرة قبل سفري .. كنت منهمك في أخذ وتسجيل معلومات من بعض الأصدقاء اللي سافرو الى ايطاليا والنمسا .. وأكثر شي استفدت منه هو موقع المسافرون العرب ( جزا الله القائمون عليها بالخير ) .. بعض أصدقائي خوفوني كمان من أخلاق الايطاليين السيئة حسب كلامهم ..

المهم جهزت نفسي للسفر نفسياً وبدنياً والحمدلله ..

طلعنا المطار .. وكانت رحلتنا الساعة 4 فجراً .... ملاحظه ( اتذكرت شي .. قبل كذا قالو لي في المكتب السياحي ان حجزنا اتلغى لوجود ضغط على الرحلة :112: .. وبعد مضاربات واصراري على حقي وحجزي اللي تم بالفعل من زمان .. اكتشفت لما طلعت الطائرة بأن الرحلة فاضية والناس ينعدون على الاصابع )
هذا أهم شي اذكره الان .. وراح اكتب لكم تفاصيل الرحلة ان شاء الله .. انتظروناسأشتاق إليكي يا روما
وصلنا مطار روما والحمد لله على متن الخطوط السعودية ( المحببة إلي شخصياً ) ونزلنا من الطائرة وصعدنا إلى باص ولاحظت سيارة شرطة صغيرة تراقب صعودنا ونزولنا من الباص إلى صالة المطار - استغربت هذا التصرف .. ما أعرف هل هو احتياطات أمنية أو هو تخلف في التقدم الحضاري - يعني باختصار لايوجد تقدم شد انتباهي في مطار روما وذكرني بمطاراتنا أيام زمان . ..
المهم وقفنا في طابور الجوازات وكان الممر ضيق جداً .. وختمنا الجوازات واستلمنا الشنط .. وقابلنا سائق تاكسي ايطالي هو أول واحد قابلني .. واخترته لاني وجدته مرتب في كلامه وهندامه وكمان عشان سيارته كانت مرسيدس بنز فان 2006 ولازم من بايتها نكشخ وقلت هي خربانه .. خربانه وطلب مننا من البداية 70 يورو وانطلقنا إلى الفندق ووصلنا الفندق ( فندق كابرس ) 3 نجوم .. يقع جوار ( ميدان سباينا ) ولما وصلنا الفندق وكان معانا العفش .. كانت الساعه 10 صباحاً .. دخلنا الفندق وسألنا عن حجزنا عندهم ولقي الحجز ولكن اتفاجأنا بأن الدخول راح يكون الساعه 2 الظهر
المهم .. طلبنا منه ياخذ الشنط والحمدلله وافق .. واحنا ماصدقنا واخذنا من الفندق خريطة روما وكانت باللغة الانجليزية .. وياسلام شرح لنا موظف الاستقبال المواقع المهمة وكانت ميدان سباينا هي الأهم ..انطلقنا إلى ساحة سباينا الشهيره في وسط روما مشياً على الأقدام لقربها من الفندق .. والله وناسه .. والدنيا حلوه عندهم .. والحمد لله الطريق مايتوه .. انبسطنا في درج سباينا الشهير .. ودخلنا المحلات .. والزقازيق .. ومحلاتهم روعه وحلوه وشيك .. وكلها ماركات .. والناس فيها يرحبون فيك في كل مكان .. ويستقبلونك في المحلات بوجه بشووش ويخدمونك ( عكس ماكنت متصور ) .. جلسنا نتسوق حتى الساعه الواحدة ظهراً تقريباً .. ورجعنا للفندق عشان نستلم الغرفة ونرتاح
