- اليوم الثاني : شامونيه
- اليوم الثالث : بروك على ما اعتقد وغريير لزياره مصنع الجوكليت والجبن
بسم الله الرحمن الرحيم
اشلونكم شخباركم اعضاء ومشرفين
انا بخاطري اروح باريس ومن جد احب هالديره رغم اني عمري ما رحتلها وعندي خبره بمبادئ اللغه اي باشياء بسيطه
وهالسنه قررت اروحلها مع اخوي وبفضل معلوماتكم واستطلاعي واكتشاف المناطق الريفيه لها
قررت انه تكون رحلتي لمده 10 ايام شهر جولاي
ابي اروح بالاول جنيف واقعد لمده 3 ايام في الووريك وخاصه انه يم محطه القطار عشان ما اضيع وخاصه انها اول سفره لي
اليوم الاول : رحله إلى انسي
اليوم الثاني : شامونيه
اليوم الثالث : بروك على ما اعتقد وغريير لزياره مصنع الجوكليت والجبن
طبعا ياليت احد يقولي تكاليف الرحلات هذي ومصاريف اليوم من كل النواحي وانا بخاطري انه اخوي يسوق هناك لاني ابيه يستانس مابيه يمل وانا عارفه انه السواقه للشباب حلوه برى وخاصه انه الاغلبيه يمدحون السواقه هناك فنفترض انه احنا بنأجر سياره كم راح تكون تكلفتها لمده 3 ايام
ولو ما اجرنا سياره ورحنا بالباصات الجماعيه اللي قال عنها بوعزوز كم راح تكون التكلفه؟
انتهينا من جنيف راح ناخذ قطار ونروح باريس ومن باريس نبدل القطار ونروح يورو ديزني ليلتين ومن هناك بمر لا فيلا فيلاج
اشرايكم احجز بنيويورك ديزني لاند شامل التذاكر ولا احجز بالفندق المقابل له لكن بدون تذاكر او تنصحوني بفندق ثاني لكن ابي قريب شوي وسعره زين يعني ابي انا اكون الربحانه بكل شي
ادري طماعه
خلصنا من 5 ايام باقي 5 ايام بقضيها في باريس
وبالنسبه للسكن احترت بين ( الشاتو - كاليفورنيا - Best Western Premier Elysees Bassano )
بالنسبه للمواقع احس كلهم زينين وبالنظافه بعد لكن يهمني رايكم وهل اقدر اوفر بالنسبه للفنادق هذي في ميزانيتي ؟؟
انا اهم شي عندي مكان مرتب ونظيف وقريب والارخص افضل عشان تزيد الفلوس في المصرف
كيف راح اقضي ال 5 ايام:اليوم الاول : بكون راجعه من يورو ديزني وقريب العصر باخذ الباص المكشوف وفره على باريس
اليوم الثاني : بروح برج ايفل ورحله بنهر السين وباليل الشانزليزيه
اليوم الثالث : متحف اللوفر والاوبرا وتسوق
اليوم الرابع : الحي اللاتيني ولا ديفانس
اليوم الخامس : ماادري والله عطوني اقتراحاتكم اذا نسيت شي
ادري دوختكم باسئلتي لكن جد بكون شاكره لكم لو رديتوا علي بالتفصيل او غيرتوا شي بالعكس مهمه عندي آرائكم واي نقطه حتى لو كانت صغيره
وبالنسبه للطيران بروح على القطريه لانها هي اللي تروح على جنيف بعكس الامارتيه
وبليز لا تستهينون بالحسبه ابيها دقيقه قد ما تقدرون لانه اخوي معتمد علي اسوي برنامج ودام اني انا اللي بخاطري بالسفره لازم اجهز من الحين ادري عسى الله يحيينا لي شهر جولاي بس احب ارتب اموري مبجر
لا تنسون احسبوا كل شي تاكسي من المطار لي الفندق القطار المواصلات الاكل وجبه محترمه باليوم وجبه سريعه عشى او غدى يعني عاد انتو الخبرا مو انا
ويعطيكم الف عافيه انتظر ردودكم بفارغ الصبر
على التكاليف ماقدر احسبها لك لان ابوي اللي يدفع ههه
ثاني شي من وقت لو قت تتغير الاسعار تغلى او ترخص حسب الموسم
واذكر يوم الاحد لمااقعد بالقهوه تكون ارخص من باقي الايام لان اجازتهم
وحتى شهر عن شهر او يوم عن يوم متى ماشافو الزحمه غيروا الاسعار
هذا بالنسبه لقهاوي اللي لازم بالليل تروقين فيها
اما بالنسبه لااماكن السياحه
نصيحه مني لاتروحين اللوفر تحسفت على اليوم اللي رحت له فيه تكسرت رجيلاتي
بس لانك بتروحين الحين ماراح يكون فيه زحمه
وبعدين فيه تماثيل ومجسمات اشكال والوان