نعم تقدر تستاجر سياره وتروح بها للبحرين
عندك ذيب او المفتاح ويعطونك تفويض للبحرين

مشكور ماقصرت اخوي على الرد ولكن هل فيه تعقيد بالنسبه لشركات التاجير يعني يطلبون مبالغ اضافية .. وايضا اذا اعطوني التفويض يكون جاهز خلاص ولا لازم اوديه للمرور يختمونه لاني بصراحه اكره المراجعات خاصه ((((((((((((((((عند المرور ))))))))))))
يجيبونلي الأكتئاب من كثر اللطعه عندهم .

لا ما فيه تعقيد لكن عليك دفع قيمة التفويض (50 ريال) و اخذ اذن العبور من مرور الجسر بعد ما ياخذوا التفويض و بتاكدوا ان ما عليك مخالفات (اذا فيه ادفعها و ارجع لهم ثاني)
و بالسلامة

مشكور اخوي ماقصرت بس سؤال بسيط وارجو الرد عليه عاجلا فضلا لا امرا لأن موعد سفري لم يبقى عليه سوى اربعة ايام .
موعد وصولي سيكون تقريبا الثانية صباحا .... هل مرور الجسر بيكون فاتح هالوقت عشان اقدم لهم التفويض الخاص بسيارة الأجار ............لايكون مايفتحون إلآ الثامنه صباحا كباقي الدوائر الأخرى ..والله الورطه .

هلا فيك اخوي abc99abc واتمنى لك رحلة سعيدة وبالتوفيق ان شاءالله
بالنسبة للمرور فاتحين 24 ساعة وموقعهم في منطقة الخدمات الحكومية خلف الدفاع المدني بالضبط , اذا دخلت المرور اذهب الى المكتب الذي يقابلك في وجهك واذا مالقيت احد خذ طلة براسك من نافذة الكاونتر تحصل العسكري نايم تحت ( تجربة شخصية ) .
اهم شي اخوي تتأكد ان تفويض الشركة معاك وان رخصتك سارية الصلاحية ولا يوجد عليك مخالفات وكذلك الشركة اللي مستأجر منهم مايكون مسجل عليهم مخالفات , حيث سبق وان وجدت مخالفة على شركة التأجير واتصلت عليهم ورد علي الموظف وقال اذا انت مستعجل سدد انت بعدين نحاسبك او انتظر حتى يبدأ دوام المعقب ونسدد , وانا بصراحة ماقدرت اسدد لان المبلغ كبير شوي وانتظرت في الجسر الى ان تكرمت الشركة بسداد مخالفاتهم الساعة 11 :112: .
يمكن طولت عليك اخوي بس انا حبيت انك ماتتعطل مثلي .
مع السلامة

الي اعرفه عن سابق تجربة قبل ستة اشهر تقريبا
ان المرور له دوام الى العصر فقط ويقفل

بيض الله وجهك والله يوفقك يارب ياكريم . بس ممكن تدلني وين مكتب المرور بالضبط .. يعني بعد ماينتهي الجسر وانحني شوي يسار كاني رايح للجوازات راح تجيني مطبه وبعدها بشوي صراف على اليسار اذكر مره صرفت منه وين اتجه بعد كذا
واشكرك اخوي بشده .
االأخ صغير المتداولين واحد رد على الموضوع وقال ((((((((الي اعرفه عن سابق تجربة قبل ستة اشهر تقريبا
ان المرور له دوام الى العصر فقط ويقفل ))))))))) وشرا ايك .

abc99abc
بالنسبة لموقع المرور اذا وصلت الجزيرة لا تنحي ييسار , يوجد لوحة في اليمين تدلك على موقع الخدمات الحكومية اما بالنسبة للمرور خذها مني انا جيتهم مرة الساعة 6 صباحا ومرة 11 مساء وهو مفتوح 24 ساعة ويوجد عسكري مناوب خاص بالتفاويض , ومثل ماقلتلك تأكد من عدم وجود مخالفات عليك وعلى الشركة وكذلك نسيت اقولك ان تفويض الشركة لابد ان يكون مصدق من الغرفة التجارية واغلب الشركات عندهم تفاويض مصدقة مسبقا .

يا اخي والله اني اعجز عن شكري لك ..........ولكن (((((((((((( الله يوفقك ويسر لك امورك ))))))))))))))
تقبل تحياتي .. في امان الله .