خرجنا الساعة الخامسة ونزلنا إلى شوارع روما الخيالية وأخذنا طريق ثاني إلى ساحة سباينا .. ياسلام .. شفنا محلات جديدة وروعه .. والناس في كل مكان .. ومن محل ل محل وحنا مانشوف إلا الأشياء الروعة .. وكل محل أحلى من الثاني .. بس إختار وش تبي .. وبصراحة روما مدينة التسوق درج أولى - واحنا فرحانيين بشارع التحلية - واحنا على هذاالحال لحد ما وصلنا ساحة سباينا .. دخلنا مقهى tae room .. أكلنا تشيزكيك روعه لايفوتكم وبعد كذا كملنا تسوق وياخساره المحلات قفلت قبل غروب الشمس وكانت الساعه 9 مساءاً .. جلسنا على الدرج الشهير .. نتفرج في الناس .. العرب والأجانب .. ولاحظت إن العرب قليل جداً ..طبعاً .. الفطور كان على الفندق - والغداء برى - والعشاء أخذنا إحتياطاتنا - مجموعة من المعلبات سهلة الفتح ..
طلعنا من ميدان سباينا راجعين للفندق نبغى نلحق البقالات عشان نشتري خبز للمعلبات .. وفي طريقنا مرينا على رسامين في أعلى الدرج - ونسينا موضوع الخبز .. وانشغلنا مع الرسامين ولما رجعنا على الفندق لاحظنا ان كل المحلات مقفلة ومافيه الا المطاعم .. المهم نزلت أدور على خبز .. ومافيه مطعم أو مقهى إلا مريته .. كلهم رفضوا يبيعون لي خبز .. وفي النهاية رأف بي واحد واعطاني خبز ببلاش .. حاولت أعطيه فلوس ولكنه رفض ..
روما كانت حلوه في الليل .. اتعشينا ونمنا ..
اليوم الثاني
صحينا الصباح الساعة 9 ويادوب لحقنا الفطور في بوفيه الفندق لأنه ينتهي الساعة 10 ..
وتعال شوف الواحد خايف ياكل شي ماهو زين .. ودي أرجع الغرفة وآكل من المعلبات الزينة
بعد الفطور سألنا الريسبشن كيف نحجز على القطار المتجه إلى ميلانو .. والحمد لله حجزنا من مكتب سياحي قريب من الفندق .. يعني لا طابور تذاكر ولا شي .. وبعدها كملنا الطريق الى الميادين السياحية .. إبتدأناها بميدان تريفي الشهيرة ( نافورة عادل إمام ) .. بعد ما اتفرجنا .. لعبنا بالموية ورمينا زي الناس مايرمو قروش في النافورة ويتمنون .. واحنا ما اتمنينا غير السلام .. اتصورنا وشفنا واحد جايب معاه كأس العالم ويبغى الناس تتصور - طبعاً بفلوس - والناس زحمة عليه .. لقينا واحد عامل نفسه صنم وعلى شكل تمثال الحرية ..
دخلنا جنبهم محل بينيتون .. واشترينا منه وكانت بضايعهم روعه وكنا نصور بالفيديو .. وجات وحدة ومنعتنا من التصوير .. يمكن انها خايفة ان نسرق موديلاتهم - المهم خرجنا من المحل واتجهنا إلى ميدان نافونا الشهير بالرسامين .. ومن شارع ل شارع اتفاجأنا بتجمهر مجموعة من الناس ولما قربت منهم - زي ماتعرفون احنا نحب اللقافة ههه - اكتشفت انهم ممثلين وقاعدين يصورو فيلم سينيمائي .. امبسطت من طريقة عرض المشاهد وأدائها .. المهم استمرينا في المشي حتى وصلنا الى ميدان نافونا .. أخذنا لفه .. واتغدينا في مطعم بيتزا .. ثم اتجهنا إلى حديقة بورقيزي ( ثاني أكبر حديقة في روما ) .. أخذنا تاكسي ب 10 يورو .. في نص الطريق طلبنا منه ينزلنا وكملنا الطريق مشي .. وطلب منا 6 يورو .. مشينا في هالشوارع الحلوة والهادئة حتى وصلنا ميدان أبوللو ..

استمرينا في المشي ووصلنا الحديقة ..

