وين الناس الله بالخير ,,, لاتنسوني تكفون

هلا اخوي عاشق البندقيه انا عندي وجهة نظر شخصيه بسيطه واتمنى تستفيد منها
بالنسبه لي شخصيا احب اروح واستمتع ولو يوم واحد ولا اروح اسبوع واحرم نفسي يعني مو مشكله ان الواحد يكون ميزانيته متوسطه وخصوصا ان العالم كله في ازمه اقتصاديه ههه
يعني بالعربي الفصيح لو تقلل المده بتصير عندك الامور ابسط واريح لان كل ما زادت المده زاد الصرف
وثانيا عشان اطمنك وماتزعل على المده انها قلت لو تخطط كويس وتتعب على جدول زيارتك لباريس انا اضمن لك تشوف اهم المعالم السياحيه + ديزني في 5 ايام بس !!!!!
خذلك لفه في المنتدى الجميل هذا وشوف ناس مسويين جداول ل 3 ايام باريس ومكفيتهم يشوفون المعالم السياحيه الرئيسيه ويروحون ديزني بعد
تحياتي لك واتمنى تتقبل وجهة نظري الشخصيه بصدر رحب

والله يا mo'3amer انتا واحد كلامك موزون وانا ماعندي مشكله يعني ممكن تصير الرحلة 10 ايام او اسبوع كامل
بس ابغي اعرفكم تقريبا هتكلف سفرة لمدة 10 ايام او اقل
وشاكر مرورك وردك ,,,,,,,,

معدل التذكره : 2500 ريال ( لو حجزت بدري )
الفندق 3 نجوم : 500 ريال باليوم ( غرفه لشخصين )
مصروف يومي : 400 ريال للشخص ( شامل الاكل فاست فود + دخول المزارات )
و عليك الحساب

mzoon
الله يعدك يامزون وشاكر اهتمامك وردك , هل انه مستحيل ( تطلع عليه التكاليف اقل من كذا )
يعني في السكن انا اتوقع يمكن احصل اقل من كذا في اليوم والمصاريف الشخصية مو 400 كثير
ولا انا غلطان , ياريت تفيديني .

1. مرحبا اخوي عاشق البندقيه

مرحبا اخوي عاشق البندقيه

في طريقه توفر بالتذكره والسكن بأنك تاخذهم (باكيج) او مع بعض يعني من مكتب سياحي او من موقع موثوق طبعا المواقع اللي بالنت ارخص من المكاتب السياحيه بس الناس لين الحين تتردد تحجز من النت عشان يحسون المكتب السياحي اضمن
وبالنسبه للمصاريف اليوميه 400 ريال احتياط ولكن في ايام ممكن تصرف 200 وفي ايام 500 ويمكن اكثر يعني خلني اعطيك مثال وانت قيس على ذلك
مثلا : رحت لمتحف اللوفر (9) وبعد ما خلصت رحت لاقرب مطعم فاست فود والوجبه ما تقل عن (15) بعدين جلست تتمشى في الشانز (ببلاش) ههه وبعدين ركبت المترو بتروح ايفل مثلا وبتركب الطابق الثالث (13) وخلصت من ايفل وتبي تروح رحله نهريه في السين (10) وبعدين رجعت للمطعم عشان تتعشى (15) يصير المجموع = 62 يورو يعني تقريبا 341 ريال سعودي ( بدون المترو او المواصلات)
ومثلا في يوم بتروح ديزني ( تذكرة الدخول لحالها 275 ريال + المواصلات ) و عليك الحساب
وفي يوم ماراح تدخل اماكن تحتاج تذاكر دخول مثل الاسواق والشوارع والحدايق العامه لكن في نفس الوقت انت ممكن تشتري من السوق او تغير مطعم الفاست فود وتصير الوجبه اغلى وكذى
اتمنى الفكره وصلت وما دوختك معاي وفي السفر الواحد يحط زياده عشان ما يروح هناك ويتوهق واذا وصل المكان اللي يبغيه يوفر على كيفه ههه بس زي ما قلتلك قلل المده ودلع نفسك صدقني اكثر من اسبوع واجد على باريس لحالها لو ما تبي ديزني وفيرساي انا مستعد اشطبلك باريس كلها في 3 ايام ويمكن يومين بس مزحومين شوي ههه
انت فكر وخذلك لفه في المنتدى في مواضيع كثير حلوه تعلمك كيف تحسب ميزانيتك اليوميه ومصاريف السفره كلها وان شاء الله تروح وترجع بالسلامه ونستنى تقريرك المصور

