هاليومين اقوم الساعة 6 صباحا واطلع من البيت الساعة 8
واتمشى وافطر برى البيت, طبعا الجو روعة واكثر من رائع, كان فيه ثلج خفيف وبرد لكنه برد حلو
رحت المطعم الصيني اتغدى, خلصت غدا الساعة 1 ونص , يعتبر بدري الغدا في هذا الوقت
المهم رحت زي العادة الساحة الكبرى plaza mayor هذي الساحة هي مركز المدينة وفيها الجلسات والمقاهي لكن في الشتاء مااحد يجلس في الجسلسات الخارجية لأنه برد
المهم وصلت البلاثا إلى قدامي كاميرا تلفزيون وشخص قاعد يتكلم عربي
واناظر فيه فإذا هو الأخضر بريش مذيع قناة الجزيرة الرياضية يصور في سلمنكا في الساحة الكبرى
في الوقت اللي ينقطع فيه التصوير يقوم فيه الأخضر بريش بلعب الكرة مع ((بزر أسباني)) عمره حوالي 3 سنوات
لكن البزر ماخلى الأخضر ياخذ راحته, وهو يصور تصقع فيه الكورة , طبعا كورة صغيرة
المهم انا سلمت عليه وسألته عن موعد البرنامج
قال لي يوم الجمعة الساعة 9 مساء ويعاد يوم السبت
واالغريب اني اول مرة اشوف قناة تلفزيونية عربية في سلمنكا
المهم شوفوا البزر الصغير في التصوير الساعة 9 يوم الجمعة على الجزيرة الرياضية