دخلنا الحديقة .. وكل ما مشينا كبرت أكثر .. حتى وصلنا إلى البحيرة الصناعية .. والناس راكبين قوارب والجو مره روعه .. اتمددنا على الكراسي ونمنا شوي .. والغريب إن أشجار الحديقة مرقمة .. وبعد كذا خرجنا من الحديقة راجعين للفندق .. والحمدلله الطريق مايتوه - الخريطة معانا والشوارع مكتوبة أساميها - إكتشفنا إن الحديقة في شوارع خلف الفندق كملنا المشوار ونزلنا الى ساحة سباينا .. جلسنا فيها حتى الليل ورجعنا للفندق ..
وفي الطريق مرينا على بقالة واشترينا خبز عشان حبيبة القلب المعلبات
اتعشينا ورتبنا الشنط استعداداً للسفر إلى ميلانو ان شاءالله ..ميلانو الأنيقة

اليوم الثالث

صحينا الصباح ونزلنا نفطر .. وقبل الفطور طلبنا تاكسي .. المهم فطرنا والحمدلله وانطلقنا إلى محطة القطار .. وكانت الساعة تقريباً 9 صباحاً .. انتظرنا في المحطة حتى أعلنو عن الرحلة وكانت المحطة رقم 4 .. ركبنا القطار ووجدنا مكاننا في غرفة خاصة ( درجة أولى )

وبكذا ودعنا روما الساحرة ..

توقف القطار بعد ساعة ونصف في محطة فلورنس الفاتنة .. ثم أكملنا الطريق .. وتوقف في محطة أخرى .. ثم انطلقنا إلى ميلانو ( عاصمة التسوق والموضة ) ..
وصلنا ميلانو ونزلنا وسألنا عن الفندق واكتشفنا ان الفندق بجانب محطة القطار .. وصلنا الفندق واعطيناهم الفوتشر .. وكان الفندق اسمه ( سان ماركو ) .. اعطونا غرفة في الدور الأول .. واكتشفنا إن التكييف عطلان .. حاولنا تغيير الغرفة ولكنهم رفضو بحجة ان العطل في كل الفندق .. المهم بلعنا الموضوع واستسلمنا بالأمر الواقع .. حطينا الشنط وانطلقنا إلى ميدان الدومو الشهير .. اللي فيها الرواق الأرقى في العالم .. واله على هذا الرواق .. شي خرافي .. كأنك في دنيا ثانية ..
بعد ما اتسوقنا رجعنا للفندق .. عن طريق شارع بونيس آيرس .. وكانت الدنيا ليل .. اتعشينا ونمنا ليوم جديد ..

اليوم الرابع

صحينا الصباح والحمد لله .. وكالعادة نزلنا نفطر ثم خرجنا إلى التسوق في شارع ( بربارا ) شارع الماركات المقلدة .. ولكن وللأسف وجدنا المحلات مغلقة - اكتشفنا إن يوم الأحد إجازة - .. ذهبنا إلى الدومو ودخلنا كنيسة الدومو - وياربي لك الحمد - وجلسنا في ساحة الدومو

ولقينا ناس متجمعين ومتعاطفين وتضامناً مع الشعب اللبناني الشقيق ..

إخترنا أحد المطاعم المتناثرة بالدومو وطلبنا الباستا الايطالية والبيتزا واثنين سبرايت .. والسبرايت كان ب 4.5 يورو .. المهم اتغدينا ورجعنا للفندق ومرينا في الطريق إلى محطة القطار واشترينا تذاكر السفر بالقطار إلى فينيسيا .. وصلنا الفندق .. وجهزنا الشنط عشان السفر غداً الى فينيسيا ..

اتعشينا من هالمعلبات ونمنا ..عدنا لكم من جديد وعذراً على التأخير ...