mzoon
لو سمحتي اختي
تقول التذكره ب2500 هاذا عرض والا في مكتب يكون التذاكر عندهم ارخص ؟؟
وممكن تعطيني امثله على فنادق رخيصه موشرط تكون فخمه بس اهم شي يكون في افطار

فيه عروض على الخطوط السعودية التذكرة ب1600 ريال بس خلصت التذاكر

1. المترو من المطار الى الشانز ب8 يورو


2. فرساي ب50 يورو


3. المجموع الكلي 415 يورو صرف لمدة 10 ايام اي ما يعادل 2300 ريال سعودي


4. اشرايك ميزانيتك تسمح ولا لا؟


5. ركوب قوس النصر للشخصين 16 يورو

شوف هالشرح وان شاء الله يفيدك
اذا سكنت في فنادق بقيمة 500 ريال معناها 10 الايام ب5000 ريال يبقى لك الف ريال يومي = 200 يورو لشخصين صح؟ يبيلك بصراحه ازيادة افضل

المترو من المطار الى الشانز ب8 يورو

نجي للغدا وجبة بالخضار او السمك ب15 يورو للشخص من ماكدونالدز او بيتزا بينو
لفة بالباص الاحمر لمدة يومين او ثلاثة ب24 يورو دخول لبرج ايفل ب12 يورو ركوب نهر السين ب11 يورو تقهوي بسيط ب12 يورو دخول متحف اللوفر ب10 يورو واذا رحت لقصر فرساي ببطاقات المترو راح تركب باص من المترو عشان يوصلك لحد القصر بعد بمبلغ ودخول كل قاعة بمبلغ يعني راح تصرف بفرساي يمكن 50 يورو من دخول القصر a وقاعة المرايا بسعر الحديقة بسعر وتاجر لك سيارة صغيرة او تركب قطار يلف فيك بالحديقة بسعر لانها كبيرة حييل ما تنلف بالرجل
دخول دزني بللبارك والستديو ب59 يورو للشخص
اذا تبي نحسبها بشويش بنشوف كم تكلفتك
بالوجبات 15 يورو × 10= 150يورو
لفه بالباص راح تاخذ تذكرة لمدة يومين مثلا ب24 يورو
دخول برج ايفل راح تدخله مرة واحدة ب12يورو
التقهوي البسيط وكامل لشخص ب100 يورو
نهر السين لشخص ب10 يورو
متحف اللوفر 10 يورو
دزني ب59 يورو

فرساي ب50 يورو

المجموع الكلي 415 يورو صرف لمدة 10 ايام اي ما يعادل 2300 ريال سعودي

يعني تقدر تدبل الوجبة ويصير غير فطور الفندق تاكل غدا وعشا ويصير مصروفك 3000 ريال تقريبا يعني تسكن ب5000 ريال وتصرف 5000 ريال بحيث 3000ريال هذا انت مرهي على نفسك و2000 احتياط مثلا خلصنا من الفرارة بالباص الاحمر اكي تحتاج مترو وهكذا يعني بالراحة يبيلك 10000 ريال من غير التذكرة والفيزا

اشرايك ميزانيتك تسمح ولا لا؟

ركوب قوس النصر للشخصين 16 يورو

هذي المصروفات لو نحسبها لمدة 5 ايام تكلفك بس بشرط الاكل من الفاست فود والتقهوي تتاكدون من الاسعار قبل ماتطلبون لان باريس اغلى مافيها دخول دزني والاكل اما التنقل بالمترو ورسوم دخول الاماكن التاريخية ما فيه اي تكلفة
وخلي اخر يوم لك في باريس اشتري منه اشياء للذكرى وبس او عطر عن خاطرك
وراح تكون روحة اقتصادية بحته
وان شاء الله قدرت احسبها لك صح