منطقة النزهة من مناطق محافظة العامة وبالتالي الشقق الفندقية الموجودة ببنيد القار وشرق هي الاقرب حوالي 10 دقائق وكذلك الفنادق
هناك خالد هاوس وحصة هاوس (كله هاوس هاها) ورويال ميراج وغيرها ببنيد القار وهناك فندق جديد بنفس المنطقة هو بلازا أثينه ، وبشرق هناك ريتز الشرق جدا ممتاز وفندق هوليدي إن داون تاون وفندق الكورت يارد وهناك شقق فندقية فخمة خلف فندق الهوليدي إن (نسيت إسمها)
بالنسبة للاسعار الشقق تتراوح بين 30 و50 دينار والفنادق 35 إلى 55 دينار .
أما الششق والفنادق اللي جربت شخصيا هناك
ريتز الشرق ، وفندق هوليدي إن داون تاون .

مثل ماقلك اخوي فهد الاحمد الافضا تسكن بشرق او بنيد القار انا انصحك:
بريترز الشرق او الهوليدي ان او الكورت يارد

فهد الأحمد
اخوي فهد .. اجل حصة و خالد شيصيرون حق بعض
مشكور على تجاوبك السريع يا الغالي ..
انا ابي غرفة لشخصين بفندق .. اذا الاسعار بحدود ال 35 دينار اشوفها معقولة ..
لكن ما قلت لي بالنسبة للحجز .. رايك احجز عن طريق النت ولا اروح و اضمن لي غرفة ؟
علما اني بروح لها ويكند ان شاء الله ..

مسافرة كويتية
الف شكر اختي مسافرة ..
يعطيك الف عافية ..

انا انصحك بفندق السفير اللي على شارع الخليج ... دايم اسكن فيه بسعر 30 دينار مع الافطار ... خمس نجوم

saaahi
يا حبي لكم يا بوابة الكويت ..
ما عندكم وقت تجاوب سريع سريع
اخوي ساهي .. السعر جدا معقول و اذا على كلامك 5 نجوم و مع الافطار اعتقد انه يستحق الزيارة ..
بارك الله فيك ..

أخوي عبد الوهاب الأسعار تختلف من فندق لآخر يعني عند الداون تاون تقريبا 50 دينار والسفير كان سعره 45 دينار وما أدري إنه صار 30 وعموما تقدر تمر على الموضوع المثبت بالبوابة وتدخل الموقع الخاص بسفير وتسوي شيك (وتتأكد) بس مستوى الداون تاون أفضل وأحلى وأجدد .
وعندك الكورت يارد يتميز بأن به مجمع الراية للتسوق ولوبيه يشرح الصدر وسعر حاليا أكثر من خمسين (يختلف حسب العروض من 52 إلى 66 دينار)
وفندق بلازا أثينا من أحدث فنادق العاصمة هو 3 نجوم لكن نظيف جدا ما سكنت فيه لكن شفته حلو وأسعاره تتراوح من 35 إلى 45 .
وبالنسبة للحجز بالأنترنت : شوف مو كل فنادق الكويت تقدر تحجز لها من الأنترنت وبصراحة ما يفرق كثير يعني عندك موقع booking.com على سبيل المثال حاط بالكويت فقط فندق واحد وهو روتانا المنشر ومواقع اخرى بس بعض الفنادق الخمس نجوم والأسعار مثل ما قلت لك متقاربه مو نفس نظام فنادق مصر وأو دبي الفرق تراه كبير بالأنترنت .

حبيبي فهد ..
مشهور على التفصيل الوافي و الشرح الكافي ..
انت قصدك بالداون تاون الهوليدي ان ؟
اوكي .. لو بروح ويكند هل اضمن لي غرفة هناك ولا يفضل اكلمهم و احجز عن طريق التلفون ..
على كل حال انا بشوف الموضوع المثبت بخصوص الفنادق .. و سامحنا على كثرة الاسالة ..
يعطيك الف عافية ..

نعم الهوليدي إن داون تاون ( وهو بالعاصمة ) لأن في واحد ثاني الهوليدي إن بالسالمية .
وبالنسبة للحجز إتصل على الفندق وإحجز وبلغه إنك جاي بالموعد الفلاني وإنشالله تحصل
وأي خدمة إحنا حاضرين .
وحبيت أقولك إن الغرف الستاندر بالداون تاون على نوعين نوع يكون ال(VIEW) على الشارع داخل المنطقة ونوع يكون على البحر وتقدر تشوف سوق شرق أمامك (وهذه سعرها زيادة 5 دنانير على ما أذكر)
بس إذا تقدر تاخذ اللي تطل على البحر وبالأدوار العلوية افضل عشان تشوف البحر .