اليوم الخامس

خرجنا في الصباح الباكر من الفندق ( فندق سان كارلو ) متوجهين إلى محطة القطار - ركبنا القطار وكان الحجز عادي يعني مو درجة أولى وكانت مقاعدنا وسط الزحمة وجالسين معانا مجموعة بنات ايطاليات .. وحدة منهم مو عاجبها اننا جنبها ( والعكس صحيح ) وجابت لنا القلق طوال الرحلة ساعتين متواصلة ما سكتت :112: المهم .. توقف القطار أول ترانزيت في محطة برتشي وبعدها انطلقنا وتوقف في محطة فيرونا ثم محطة فيسينزا .. ثم محطة بادوفا وأخيراً محطة فيمستري .. ووصلنا بحمد الله إلى المدينة العائمة ( البندقية ) وياسلام من أول ما نزلنا الجو روعة والبحر أروع .. قبل ما نخرج من المحطة قلنا الأفضل نأخذ تذاكر الغد إلى زيلامسي عشان نأخذ راحتنا في فينيسيا .. ونزيح هم شراء التذاكر في اليوم التالي .. وبعد ما وقفنا في طابور طويل جداً ووصلنا إلى شباك التذاكر قالو لنا روحو القسم الثاني جيبو معلومات عن خط سير الرحلة إلى زيلامسي بالنمسا ووقفنا بطابور جديد عشان ناخذ معلومات عن سير الرحلة وبالفعل والحمدلله أخذناها وكان خط السير : ( فينيسيا ---> فيرونا -----> ورجيل -----> سيلامسي ) ..
المهم رجعنا الطابور القديم ووقفنا من جديد المهم رحنا كلمنا واحد في شباك جانبي وساعدنا واعطانا التذاكر والحمد لله .. وخرجنا من المحطة .. ركبنا الباص المائي ب 2 يورو .. وأوصلنا إلى محطة .. واستفسرنا عن الفندق .. وأخذونا بباص مائي ثاني ورجعونا إلى المحطة الأولى طاش ما طاش المهم عرفنا كيف نوصل للفندق .. نزلنا ومشينا عبر الجسور حتى وصلنا الفندق وماصدقنا بوصولنا من ثقل الشنط لأن بعض الأماكن والممرات على شكل درج بس بصراحة الجو يجنن ونسانا التعب .. المهم دخلنا الفندق وأخترنا أحلى غرفة .. كانت على واجهتين ومن الشباك شفنا الناس رايحة وجاية والجو روعة ياسلام .. والحمد لله ..
نزلنا إلى الاستقبال وأخذنا خريطة لفينيسيا .. وسألناه عن الأماكن السياحية المهمة فأشار على الخريطة مباشرةً على بعض الأماكن اللي راح أقولها لكم من خلال الرحلة .. المهم طلب لنا تاكسي مائي ب 5 يورو فقط يمكن تقولو رخيص بس السبب لأنها تابع لخدمات الفندق .. وكانت أول محطة تم اختيارها