اخوي اعتقد بتحصل هاي الالعاب
في جزر الدار
او جزر حوار
او منتجع البندر
هاي الاماكن تتواجد فيها الالعاب المائية
واذا احتجت اي شي اسألنا والاخوان مابيقصرون

أضف إلى أخوي بحريني وفتخر .. راح تحصل كل الي تبيه من ألعاب بحرية ان شاء الله في ::

• المارينا كلاب. ( عند المتحف ) ..
• نادي الشراع. ( عند شاطئ بلاج الجزائر منطقة الزلاق قريبة شوي من حلبة البحرين الدولية واذا تبي نعطيك الوصف الدقيق حاضرين ).
• نادي اليخوت / جزر الدار.
• بالنسبة للدانة نوفيتيل يمكن يوفر الجت سكي فقط.

ان شاء الله خلال السنوات القليلة القادمة المشاريع الضخمة على الشاطئ راح توفر أحلى رياضات بحرية متمثلة في مشروع المارينا وست في البديع وشاطئ الزلاق وشاطئ السلام في الزلاق ودرة البحرين على ساحل عسكر بالاضافة الى جزر أمواج اللي جهز شيء منها في المحرق ..
وان شاء الله كلها وغيرها من المشاريع الشاطئية تعزز من موقع الرياضات والأنشطة البحرية سواء من ناحية السباحة أو اللعب أو الغطس ..
..
على فكرة راح تبدأ دورة ابتداء من الشهر القادم للغطس تحت قيعان البحر , علماً أن في البحرين مافي اتحاد خاص في هذي الرياضة ولكن هناك متخصصين من بريطانيا راح يشرفون على العملية وطبعاً يمتلكون رخص تدريب عالمية .. ( الكلام من صديق مشترك في الدورة ) ..
..

مرحبا فيك أخوي ... أعتقد ممكن تحصل بعض الرياضات المائية في الشاطئ الخاص لفندق الريتز كارلتون البحرين ... هذا اللي قريته في الموقع حقهم ... http://www.ritzcarlton.com/en/Properties/Bahrain/Spa/FitnessCenter.htm . وروح على ال Watersports Activities
وحياك الله ...