D7ymoh
07-02-2022 - 11:07 am
السلام عليكم ،،
كيف حالكم اخواني؟
انا حاب اقدم عالفيزا السياحيه ان شاءلله بس حاب استفسر وش المطلوب بالنسبه لكشف الحساب؟
انا راح اخذ كشف حساب الوالد وتعريف من جهة العمل ، هل يوجد اي خطابات مطلوبه ثانيه؟ وكم المبلغ المطلوب ان يكون موجود بالحساب ام يكفي وجود الراتب ونزوله شهريا ؟
وانا طالب ادرس خارج المملكة هل يجب اجيب تعريف من جهة الابتعاث او الجامعه؟
الف شكر ،،
انت نفس اسالتي الي سألتها قبل اطلع الفيز ..
بالنسبه لكشف الحساب .. انا تمرمطت في كشف الحساب .. اطامر وراى بنك الراجحي .. وكل ماقلت لهم ابيه انجليز ي.. يقولون يبيله يجي من الأدراه .. إلى ماربك يسر لي وطحت على واحد الله يجزاه بالجنه .. يسر لي امري ودعالي ..
المهم .. جاء وقت المقابله .. وسألني .. ليش رايح .. مين الي بيصرف عليك .. قلت له ( انا الي بأتكفل . لأني مودع الفلوس في حسابي .. ) انتقل للسؤال الثاني .. ومع الحماس قلت له تبي كشف الحساب .. قال ( مايهم ) سألني عن الوالد وين يشتغل .. انا بينت له الصوره .. بس حسيت إنه سلك لي .. مافهم ... وعطيته بطاقة العمل ... وشافها وردها لي .. وقالي في خلال اسبوعين إلى ثلاث راح تستلم الفيزا ..
وهذا الي صار لي .. لكن الأحتياط واجب .. وبالنسبه للمبلغ .. اي ملبغ فوق 12000 وإذا سألك كم المده .. قله تقريبا في قرابة الأسبوع .. ومافيها ااي مشكله ..
واي خدمه انا جاهز