هي مصنع الزجاج .. انطلقنا واستمتعنا نتفرج يمين ويسار بالتاكسي المائي وألله على البحر وعالمناظر الرهييبة المهم مشينا حتى وصلنا مصنع الزجاج .. وكان هو موجود في مكان عبارة عن جزيرة بداخلها المصنع ( جزيرة بيرونا ) .. المهم دخلنا وشفنا كيف يبدأو يعملو الزجاج من الرمل والنار والفرن كبير .. وبعدها دخلنا قسم قسم نتفرج بواسطة مشرف استقبال .. والاشياء فيها خيالية والأشكال تهبل بس المشرف ماخلانا نتصور فيها .. وكانت كل الاصناف المصنوعة والمعروضه كان عليها سعر لها .. وقلنا شكلنا راح نتورط في دفع مبالغ خيالية عشان اهتمام مشرف الاستقبال لنا .. بس الحمد لله طلع الشرح ببلاش وبعد ساعة من اللفة خرجنا في باص .. ومتوجهين إلى ميدان سان ماركو الشهير وهو أهم ميدان في فينيسيا .. وتمشينا في ميدان ملتقى طيور العالم .. دخلنا قصر الدوق .. المهم اتغدينا في مطعم جانبي وخرجنا ونسيت القبعة في المطعم المهم اتمشينا في زقايق الميدان .. صراحة شي خرافي .. واشترينا بعض الشغلات .. ومن ميدان سان ماركو رحنا إلى جسر ( ريالتو ) الشهير وكان بالفعل خيالي وروعه .. والعالم مهيصه وونسه ...
دخلنا محلات جنب جسر ريالتو اعجبتني وكانت متميزة بالكريستال والمصنوعات الزجاجية والاكسسوارات .. جلسنا عند جسر ريالتو نتفرج على الناس وكان الجو حالم ورومانسي .. تخليك رومانسي طبيعي .. وأعجبني قارب الجندول .. وكان نفسي أطلع فيه دورة ههه .. بس غالي ولقيناه ب 100 يورو تقريباً ولما بدأت الشمس في المغيب تقريباً 9 مساءاً بتوقيتهم رجعنا بالباص المائي ب 5 يورو إلى المحطة اللي جنب الفندق .. نزلنا وبرضو اتسوقنا في المحلات اللي جنب الفندق .. ورجعنا الفندق وريحنا شوي ونزلنا مره ثانيه بالليل نتمشى في شوارع فينيسيا وكانت فينيسيا بالليل أكثر رومانسية .. ولقينا الناس سهرانه ومهيصه والجو منعش والهواء روعه مره خيالي والحمد لله .. وبعد كم لفه رجعنا إلى الفندق اتعشينا معلباتنا المعتادة ورتبنا الشنط استعداداً للسفر في الغد إلى زيلامسي الحالمة .. انتظروناراح أعمل لكم جدول إن شاءالله يبين فيه أسعار كل شي بعد انتهاء الشرح التفصيلي للرحلةالبداية الحقيقية للرحلة الخيالية

