مسافرة غير
13-12-2022 - 11:59 pm
السلام عليكم جميعاً
هناك حقائق يجب على المسافرين معرفتها قبل ذهابهم الى سيرلانكا
سيرلانكا دوله تعاني من مشكله كبيرة في الطرق والمواصلات
وللأسف يجب أن تأخذوا معكم سائق خاص
وللأسف كل حديث الاخوه والاخوات كان عن جلب سائق يتحدث العربية فظننا أن السبب الترجمة ولكن فعلياً هنالك مشكله عظمى في المواصلات
سعر التاكسي بالمشوار الواحد يساوي سعر السائق باليوم الكامل
الاستغلال الغير طبيعي من السيرلانكيين
والطرارة عيني عينك
ركبنا الفيل ويطرنا المصور وسائس الفيل
يوم شافنا نضحك قال :
You are happy make us happy give us 1000 RS for each
ومعناه انكم تضحكون خلونا نضحك وعطونا 1000 ربيه لكل واحد منا
ويوم حقرناه وركبنا السياره لحقنا وطلبها مره ثانيه
وأحنا ديننا ودين الطرارة
والكل يبي ينهب
سافرنا من قبل دول كثير بس زي كذا ماشفنا
ونصيحه لا أحد يجي هالدوله
ماتسوى التعب والطراره وقله الادب >>>موقف بالمطار
المشوار بين المنتجعات والاماكن السياحيه ياخذ ثلاث الى أربع ساعات وفوق وكلها كم كيلو بس الشوارع مكسره وزحمه وخط واحد رايح جاي على أعصابك وطاير سواق التاكسي.
شيء محزن والله
والا المضحك بار خسران حول نفسه لمكان رقص شعبي وينادون الناس له
لاعت كبودنا من الناس بس تشرب
طلعنا وتركنا المكان
تعبنا من المشاوير تعب مو صاحي
الله يحلل دول شرق اسيا
( اندونيسيا تجنن , ماليزيا , الصين , هونغ كونغ )
كلها زرناها بس ماشفنا زي سوء هالمكان
هذا غير الناموس
صرنا نمشي ونبخ من الطارد
ارجوكم اللي يفكر يجي هالمكان تراه مايسوى الخساير
تدفعون نفس المبلغ او اقل بدوله ثانيه وتستمتعون أكثر
حنا ماننكر اننا انبسطنا بس بنسبه اقل بكثير من اي دوله زرناها
من الاخر سلكنا الموضوع ويكفي تعب وخساير
رحلتي الى سريلانكا
انا مو معاج بكل الكلام الي قلتيه غير ان سريلانكا الطرق فيها تعبانه
وسالفه الطراره فهاذي موجوده بكل مكان وانا رحت لدول عربيه وخليجيه كانت الطراره بكل مكان اما سريلانكا فينعدون على الاصابع
بس اتوقع ان انتي يضيق خلقج بسرعه من هالمواقف حتى لو من موقف واحد فقط
وسريلانكا من الدول القليله الي تتنقلين بين المناطق كلها مع السايق وانتي قلتي انج مجربه عده دول والدول هاذي التنقل فيها من منطقه الى منطقه يحتاج طيران داخلي ومصاريف يعني سالفه 3 ساعات طريق بالسياره شيء تافه
وانتم بالسعوديه دواماتكم تحتاج ساعات بالطريق ومتعودين على هذا الشيء يعني 3 ساعات كأنها ربع ساعه
اما بخصوص استغلال السريلانكيين وكلهم يبون ينهبون وقله ادب فهذا الكلام غير صحيح 100
وانتي من ال 4 او 5 اشخاص الي شفتهم يذمون سريلانكا والحمدلله
وبخصوص ان في دول ارخص من سريلانكا واحسن ما اعتقد هالشيء صح ! سريلانكا اصلا بلد فقير ورخيص بكل شيء والدول الثانيه اغلها منها بالضعف تقريبا
لكن عيب بعض الاشخاص يروح من غير تخطيط او يحط لنفسه جدول ضيق ويبي يزور الاماكن كلها وهذا شيء ما يصير
بالنهايه هذا رايج وكل شخص وذوقه وميوله والناس ما يجتمعون على راي واحد
بالتوفيق