أعتذر أخواني كثيراً لتأخري بالرد .. ولكن عذر البليد .. مسح السبورة

اليوم السادس

صحينا الصباح .. والجو كان روعه .. المهم نزلنا للفطور .. فطرنا وطلعنا نرتب الشنط .. وطلبنا يجون يشيلون الشنط .. وكان الوقت أتأخر علينا .. ويادوب أخذنا تاكسي خاص عشان نلحق القطار المتجه إلى سي لامسي .. المهم وكنا نجري ونشيل بالشناط وكويس لحقناه في اللحظات الأخيرة والحمد لله .. حتى ان بعض أبواب القطار قفلت .. ويدوب دخلنا ولسه ما جلسنا والقطار بدأ في التحرك .
جلسنا وكانت طريق الرحلة مختلفه عن المألوف .. كانت ( فينيسيا - فيمستري - بادوفا - فيسينزا - فيرونا - فوريتزا - برينرو - يونباخ - ويرجل - سي لامسي ) طويله صح

صحيح انها رحله طويله لكنها روعه وما حسينا فيها ..

لما انطلقنا من فينيسيا مرينا ب فيمستري وبادوفا وكان فيا استاد رياضي وبعدها فيسينزا وبصراحه طوال الطريق المزارع روعه والجو يجنن والطبيعه فيها خيالية ووصلنا الى ( فيرونا ) وكانت محطة رئيسية لأننا كنا راح نغير القطار في هذي المحطة
طبعاً بحثنا عن القطار المتجه إلى ( ويرجل ) وأخذنا وقت عشان نلقاه وفي الأخير لقيناه ولما جلسنا في القطار اتذكرنا اننا ما ختمنا التذاكر في الصندوق الأصفر لأن عندهم التذاكر لازم تختمها من كثر ما تتزور ..وهذي صورة للصندو الأصفر للعلم ..تحرك القطار ومررنا بريفيرتو -ثم بولزانو - ثم إلى انسبورغ - وفي الطريق دخلنا نفق جبلي مظلم وعند خروجنا منه انفرجت لنا طبيعة الخالق سبحانه وتعالى - الله معطيهم خير وجنة ومزارع العنب على طول الطريق - طبعاً اظن لمشروباتهم - ثم وقفنا في محطة فوريتزا - ثم برينرو - ثم دخلنا النمسا وتوقفنا على الحدود الايطالية النمساوية في محطة اسمها jenbach يونباخ - ثم انطلقنا إلى - ويرجل - وكانت محطة رئيسية في تذكرة القطار ، انتظرنا في هذه المحطة قرابة الساعة ثم ركبنا قطار ثاني منطلق إلى زي لامسي - الملاحظ في هذه الرحلة انه على طول الطريق طبيعة خيالية لا تمل عينك النظر إليها - من الريف الايطالي الشمالي إلى النمسا - واللي شفته بعيني أحلى من اللي سمعت عنه وقرأته وتصفحته في مواقع الانتر نت - كانت المسافة بين ويرجل وسي لامسي قرابة فقط ربع الساعة فقط
وصلنا سيلامسي .. الله على المناظر الخلابة والطبيعة الساحرة .
توقف القطار في سنتر المدينة أمام فندقي قراند هوتيل و سي هوتيل - سألنا عن الفندق اللي حجزنا فيه
( لاتيني ) وكان يبعد 3 كيلو عن المحطة ..
ملاحظة :
احنا تمنينا بأن نحجز غرفة في فندق قراند حياة الشهير أو سي هوتيل اللي بجانبه على أقل تقدير وزعلنا في البداية لإمتلاء الحجوزات فيه ولكن اكتشفنا أمور مهمة جداً لما سكنا في فندق لاتيني ... وهي :-
1- الناموس الفتاك عند هذين الفندقين كثير بسبب وجودها على ضفاف بحيرة سيلامسي .

2- كثرة العائلات الخليجية فيها ( ؟ ) .

3- موقع فندق لاتيني الهاديء والخدمات المميزة فيه .

أخذنا تاكسي من محطة قطار المدينة إلى فندق لاتيني - وصلنا الفندق وكان استقبالهم مره حلو - وجدنا اسمنا عندهم وغرفتنا تنتظرنا - المهم كانت الغرفة روعه والمناظر المطلة عليها خلابة - ارتحنا شوي من عناء الطريق - نزلنا نتعشى في مطعم انتونيو الهندي ( حلال ) القريب من الفندق وكلها خطوتين من الفندق وتوصل له .
طلبنا الأكل الهندي والرز الهندي وياسلام من زمان عن الرز وبعد ما تعشينا رحنا إلى سنتر المدينة ( مشياً على الاقدام ) عن طريق امتداد بحيرة سيلامسي - والله من جد مناظر ولا في الخيال - والناس مهيصة وبعضهم يسبحو في البحيرة - والدراجات الهوائية شي .. كل وحدة معاها سيكل وتتمشى مع الجو الحلو - وناسة من جد وناسه - واحنا فرحانين بشاليهات جدة -
ومشينا والخليجيين مليان في كل مكان لكن جداً محترمين - وركبنا القارب اليدوي اللي تتحرك بالقدمين - اللي استخدامه زي الدراجة - وصراحة متعة وتجربه رائعة - ولفينا على البحيرة والناس كلها بالقوارب
بعدها نزلنا ودخلنا سنتر المدينة ( المحلات ) من جد محلات غير محلاتنا - لكن لقيناها مقفلة وبعدها رجعنا إلى الفندق مشي وكان الطريق مظلم - والمفترض ناخذ تاكسي وقبل مانوصل قريب الفندق لقينا عائلة سعودية يبغو يقطعو مشياً إلى سنتر المدينة ونصحناهم بالذهاب بالتاكسي وسمعو نصيحتنا

المهم وصلنا إلى الفندق ونمنا والحمد لله -

ملاحظة - جميع تفاصيل الأسعار راح اعملها ان شاءالله في جدول منفصل بالتفصيل والصور في نهاية الرحلة .اليوم السابع
صحينا الصباح ونزلنا فطرنا بالفندق والصباح عندهم يجنن والجو روعه - وبعد الفطور رحنا وقفنا عند موقف الباصات - ركبنا الباص المتجه إلى ( شلالات كريميل ) أخذنا تقريباً ساعة وربع مع التوقيفات في كل محطة وفي قرى رائعة .. والطبيعة تهبل إلين ما وصلنا الشلالات ..
مشينا مسافة مشياً على الأقدام حتى وصلنا لها .. أول شي طلعنا فوق للجبل .. والطلوع كان ممتع عن طريق ممرات محدده للمشاة ولكن كان في نفس الوقت صعب ومتعب . وهم ماشاء الله عليهم يطلعون بسرعة وعيالهم معاهم واحنا يا دوب نمشي ونشيل نفسنا الناس كلهم يتعدونا واحنا ما نتعداهم :112: وفي وقفة استراحة لاحظنا ان الناس تحت في مصب الشلال رحنا نزلنا عندهم واتصورنا والمكان روعه - ومن قوة صب الشلال الرذاذ يوصل عندنا واتبللت ملابسنا منها ورحنا حوسه ..
اتغدينا في مطعم لأننا شفنا الدجاج الشواية ومن زمان عنها ولما طلبنا دجاجة قالو لنا بعد 20 دقيقة وجلسنا ننتظرها
خرجنا ورجعنا لموقف الباصات وأخذنا باص زيلامسي ولكن توقفنا عند محطة كابرون - نزلنا إلى قرية كابرون في نيتنا ركوب التلفريك والصعود إلى مناطق الجليد والتلج في القمة - ولكن عند وصولنا لقرية كابرون دخلنا إلى مركز معلومات القرية ( i ) ملاحظة : هذي العلامة توجد في كل المناطق السياحية - تلاقوها على مباني صغيرة ومعناها ( i ) مركز معلومات إختصار لكلمة information معلومات .
وبعد مادخلنا إلى مركز معلومات قرية كابرون قالت لنا موظفة الاستقبال بالمركز : ان الوقت لايسمح بالصعود الآن ولا يمكن ذلك - وكانت الساعة الرابعة عصراً - وقد أقفل التلفريك وخرجنا من المكتب .. المهم رحنا محطة الباصات وانتظرناه اليين ما وصل .. ركبنا وطلبنا منه ينزلنا في منطقة الطائرات الشراعية أو المروحية لأننا ماكنا عارفين ايش الوضوع - المهم بالفعل وقفنا عند منطقة الطائرات المروحية flug platz ونزلنا ومشينا مسافة حتى

موجودون يقرأون بتأمل
واصل بارك الله فيك

ما شاء الله شرح عجيب
انا في الدوام لكن عقلي في ايطاليا
كمل بارك الله فيك

موضوع شيق
كنت أتمنى أن تكتمل روعته بالصور
يعطيك العافيه ... ومعاك متابعين

مو أنا
اه اه يا اطاليا كم عشقتك اخي ابحربنا

مجهود رائع وننتظرك
كنت مفكر اروح النمسا جنيف باريس شكلها بتصير النمسا جنيف ايطاليا
ننتظر تفاصيل اكثر منك عن اسعار الفنادق وغيرها

مشاء الله موضووع مشييق وممتع ويبيله قعده صراحه .. اضفته للمفضله وبرجع اروق عليه ان شاء الله لاني افكر برحله نفس رحلتك ان شاء الله
وياليت تزودنا ببعض الصور لاهنت
ويعطيك الف عافيه على هالموضوع

موضوع رائع مو انا
بس في شي مزعلني في الموضوع الى وهو الصور
لكن بصراحة موضوع وشرح محترم